برهان..انتظر وشوف
جيهان..دخلت للحمام وما احس الة احد دخل وراية
برهان.. دخلت وراها للحمام
جيهان..كلت هاي اكيد بنية وجنت مستعجلة اريد اطلع للبيت
برهان..قفلو باب الحمامات علينة
جيهان..طلعت ولكيت الباب مقفول عبالي من الهوا حاولت افتحة منفتح خفت كلت اكيد اكو احد قفلة
برهان..ورة مقفلو الباب الشباب اني ختلت بواحد من الحمامات
جيهان..محسيت الة واحد وراية يضحك انداريت لكيتة برهان
برهان..ها شبيج خفتي
جيهان..مخايفة
برهان.. عيونج تكول غير شي
جيهان..شوف اذا تسوي اي شي خطأ اهلي يدفنوك وانت عايش
برهان..شوفي انتي هنتيني كدام جماعتي هذا تحذير الج مجاي اكدر اسويلج شي لان يمكن صدك حبيتج
جيهان..متكدر تسوي شي
برهان..تقربت يمها
جيهان..وخر انت واحد متستحي
برهان..مو ما اكدر اسوي شي
جيهان..عيب عليك جنت اشاقة وياك
برهان..هيج شقة ما احبة لتعيديه ما اريد اسوي شي يأذي سمعتج
جيهان..متكدر
برهان.. اكدر اسوي كلشي هذا تحذير مني الج انتبهي لتصرفاتج وياية
جيهان..انت تحبني
برهان..اني اي بنية تتمناني
جيهان..بس اني مو من ضمنهم بس انت تموت علية
برهان..ههههه اي انشوف نواف افتح الباب
نواف..شكو ليش مسويت الي كتلك عليه
برهان..مكدرت اسوي شي يمكن صدك حبيتها
نواف..امشي ابو الحب
جيهان..خفت من شفتة كدامي وجان يكدر يسوي اي شي بس مسوالي شي معقولة صدك هذا يحبني
نسرين..وين جنتي خفت عليج
جيهان..حجيتلها كلشي
نسرين..عجيب ليش مسوالج شي
جيهان..ما اعرف امشي خلي نرجع للبيت رحنة للكراج وشفتة كبالي شغلت السيارة همة جانو يسولفون وجان يصير كدام سيارتي وبدون ما ادري دعمتة نزلت بسرعة وخفت خاف صار بيه شي
نواف..شبيج متشوفين
برهان..واكفين نسولف اني والشباب وما احس الة سيارة دعمتني وراها اتخربطت
جيهان.. عفية شيلوه خلي انوديه واصدقائة ضلو يصيحون علية صرت مضحكة واخذناه للمستشفى طلع من الهبطة سكرة نازل وجروح خفيفة
برهان.. انتبهي بعد
نواف.. لك اشتكي عليها هاي اكيد متقصدة
برهان..اش كافي عيب هيج نسوي ببنية
جيهان..اسفة والله ما ادري بدون قصد
برهان.. مصار شي اني بخير روحي لبيتج اهلج ينتظروج
نسرين..شكرا الك
برهان..العفو
نسرين..امشي يلة
جيهان.. رجعت للبيت الليل كلة منمت وشوية ودك تلفوني شفت رقم برهان
الو
برهان..الو شلونج
جيهان.. الحمد لله عبالي بيك شي
برهان..هيج تخافين علية لعد يومية ادعميني
جيهان..اهو هم رجع
برهان..اريد احجي وياج
جيهان..احجي
برهان..اني يمكن حبيتج
جيهان..ههههه اوك.يابة حبني
برهان..اممم وانتي
جيهان..روح نام عيوني وانة دوام باي
برهان..تموتين علية
جيهان..سديت الخط وونمت كعدت الصبح تريكت وطلعت وبالطريق اجاني مسج من برهان صباح العسل يا عسل ابتسمت
دخلت للكلية ولكيتة بالباب
برهان..صباح العسل
جيهان..صباح النور
برهان..شلونج مشتاقلج
جيهان..بخير انت شلون صرت
برهان..مثل مجاي تشوفين
جيهان.. الحمد لله وعفتة ورحت
برهان..شنو هاي ليش رحتي
جيهان..عندي محاضرة لتلح
برهان..هذا خشمج اليابس اني اعلمج عليه
جيهان.. لا والله خوفتني هههه
برهان..شفتها هيج حجت لا عجبتني كلش ما اتحمل بعد
هلو ضلوع
نواف..هلة حبيبي شلون صرت
برهان..مثل الاسد
ميناس..بس نواف اطلع من السالفة عجبتني برو البارحة من مشتكيت عليها كفو
