#ضريبة_الحب
للكاتبة#شمسة_الجبوري
.....البارت الخامس عشر ....
ابو جيهان..صيحيلي جيهان
جيهان..نعم بابا
ابو جيهان..بابا انتي موافقة ع ابن عمج
جيهان..لا وما اوافق عليه لأخر يوم بعمري
ابو جيهان..انطيني سبب مقنع
جيهان..ماحبة
ابو جيهان..الحب يجي من خلال العشرة
جيهان..ماريدة نهائي
ام جيهان..شوف لسانها شطولة
جيهان..ماحس بي رجال مو مثلي وهواي اسباب
ابو جيهان..بس كل هل كلام مو مقنع بغض النضر عن كلامج وهذا الولد اشوفة مناسب اريد قرارج خاف بعد كم يوم تكولين جبروني جيهان..ههه مبين من كلامي اعتقد ابو جيهان..فكري بكلامي بس شوفي لغير ولد عمج متصيرين
جيهان..عفتهم وصعدت
ام جيهان..الحمد لله مفظحتنة
ابو جيهان..ليش متقبل بي
جيهان..من ورة دلالك
ابو جيهان..شنو ترديني اذبحها
اخو برهان..شذى سمعتب شصار
شذى..اهدء اعرف كلشي
اخو برهان..لج هذا تخبل يريد يفظحنة بين عمامنة
شذى..بس هم ميصير تجبروه هو يحبها
اخو برهان..لا ابوج ولا العشيرة تقبل
شذى ..حجيت وياه بس راكب راسة
اخو برهان..اكسرة لراسة والله
شذى..اهدء ميصير هيج يعاندك بالزايد
اخو برهان..راح اعوفة وية ابوية وهو يتصرف
برهان..سمعتة يحجي ويكول احجي لأبوية طبيت ومتكلة لازم يعرف لان اذا مقبل اشرد وياها والله
اخو برهان..اسمع لك تنساها لهاي البنية لا اجي اكسرة لراسك
برهان..تعال كسرة انت لو بيك خير جان تزوجت الي تحبها
اخو برهان ..اسكت لك واجيت ضربتة علت الاصوات وضليت اضرب بي
برهان..صوجي احنرمتك وحاجيتك مثل العالم
ابو برهان ..شصاير شكو هل ضرب انتو متستحون
اخو برهان..يابة ابنك يريد يشرد وية هاي الي يحبها لان مستحيل يتزوج
برهان..اخذها غصبا ما عليكم وع الكل
ابو برهان..اسكت لك
برهان..اي اسكت مثل ماسويت بمريم يا ضالم وطلعت
ابو برهان..لك هاي تالي تربيتي بيكم سفلة بشنو قصرت وياكم وجايين تعيروني صيحولياه لهذا الة اذبحة
شذى..اهدء يابة
ابو برهان..الزمو الية اني اتصرف ويا برهان..وكفت كدام بيت جيهان واتصلت بيها وتلفونها مغلق
ام برهان ..ليش يمة راح تجلطني
اخو برهان من ورة دلالكم هاي تاليها وفوكاها ولد عمها يردوها يعني مذابح
ابو برهان..صوجكم ليش مكلتولي من البداية
اخو برهان..يابة شذى تعرف
شذى..خفت عليك ليصير بيك شي وفكرت نزوة فترة وتروح وحاولت وياه بس مفاد
ابو برهان..الة اكسر راسة لهذا الادبسز
جيهان..بابا اريد اداوم بس امي متقبل لان مريضة
ام جيهان..هاي السنة اتركيها منا لحد متزوجين وبعدين كملي
ابو جيهان..لا لا هذا الكلام ماقبل بي ابد دراستها مستقبلها اريد اتباهى بيها
جيهان..ماشي يعني اخذت الموافقة
ابو جيهان..تصبحون ع خير ام جيهان..اذا سمعت حاجية وية ذاك الولد يمين علية
