#ثمن_حريتي

الجزء 15

#ثمن_حريتي
بقلمي فردوس عبد اللطيف
الجزء 15 حقيقيه
الحريه هي الحياة ولكن لا حريه بلا فضيله
الحياه قصيره لكن المصائب تجعلها طويله حياتي مثل قطار سريع ما اجتزته حلم وما انا مقبله عليه وهم
أمير الشعراء يقول في قصيدته تحت عنوان يا أيها السائل ما الحرية
يا أيها السائل ما الحرية
سالتَ عن جوهرة سنية
تضئ أرواحا لنا زكية
يا نعمت الحياة بالحرية
لذاذة طاهرة نقية
تبعث في قلوبنا الحمية
تبعث فيها الهمة الأبية
فتأنف المواقف الدنية
وتألف المنازل العلية
العز كل العز في الحريه
يسرى بعد ما صدمتني ام طارق وفهمتني اني ملك لام غسق
شتسموهه عبده ،،جاريه ،،فتاة ليل مملوكه للقواده
وبكيفها حا تشغلني وهي الي حاتستلم وارد الشغل وبالمقابل
توفرلي السكن والمنام والاكل الي ولأطفالي لكن هي حاتاجر بجسمي ....هكذا الانسان سلعه رخيصه يباع ويُشترى
كل هذه الامور الي شفتها برحله حياتي مسامعه بيهه من كنت بالقريه يم اهلي يمكن لان مادرست او لان ما منفتحين عالعالم الخارجي دنيا غداره والي قابلتهم ذئاب بشريه متى تسنح لهم الفرصه يقتنصون مايستطيعون نهشه مني
سلمت علينه ام طارق بس اني درت وجهي عنها من طلعت حتى مارديت السلام كرهتهه وكرهت اليوم الي عرفتها بي
باوعت على ام غسق ماتختلف عن ام طارق بس البنات شنو قصتهم ...اني طبيعتي ما احجي لو ابقى يوم كامل عندي استعداد ابقى ساكته وما احجي ...صاحتني ام غسق
ام غسق يسرى عندي كلام وياج
يسرى : تفضلي خاله
ام غسق يمه كوليلي يمه البنات هنا يكلولي يمه حتى جهالج علميهم يكلولي يمه
يسرى : حاضر
ام غسق. سمعيني زين اني اشتريتج من ام طارق وبعد انت تعرفين شغلنا اليوم انطيج استراحه ومن باجر تطلعين عالشغل ويه البنات
يسرى شنو الشغل
الشغل بملهى ليلي ترحين ويه البنات وهن حايعلموج
ترى هنا ببغداد تختلف عن المحافظات هنا الملاهي مفتوحه وشغل خير من الله وخلي في بالج كل مبلغ تحصلينه تجيبيليا
واني احسب على شغلكم ولا تنسين ابقى اداري جهالكم
بنتي غسق عدهه طفلين هم تزوجت مرتين وكل طفل من رجال شغلتهه بالملهى
نونه جابولياها عمرهه 7سنوات اهلهه كلهم ماتو مابقالهه احد
ربيتهه وكبرتهه وهالتشوفيهه عدهه بنيه عمرها اربع سنوات
اني مطلوبه فلوس ومضطره اشتغل هالشغله حتى أسدد الديون اريد همتكم انت حلوه وبعدج زغيره اريدج تشدين حيلج خلي البنات يعلموج الركص ولان انت جديده حايطلبوج
هوايه اريدج تعوضيني الفلوس الي خسرتهن
يسرى : يافلوس ؟
ام غسق. انطيت مبلغ لواحد عود يشغلهن وينطيني مصرف شهري تالي انهزم وراحت فلوسي
هذا هم حظي
كومي غسق وديهه لغرفتهه خلي ترتاح هي وجهالهه من تعب السفر
رحت للغرفه بيهه سريرين وكنتور رتبت الملابس بالكنتور والجهال أخذتهم سبحتهم ونأمو اني بقيت كاعده اباوع عليهم
شراح يصير بيكم وشحايصير بي
حاولت أغفى بقيت اتكلب من يتغير مكان نومتي صعب انام بسهوله بس تعب السفر وتعب التفكير بالمجهول وبعد الصدمه الي عرفت بيهه اني عبده مملوكه او جاريه بيد ام غسق ...
