#ثمن_حريتي

الجزء 13

#ثمن_حريتي
بقلم فردوس عبد اللطيف
الجزء 13  حقيقيه
ونحن في الغرفه المظلمه مع شعورنا بالخوف والرعب  احدى البنات الي كانت معي خريجه لغه عربيه ومن محبي الشعر  سمعت صوت حمامه وانشدت قصيده لا بي فرأس الحمْداني الرائعةَ، التي قالها عندما كان أسيراً, وسمعَ حمامةً تنوح على شجرة عالية بقربه، فأراد منها أن تشاركَه في أحزانه، وتحملَ عنه بعضَ الهموم، فقال يخاطبها، وهو في سجنه:
أقولُ وقد  ناحت  بقربي   حمامةٌ      أيا جارتا, هل بات حالك حالي؟[1]
أتحملُ    محزونَ    الفؤادِ  قوادمٌ        على  غصُنٍ  نائي  المسافةِ   عالِ
أَجارتَنا،  ما  أنصف  الدهرُ  بيننا        تعالَي   أقاسمْكِ    الهمومَ    تعالِي
تعالَي  ترَيْ  روحاً  لديّ   ضعيفةً        تردَّدُ   في   جسمٍ   يعذَّبُ    بالِ
أيضحكُ مأسُورٌ  وتبكيْ  طَليقةٌ؟       ويسكُت  محزونٌ  ويندبُ  سالِ؟
لقد كنتُ أولى منكِ بالدَّمعِ  مقلةً      ولكنّ  دمعِي في  الحوادث غال
تقريبا حفظتها القصيده وما ذلك إلا لرقتها وعذوبتها، فترى القوافيَ فيها تبكي، ودموعَ سامعها تهمي، وقلبه يذوب ليناً وعطفاً،
من اجه علينه وصب الماء فزينه صحينه صرنه نرجف ما اعرف من البرد مدري من الماي عاط بينه
كومن نايمات كح كومن
كعدنه جرنه كل وحده راشدي والي دكول اخ يكولهه اشششششش ما اسمع صوتج ويلها كفخه ورفسه
بهالاثناء سمعنه الولد يصرخون مثل صوت النسوان يظهر جاي يعذبوهم خفنه متنه خوف بالبدايه مجنت خايفه لكن الوضع صدك صار يخوف
الخاطف  راح افتح ايديكم ترحون للحمام وحده وحده بس عيونكم ما افتحها يكودنه وندخل غسلنه اصلا ملابسنه تبللت من الماي بعد ما كملنه الحمام رجعنا لمكانه انطونه كل وحده صمونه يابسه وجبن مثلثات واحد لكل وحده كوه تنزل اللقمه
بس الجوع يجبرك تاكل حتى لو صمونه معفنه ويابسه
بعدهه اجه علينا واحد طبعا هما اخذو موبايلاتنه من البدايه
ومفتشين بيهم وغالقيهم
بدأ يفتح بالموبايلات
اول موبايل كال هذا النوكيا تلفون منو
سميه اني سيدي
الخاطف بمنو اتصل من اهلج يدفعولي فديه عنج
سميه ها ها امي خابروهه
الخاطف الووووو انت ام سميه
ام سميه هلى يمه وين سميه ماكو خبر عنهه ومنو انت
الخاطف انت مشغلتهه كح وظال بالج عليهه ولج سمعي تردين بنتج حضري عشر دفاتر
ام سميه يمه شنو دفاتر فلوس
الخاطف لعد فصم انت تستغبين
ام سميه منين اجيبلك يمه احنا عايشين عالي تجيبه
الخاطف عايشين عالحرام عندج منا لباجر وسد التلفون
بعدهه هذا الجلكسي مالت منو
رباب تلفوني سيدي
منو من اهلج مسؤل عنج
رباب اني اكبر وحده خواتي صغار واخوي عمره 15 سنه واني معيشتهم
الخاطف وين اهلج
رباب ابوي بالسجن وامي تزوجت
يعني نتصل باخوج
رباب اي لا اتصل بصديقي ابو أياد
الخاطف شنو هذا
رباب هو يحبني ويدفعلكم المبلغ
الخاطف الووووو ابو أياد
ابو أياد نعم تفضل هذا مو تلفون رباب
الخاطف هلا والله شكد تحبهه لرباب
