....البارت الثاني والثلاثون ....الجزء الثاني
خوية ردلي شكثر مشتاكلك
خوية ردلي الموت ماراهم عليك
خوية ضعنه من يوم العفتنه
خوية الدنيا ضلمه بدونك
خوية انه خيك ردلي مشتاكلك
ردت بس شوفتك ماردت كلشي
ايسر..بعد كم يوم نطلع ومناك نشوف شراح يصير
جيهان...ماعرف شنو مصيري بس ضلت حجاية برهان ديري بالج ع نفسج انتي روحي
ابراهيم(اخو برهان)..ضليت اتصل ع جيهان مترد
ابو برهان...راح ابني
ابراهيم ..مر يوم ع الحادث وجابو النة فديو اعدامة هنا فقدت حياتي كلها اخوية راح الي هو جان محلي دنيتي وكلة بسببي
ليش هيج سويت شنو جنت افكر ضليت ادم ع راسي وابجي
ابو برهان..ابني استهدي بالله هاي اكيد متدري بروحها
ابراهيم ..لا يابة تدري واني شفت كلشي بعيني
ام برهان..ششفت وليدي
شذى..ضليت ابجي عرفت نضرات اخوية مو خالية
ابراهيم..حظنت ابوية يابة برهان كتلو
ابو برهان..ضليت ابچي لك ابني لتخاف اكيد مو هو
ابراهيم ..لا يابة اني اعرفة يابة مات اخوية
شذى..ممصدكة وبس الدموع تنزل وحتى صوتي مطلع احس جذبة ممعقولة قبل شهر شفتة يضحك ومابي شي
ابراهيم.. مات اخوية ضليت ادك ع راسي
شذى..بس صوتة يجي ببالي ضل يوصيني ع مرتة ويضحك وياية رحت ع أبوية ليش يابة ارتاحيت هيج امي ضلت بالكاع تدك وتلطم واعاتب بي راح العزيز الغالي ارتاحو راح ابنك بسبب انانيتكم وابراهيم يبچي
امي تخربطت اخذناها للمستشفى طلع نازل ضغطها وحالتها مو زينة
الوالد مصدوم وإبراهيم بس يبچي
مريم.. يا خوية😭 راح يعني لا مستحيل برهان ميعوفنة اكيد هاي لعبة من عندة يشاقة
شذى..مات شفنة الفديو 😭
جيهان..طلعنة تهريب من الموصل وبوقت الي طلعنة بي جانت الأوضاع مو كلش متأزمة
وصلنة لنقطة بالجيش بدت الاسئلة ضلو يسألون بينة
ام جيهان . .بنيتي وين انتي
جيهان..ابچي واحاجيها احنة ب...
ام جيهان..هسة يجون يجيبوج
جيهان...ما اريد مساعدتهم الله ليوفقهم
إم جيهان ..اذا تبقين ع هذا الحال ميطلعوج انتي تعرفين ابوج واخوج ياخذوج وهاي هي
جيهان..اجوي اخذوني
نوار...ها ارتاحيتي وين الحقير عافج مو
جيهان..ضليت اللطم وابجي
نوار..اسكتي لا ادفرج هسة
جيهان..خفت ع ابجي وضليت بس ابچي برهان عافني راح ابقى خدامة وين رحت حبيبي ودنيتي عفتني يم الوحوش
جيهان..مجان بأيدي اي شي غير البچي وصلت للبيت حظنت امي وضلينة نبچي
ام جيهان..اسكتي بنتي
جيهان..يمة راح
ام جيهان..منو راح
جيهان..يمة عافني وراح اخذو وقتلو برهان راح
ام جيهان..حظنتها اني يمج ماما
جيهان..كال ما اعوفج وعافني يمة برهان ما يخلف بوعدة ليش راح
ام جيهان..هذا أمر ربج
جيهان..جان يحلم يصير عدنة طفل وهو راح حياتي ضلمة بدونة شلون اعيش بدونة نور عيوني وأبو بيتي يروح برمشة عين ابنة شلون يا حبيبي ضحكاتة وسوالفة ببالي ولا يوم ضوجني سند آلية من الي من بعدة ابنة منو آلة راح نضل مكفخة
ابو جيهان..ها اجت
جيهان..شفت أبوية رحت حظنتة دفعني
ابو جيهان..اني صح رضيت تجين بس انتي من خلفتي اوامري انتي مو بنتي من ذيج اللحظة