برهان..لا عيب مثل عرضي
نواف..جنك صدك حبيت لك
برهان.. اي والله وكعتني بنت اللذينة
جيهان..خلصنة الحاضرات ورحنة للكافتريا علمود نراجع شنو عدنة واجة برهان
برهان..صباح الخير عادي اكعد
نسرين ..اي اتفضل
برهان..جبت كرسي وكعدت
جيهان..ضليت اباوعلة
برهان..هلو جوجو
جيهان..جوجو بعينك
برهان..مراح ارد اريد اليوم اقرالج
جيهان..ههههه باي نونو
برهان..اشو متحترمين
جيهان..اي ما احترم وشرايد هسة
برهان..سلامتج كمت وصدك ضجت.من تصرفها
جيهان..ههههه طكيت ضحك لج هذا اني صار كم يوم ناصبة عليه بس شخصيتة تخبل
نسرين..هاا نكول مبروك
جيهان..اش ههه
مسار..هلو برو شبيك صافن
برهان.. انطردت شسويلها هاي كوليلي
مسار..لتعوفها ابد روح حاجيها بالحب ماكو شي اسمة زعل او كرامة صدكني راح تحبك
برهان..امري لله راح اروح
جيهان..ضلينة كاعدات بالكافتريا واجة المزعج نعم
نسرين ..اني راح اروح اشوف مسار واجيج
برهان..تسوين فضل
نسرين..ترة ارجع هههه
برهان.. اشاقة
جيهان..اخذيني وياج
برهان..شبيج صير كبيرة وخلينة نحجي سوة
جيهان..احجي
برهان..اني اول مرة احس راح احب من صدك وخايف منج
جيهان.. شلون تحبني وانت متعرف شي عني
برهان..اعرف انتي خوش بنية
جيهان..ههه بس هذا الشي ميكفي متعرف اهلي ولا اعرف اهلك
برهان..الوالد شيخ واحنة عائلة تجار وحالتة زينة
جيهان.. اني نفس الشي ووالدي شيخ وتجار بس مجان قصدي ع هذا الشي
اريد اعرفهم وليش اني اختاريتني
برهان..ما اعرف
جيهان..اوك من تعرف ردلي جواب وانت متعرفني اني وحدة مخبلة والي يجي ببالي اسوي
برهان..حار بحار هههه
جيهان..هههه ضلينة نتمشى ونسولف وبعدين كل واحد رجع لبيتة بس كلساع اتذكر ملامحة ويجي ببالي
ام جيهان..بدلي وانزلي تغدي شنو هل ابتسامة شصاير احجيلي وغمزتلي
جيهان..كلشي مصاير امي حبيبتي اطمئني
ام جيهان..وشوكت يصير هههه
جيهان.. ميصير صعدت بدلت ودزيت مسج لبرهان وصل الحلو
برهان.. وصلت للبيت وجنت ابدل واختي دخلت علية
شذى..ها برو شلونك
برهان..هاي شنو بعدج هنا
شذى ..شنو متريدني هههه
برهان..اخليج ع راسي
شذى..المغرب اروح
برهان..راح اشتاقلج
شذى..اي جذب قابل بفلوس هههه
برهان..تحجي وياية واجتني رسالة
شذى..اجتك رسالة
برهان..افتحيها
شذى..من جوجو منين هاي هههه الحب جديد
برهان..شنو كاتبة
شذى..شلون الحلو وصل الحلو
برهان..صدك ههههه يابة هاي بنية ويانة بالكلية خلتني احبها من صدك
شذى..برو حبيبي انت تحب ب شهر ١١ وحدة عادي هههه
برهان..لج لا فهمتي غلط هاي حب حب خبلتني منين ما اجيها تسدها بوجهي
شذى..معقولة لك انت برهان مدوخ البنات
برهان..اووف شحجي شكول عليها ههههه
شذى..اعوفك ترتاح وتحچي وية الماخذة عقلك
برهان..ههه فديت اروحلج فدوة
شذى..اسم الله عليك
برهان..ضلينة نحجي بالرسائل جيهان راح اتصل
جيهان.. كاعدة يم امي واذا تسمع تذبحنة
برهان...فكرت ادك بيها الناقصة ههههه اتصلت بيها
جيهان..ارتبكت وفتحت الخط الو هلو نونو
برهان..مقبولة منج حبيبتي احبج كولي احبك يلة اسد الخط
جيهان.. ولا تبطلين من سوالفج روحي تغدي
برهان..يلة انتظر
جيهان..امي بخير
ام جيهان.. جيبي التلفون خلي اسلم عليها وسحبتة من ايد فضيحة
الو هلو نسرين شلونج خالة ....يتبع
💓💓💓💓💓💓💓