فزيت وجه الفجر سمعت صوت البنات وضحكهن راجعات من الملهى طلعت اشرب ماي شفتهم مو على بعظهم بس الي فهمته إنهن سكرانات ويطوطحون وريحه الشرب والسجائر تفوح منهم ولبسهن غسق لابسه فستان سهره اسود وبي ذهبي لاصق على جسمها وبي فتحه بالظهر وجاكه يم رجلهه ونونه لابسه فستان ماروني قصير وسيقانهه مبينه
منظرهم مريب شعرهن مكفش ومكياجهن صارخ
باجر حا اصير مثلهم ؟ هاي تاليتي وين وصلتي يسرى ؟
هو هذا حلمج بالهروب من الاهل والزوج
اطفال بلا هويه وبلا اسم حتى ابوهم ماعترف بيهم
وانت جسمج هو سلاحج بس بعد ماكو رجعه لازم استمر
واشوف وين تاخذني الاقدار
رجعت لغرفتي ...حاولت انام لان صار هدوء والكل نايم
اليوم الثاني كنت كاعده من العشره الصبح بس باقيه بالغرفه
سمعت صوت حركه طلعت ام غسق
يسرى صباح الخير
ام غسق صباح النور اشلونج نمتي زين اليوم وراج شغل حضري نفسج
يسرى اي يوم نمت وشوكت نطلع ؟
باعي من تطلعون من البيت تلبسون حجاب وجبه وجواهن ملابس السهره او تاخذيهن بشنطه صغيره وهناك تبدلون
يسرى ماشي والجهال
ام غسق الجهال معليج بيهم اني مسوؤله عنهم حالهم حال جهال بناتي ....وانت هم صرتي وحده من بناتي
بعد ما كعدن البنات وعلموني شاخذ وشالبس
اخذوني للصالون قريب عليهم
حاولي وجهي ورتبوا شعري ورجعنا للبيت
اجه السايق ...هن ماجرين خط يوديهن ويجيبهن طلعنه للملهى دخلنا على غرفه تبديل البنات وبدء صوت الضجيج والموسيقى يرن براسي لبسوني فستان مثلهن ومكيجوني
وطلعنه للصاله لزموني من ايدي لان كنت خايفه وخطواتي بطيئة تمنيت يرجع الزمن ليوره وارجع لبيت اهلي
يسرى الطفله البريئة تمنيت الي صار كابوس اصحى منه
لكن صحاني جرتني نونه وكعدتني عالكرسي
غسق. يسرى باوعي اي زبون يطلبج تكعدين معاه عالميز
لازم تبتسمين ونظرة الحزن هذه بطليهه ومن يكولج شتشربين طلبي شمبانيا او ويسكي
يسرى بس اني ما اشرب
غسق ولج شربي ربع كلاص تنسين كل همومج والدنيا حا تضحكلج وهاج هذا باكيت جكاير ودخني شوفي اشلون
حاترتاحين وتندعيلي
كعدنه عالبار بدو البنات يشربن خلو كلاص بي ربع ويسكي
كدامي
غسق لج يسرى شربي حتى تتجرأين اذا تبقين هيج متكدرين
تتوالمين مع الجو هنا
كولنا عدنا هموم ومشاكل وكولنا انجبرنا نشتغل هالشغله
بس الشاطر الي يعرف يستغل الظرف ويعيش ويه الجو
شربي شربي وفرفشي محد مات واخدهه وياه
شربت اول رشفه حسيت طعمه مر ومو طيب
غسق شنو جاي تتذوقين
بدو يضحكون علي كل البنات
اخذت الكلاص وشربته طلعت جكاره وبديت ادخن
صدك حسيت تفكيري توقف بديت اضحك بدون سبب تقريبا تصرفاتي كانت بدون قيود
البنات كل وحده راحت على ميز
اجاني مسوؤل الصاله انت جديده نرحب بيج
يسرى نعم اني
انت يسرى روحي لذاك الزبون طالبج
رحت كعدت يمه وبديت اول يوم عمل
وارد عملنا كانت تستلمه ام غسق متنطينه منه ولا فلس
ماعدا الملابس الي تشتريهه النه واكلنا واكل جهالي وبيتها الي مآوينا وبعد ما باعتني ام طارق صرت ملك بيد ام غسق