ابو أياد انت شتريد
الخاطف حبيبي اذا تريد رباب ترجعلك حضر عشر دفاتر
ابو أياد ومنين اجيب هالمبلغ
الخاطف مو رباب دكول انت تحبهه وعندك فلوس
ابو أياد عمي اني رجال ع كد حالي
الخاطف باجر نتصل بيك
بقى التلفون الاخير
هذا الحلو للحلو انت ياحلوه بيمن نتصل
يسرى سيدي ماعندي احد يدفعلي
الخاطف بس مصيرج القتل اذا ماتدفعين حالج حال البنات
يسرى سيدي اني اعيش عند ام طارق وعندي ولدين وزوجي ذبني بالشارع اني واولادي وماعندي لا اهل ولا احد
الخاطف وين اهلج
يسرى تحسرت سيدي اني هاربه من اهلي
ما اريد اكذب عليكم
الخاطف ماعندج واحد يحبج زين هاي القواده ام طارق مو مستفادة منج خلي تدفعلج وتنقذ حياتج
تدرين مصيرج الموت اذا ميدفعولج
سحبت نفسي بقيت أبوس برجليه الله يخليك سيدي والله جهالي ماعدهم احد غيري بس اني معيشتهم الخاطف وتعيشيهم بالحرام وتشتغلين كح
سيدي فدوه اروحلك باوع على ايدي هذا خياط حاولت انتحر ولا اشتغل مومس ونقذوني وراها انجبرت سيدي لخاطر اطفالي فدوه اروحلك
دفرني برجله
بقينا نبجي ثلاثتنا خصوصا من نسمع أصوات الولد يصرخون مثل النسوان ويبجون وحسب ما سمعنا اتصلو باهلهم هم عالفلوس
تمر الساعات علينا كانهه سنين لان بكل لحظه تمر علينه هي رعب صار الظهر احنا مانعرف الوقت الا من الاذان نسمع صوت الاذان صح شويه بعيد بس نسمعه واضح
رباب صار عدهه مغص وألم فضيع ظلت تصرخ وتتمرغل بالأرض عاط عليهه
الخاطف كومي ولج لا اجيلج اموتج كتل دخل عليها وهي تصرخ ظل يرفسهه برجله
ولج سكتي سكتي
لحد ما سكتت بس اسمعهه تشهك وتبجي
بس الولد الظاهر كل كم ساعه ياخذون واحد ويعذبوا لان كل كم ساعه نسمع صوت واحد يصرخ
من صار الظهر جابولنه صمونه لكل وحده وبطل ماي الصمون يابس كوه ينوكل بس اكلناها
بعدهه اخذو سميه جانت خايفه وتصرخ لا يقتلوهه سمعنه بالبدايه صريخهه تالي سكتت متنه خوف اني ورباب لزمنه وحده بالثانية ونرجف بعد كم ساعه جابوهه سحل متكدر تمشي وشمروهه يمنه
بعد ما طلعو
يسرى سميه شسولج سميه وليش تونونين
سميه اعتدو علي ست اشخاص اعتدو علي شحجيلكم بنات ضرب وأهانه حتى السجائر يطفوهه بجسمي اذوني حيل وتبجي
بعدهه جابو سطل بي ماي واجه الخاطف يلزمنه من شعرنه ويدخل راسنه بسطل الماي لحد ما نختنك يالى يطلعنه وحده وره الثانيه
اليوم الثاني اجوي اخذو من عدنه دم سحبو بالسرنجه وكل وحده كتبو اسمهه ع الدم المسحوب
طبعا كمل اليوم الثاني بنفس الوضع ليله الثانيه اخذو رباب ونفس الشي سوو بيهه الليله الثالثه اخذوني
الخاطف يسرى احنا لازم ناخذ فلوس مقابيل حريتج كوليلنه منين ناخذ
يسرى بقيت ابجي وأتوسل بوست حتى حذائه
دنكت على رجليه سيدي اني ماعندي احد وجهالي ماعدهم غيري منو يعيشهم حا يضيعون
الخاطف اخذوهه رجعوهه
بعدهه اجوي أخذونا وحسيت حتى الولد
بعدين سمعتهم يحجون
هاي يسرى خطيه لاتكتلونه رجعوهه
واحد ثاني هم كال اي سيدي خطيه لخاطر اطفالها