جيهان..اني مو وافقت ع الاغبر نزار شتردون بعد شسوي بحبي بس لتنسين اني قبلت بس نزار مو بعيني لان واحد متخلف
ام جيهان..مثل محجيت الله كريم لكل حادث حديث ممرتاحتلج اخ
نواف..شبيك شصاير اكو احد عرف
برهان..اي وطلعت من البيت بس هذا اخوية طلع مو كفو مو يسوي مشكلة
نواف..كتلك اذا تصر ع الي ببالك راح تصير مشاكل وهاي البداية فقط
جيهان..معقولة يفكر بية امي انطتني تلفوني ودزيتلة مسج نشاوف باجر بالكلية
برهان..شفت الرسالة
نواف..خير شبيك
برهان..تريد تشوفني
نواف..متروح لك حتى اهلك ضدك
برهان..طز بيهم ميهموني الي يهمني حبيبتي اتزوجها ميناس..لك هذا ابوك يذبحك وميخليك تتزوجها اسكت كافي هذا الحب مينراد
برهان..تمنيت الزم ايدها كدام الناس وتصير مرتي واعيش حياه حلوة مثل البشر بس هذولة المتخلفين لازم يتغير فكرهم ولحد يكلي انساها هسة صارت تمشي بدمي
نواف..بس اهلك مراح يسكتون وحتى البنية مراح تسلم من عدهم هاي حرب مو عيشة
ابو برهان..كع الاسف تعبت عليهم
ام برهان..هذا شاب ويمكن حبها صدك
ابو برهان..ميقنعني هذا الكلام هاي فضيحة وفوكاها جاي وحابلي وحدة من غير طائفة لت هذا الشي مينسكت عليه
برهان..اني راح اسوي الي براسي واخذها واشرد ماكو غير حل ولحد يعترض
ميناس..انت شجاي تحجي
برهان..مثل مسمعت دزيتلها مسج وكلتلها جيبي جوازج ومستمسكاتج كلها جيهان..وصلني المسج وعرفت برهان عرف بكلشي وقرر واني ملكيت غير حل وجهزت نفسي صار الصبح كعدت
ام جيهان..شنو اشو من وكت
جيهان..ماتأخر
ام جيهان..روحي
جيهان..بستها وحظنتها وباوعت لبيتنا بس همة الي جبروني هيج اسوي وصلت للكلية واخذت نسرين شفت برهان ردتلي روحي
برهان..لج مشتاقلج سلامتج يروحي
جيهان..تدري حسيت بعد ماشوفك وهاي الكلية اشتاقيتلها
نواف..يلة امشو
ابو برهان..جيبولي رقم واحد من اهلها
اخو برهان..ادلل ساعة واجيبة دورت وسألت وجبتة
مسار..اليوم تعالو يمي
نواف..لا ترحون لبيت عمي بالمثنى لان راح يدوروكم برهان..ماشي
نزار..اليوم لازم اكول لعمي عن كلشي ماريد اتزوجها جانت رهان بيني وبين حسين وخلص
الو عمي شلونك
ابو جيهان..هلا ابني الخطوبة تحددت
نزار..مستحيل اقبل بيها وهسة راح اوصل يمك
ابو جيهان..ماشي
نزار..ها عمي
ابو جيهان..خليتني ع نار شصاير
نزار..عمي بنتك تحب واحد
ابو جيهان..شنو لك انت شجاي تحجي تتبلى ع بنت عمك
نزار..ممجبور اجذب وبنتك موجودة واسألها
ابو جيهان..صار عصبي امشي انت ونوار وجيبوها من شعرها واذا طلع الحجي صح اغسل عاري بأيدي واذا تلفيق اني اعرف اتصرف وياك
ميناس..الله وياكم ديربالك ع نفسك حبيبي واي شي تحتاج حاجيني
برهان..حظنتة مع السلامة ....يتبع
توقعاتكم ؟؟