جيهان .. امي اخذتني صعدت فوك اقرة برسائلنة القديمة واشوف الفيدوات احس بعدة عايش احس بقربة يمي ريحتة بملابسي نمت بدون ما ادري
نواف..من سمعت الخبر خابرت الولد
ميناس..خير ليش تبچي
نواف..ولك برهان مات
ميناس..لك انت شجاي تحجي اول البارحة كال راح نرجع ويضحك وياية
نواف..لك راح ابو ضحكة الحلوة
ميناس..نواف انتو متوهمين برهان ميعوفنة
ميناس..شمرت التلفون واجرت تكسي ورحت لبيت ابو برهان
ميناس...ابراهيم الخبر صحيح
ابراهيم ..راح الغالي
نواف..لك ليش هيج ضلعي تعوفنة
ابراهيم ..ضليت مصدوم امي يومية متخربطة الشباب حالتهم تكسر الخاطر
جيهان..ضليت مكابلة صورة وبقت بس ذكرياتنة الحلوة ضليت احس هو يمي واحجي وياه وبعدين احس ع نفسي وانهار واضل اصيح بأسمة واتخربط
نسرين..انتبهي لنفسج وبرهان اذا جان عايش وشافج بهاي الحالة راح يزعل
جيهان..مو بأيدي
نسرين..والطفل شنو ذنبة جيهان انتي مهددة بالاسقاط اذا مراح تديرين بالج ع نفسج حتى الطفل يروح وهذا الطفل لو برهان عايش جان انطا روحة
جيهان..ضليت اعتني بأكلي بس تصرفات اهلي للأسوء
عدت اول عشر ايام واني حالتي من اسوء الى اسوء
نوار..هاي وينها
ام جيهان..عوفها ابني خطية
نوار..صعدت لغرفتها
جيهان..جنت حاظنة قميصة وابچي
نوار..مات وما خلصنة منة
جيهان ..اذا تجيب اسمة ع لسانك اذبحك
نوار..شنو لج تهدديني واجيت ضربتها
جيهان..ضربني ومحسيت لان جرحي اكبر من كلشي
نوار ..انزلي ساعدي امي خوش
جيهان ..نزلت ومابية حيل ابد
ام جيهان..روحي ارتاحي بنتي
ابو جيهان..حالها حال الخدامة بالبيت
جيهان..من سمعت أبوية هيج يحجي متت من القهر ليش هيج يسون بية ضليت ع هاي الحالة
نسرين ..عيالج يدرون انتي حامل
جيهان..لا
نسرين..هاا
نسرين..شفت حالة جيهان تبچي وفكرت اتصل ع ابراهيم اكيد يكدر يساعدها لان الطفل ابنهم ومن ريحة اخوهم
ابراهيم..كاعد بالبيت
واتصلت بية نسرين
نسرين..البقاء بحياتكم اريد احجيلك شغلة
ابراهيم..اي اتفضلي
نسرين.. جيهان حامل
ابراهيم ..من سمعت الخبر مصدكت فرحت اكو طفل من اخوية
نسرين..واهلها ميعاملوها زين وانت تعرف هي حالتها ع برهان تبچي وصايرة كلش وخايفين ليموت الطفل
ابراهيم ..افتهمت شنو تقصد والبنية مرت اخوية وهذا ببتها وبيت ابنها
يابة
ابو برهان..ها ابني
ابراهيم..جيهان حامل
شذى..شنو فرحت فرحة عمري
ابراهيم ..اليوم اروح اجيبها للبيت
ابو برهان..هاي النكسة ما اريد تدخل البيت هي جانت السبب بموت ابني
ام برهان..ابني اليوم نروح ونجيبها
ابو برهان..احنة شمدرينة الولد من برهان
ام برهان..انت متوب حرام عليك خسرت ابني من ورة هاي افكارك وحقدك حرام عليك
ابراهيم..يابة اليوم نروح نجيبها
ابو برهان..وهذا ابوها قابل
ابراهيم..قبل أو مقبل البنية مرت اخوية وحامل بأبنة ميكدرون يسون اي شي
ام برهان..كلة بسببكم الله ينتقم منكم لك حتى جثتة ماكو لتحرموني من ضناه
ابراهيم ...اجيبها لو اعرف ع كص ركبتي
جيهان..كاعدة واندك الباب مال البيت ....يتبع
توقعاتكم 😭😞