رجعوني بس اني ميته بمكاني والبنات والولد اخذوهم قتلوهم
بعد شويه دز علي الخاطف
الخاطف يسرى الولد والبنات قبضنه من اهلهم فلوس بس انت ما استفدنا منج
سيدي ماعندي والله
الخاطف اعرف ما عندج فلوس بس نريد منج شئ ثاني
يسرى شنو سيدي شعندي انطيكم
عندج كليتج
يسرى شنو كليتي
ناخذ كليتج محتاجينهه
يسرى لزمت خاصرتي سيدي شتسوون بكليتي
نبيعهه ننطيهه لاقاربنه محتاجهه انت معليج
يسرى سيدي ماعندي غير صحتي بهالدنيا تريد تاخذ كليتي
اشلون راح اعيش ؟

الخاطف مو زين ما قتلناج ويه جماعتج تدرين اعدمناهم

طبعا الارض كولهه دم وريحه الدم بالمكان كرهت المكان
كل لحظه تمر علي بسنه رجعت تذكرت اهلي
امي ابوي اخوي رياض
لا لا اذا يشوفني هسه يقتلني ويشرب من دمي
حتى زواجي من هاوره مجان عقد محكمه
ويعتبر زواج مو قانوني واطفالي ماعترف بيهم
وين انطي وجهي ياربي
لو ام طارق اعتبرتني دجاجه تبيض ذهب
شغلتها القواده شتأمل منهه
زين من صدك قتلوهم كلهم اوووف ياربي
اني بكابوس لو حقيقه شنو الي دا يصير
خطيه الولد بعدهم بعز شبابهم قتلوهم
اوووف
والبنات عندي ذكريات وياهن انقهرت عليهن
واهلهم منو راح يعيشهم مسكينات كل وحده منهم اجبرت ع هالشغله خطيه خسرن حياتهن بسبب حاجتهن للرزق
واني شنو مصيري اذا قتلوني منو لجهالي اكيد ام طارق
ترميهم بالشارع ياربي نجيني اذا اخذوا كليتي
راح اخسر صحتي ،،،شلون راح اكدر اعيش ولدي ؟
يسرى صحيح اني رفضت لكن مبين عليهم مصممين
روحي وحياتي بين ايديهم ماكدر امتنع لو ادافع عن نفسي
عيوني مغطيهه ماكدر اشوف المكان بس اسمع وأتحسس
تلمست الباب مقفول
تلمست الحائط بي شباك عالي وبي كتائب حديد
الهروب مستحيل من هالمكان
مابيدي غير الانتظار
متى يحين دور الذبح ليأخذوا قطعه من جسدي
مقابل حريتي
كليتي هي ثمن حريتي والا مصيري القتل مثل
رباب وسميه
انتضار قاتل الوقت ميمشي بطئ الدقيقه تعادل سنه
******
اليوم الرابع ...صباحا
الخاطف : يسرى كومي بدون اي صوت ولا كلمه
عرفت حا ياخذوني بقيت كاعده ما قبلت اكوم
جرني سحل هما اثنين وأخذوني سحل عيوني مشدوده
صعدوني بالسياره
يسرى : وين موديني عفيه لاتاخذون كليتي الله يخليكم
الله يخليك انت ماعندك اخت ماعندك ام ...فدوه اروحلك
الخاطف : اششششش لا تحجين سكتي كح
يسرى : فدوه ابوس قندرتك اعتقني لوجه الله
الخاطف : هههههه هههههه لج انت تعرفين الله وصرتي تحجين بالعتق لو ما لازميج بشقه دعاره طالعه تبياته
كعدي وسكتي ولا حركه واذا تتحركين اضربك مثل هالكفخه
ضربني باخمس المسدس على راسي
دخت افتر راسي جمدت بمكاني
هما رياجيل اقوياء وبيدهم سلاح وعدهم قتل البشر
مثل قتل الذبابه اني شنو بالنسبه اله مجرد سلعه
او ميلغ يحصله مقابيل الي حاياخذه مني
واني بالسياره اجه واحد ولزموني ثلاثه وضربني ابره وره دقيقه فقدت الوعي الظاهر الابره كانت مخدره
للحكايه بقي
...................بقلم فردوس عبد اللطيف ...................