اول يوم كان صعب علي بعدين صار روتين العمل والزبائن كلهم بالنسبه الي اعتبرهم ذئاب بشريه وتنهش بلحمي لو بايدي اقتلهم كان حققت الرغبه لكن اني جبانه ومصيري وصلني بيد سماسره تبيع وتشتري بالبنات الي ماعدهن احد او يستغلون ظروفهم
مرت علي الايام حزن وقهر وبدل كلاص الويسكي صرت اشرب ربع بطل يالى اكدر اتجاوب مع الزبون وبعد فتره الربع صار نص بطل
فد يوم كنت حزينه ومتضايقه وكان زبون مزعج جدا يمد ايده علي وكنت متضايقة من تصرفاته بس ما اكدر اسوي شي
بهالاثناء اجاله اسامه
اني اسامه احجيلكم عن نفسي اني اشتغل عند صاحب العماره الي بيهه الملهى ومسوؤل عن الشقق والإيجارات وكذلك صاله الملهى لان صاحب العماره ما موجود
متزوج وعندي طفل من عائله محترمه احب زوجتي خريج كليه الاداره واقتصاد لكن مثل كل الشباب تعين ماكو اشتغلت عند الحجي صاحب العماره هو مامتفرغ واني كنت مسؤل على كولشي
بصراحه ماداخل للملهى بس من اريد اخذ الائجار واطلع يعني ما منتبه للبنات ولا عيني عليهن
ذاك اليوم رحت على مسوؤل الصاله كلي استريح هنا علما يجي مدير الملهى وينطيك الايجار كعدت عالميز
لفت نظري شخص مقرف جاي يتحرش بالبنيه الي كانت جميله جدا ولكن هي مجاي تتقبله وحسيتهه تريد تنسحب منه بس خايفه
كمت عليه اخي انت شتريد من البنيه جاي تشوفهه ما متقبلتك
وانت شعليك ومنو انت ؟ وليش تدخل نفسك ؟
انت ماعندك احساس ترى اصيح السكيورتي يطلعوك بره
ولك اني جاي بفلوسي وهي هاي اشو شايله خشمهه الا اادبهه
وظرب يسرى راشدي
اسامه ظربته بوكس بوجهه واجوي السكيورتي واخذو
خو ماتاذيتي وخلى ايده على كتفي حسيت بحنيته
يسرى بقيت ابجي والطم بس هذا الولد حسسني اني انسانه
ممكن اكو بالدنيا ناس تحترمني وتحترم مشاعري وأحاسيسي
كعد يمي اسامه حسيت وياه بالامان باوعت لعيونه جذبتني
حسيت كهرباء دخلت بكل مشاعر ي
قبل كنت اكره كل الرياجيل لكن من شفت اسامه بذيج اللحظه
تحركت مشاعري حسيت اريد ارتمي بحظنه واحجيله على كل الي صار بي والي وصلني الى هذا المكان القذر
بقيت بس صافنه بوجهه ومبتسمه نسيت الناس حولي نسيت
اطفالي اريد الوقت يتوقف وما يمشي اريد ابقى اكظي الليل
كوله معاه
اسامه يسرى اشو صفنتي اخذي رقم تلفوني وأي شي تحتاجين اني موجود بالعماره على طول وأي واحد يضايقج
بس اتصلي بي
يسرى ليش بعد مراح تجي
اسامه اني موجود على طول وكلما يصير عندي فراغ بعد حا اجي يمكم تدللين
يسرى ذاك اليوم انولد ت من جديد وصار عندي كلب وعندي أمل لان اكو شخص يهمنى من رجعت للبيت كنت سعيده تعجبو مني اضحك ومرتاحه بس اني كنت غامضه ما اثق باحد ولا انطي سري لاحد قليله الكلام
بدت مرحله جديده بحياتي وصار عندي هدف ...اكو شخص اعيش واحب الحياة لاجله صحيح ماعرف شي عنه وهذا اول لقاء بينا لكن موقفه الرجولي خلاني انبهر بشخصيته
تمددت عالفراش واني افكر باسامه تمنيته يمي بذيج اللحظه
الا انطي كل الحنان الي بداخلي
شكد جنت محتاجه لشخص مثله واليوم شفتك انت املي بالحياة ..اول يوم اعرف ان الحياة جميله ولازم نحبها ونعيشها غفيت بأحلامي الورديه .....
للحكايه بقيه
ترقبو الجزء الاخير
...................بقلمي فردوس عبد اللطيف ..................