......البارت الثالث عشر.......
نسرين..تحجين صدك
جيهان..اي صدك شبيج
نسرين..ترة اهلج يذبحوج
جيهان..اهو هم ذكرتيني حتة الحلم حرام
نسرين..عابت متت من الخوف
جيهان..كومي عيني خلي نرجع للبيت
نزار..تضلون مراقبيها وين متروح واريد تاخذولي صور الها واريد التخبار اول بأول
جيهان..رجعت للبيت شفت حسين هناك هو وابوية
حسين..يا هلا جهونة
جيهان..مرحبا وعفتة وصعدت بغرفتي
ابو جيهان.. اصعدي لبنتج وكليلها خلي تنزل تتغدة ويانة
ام جيهان.. جيهان انزلي اتغدي
جيهان.. ماريد شبعانة
ام جيهان..كومي ويانة عيب من ابوج واخوج وابن عمج
جيهان.. مجوعانة كتلج
ام جيهان.. اشو صايرة رعنة لج شبيج
جيهان..يعني اجباري انزل استغفر الله
ام جيهان..انتي وابوج بعد
جيهان..اهو
ام جيهان.. متريد جيهان تكول راسها يوجعها
حسين..اذا تريد اجيبلها دكتور
ابو جيهان.. لا ماكو شي ميحتاج ان شاء الله
جيهان..تغدو وراح حسين
ابو جيهان..انتي شبيج صاير كلش ممتربية
جيهان.. ليش شسويت
ابو جيهان..شوفي لج تخلص الامتحانات وتاخذين واحد من ولد عمج فهمتي لو لا
جيهان. .ملحكت احجي ونزل بس اني اعرف شلون اتصرف وياكم اتصلت ع برهان
برهان..مشتاقلج عافيتي
جيهان. ..واني هم مشتاقتلك هواي
برهان..ليش متصلتي لعد
جيهان..يمعود كلساع واحد جاي للغرفة وخايفة ليسمعوني
برهان..الى متى نبقى بهذا الشكل
جيهان.. ماعرف
برهان..جيهان تعبت احبج وماكدر حتة اشوفج بسبب ولد عمج الاغبياء
جيهان..ذولة خليهم علية
برهان..احبج موت
جيهان..مجاي اتحمل بعدك عني
برهان..خلي نتزوج
جيهان..هههه هذا الحجي حتة ميصير نحلم بي
برهان..بس الاحلام مرات تتحقق اريد احاجي ابوية بموضوعنة
جيهان.. اعقل حبيبي وعوف هذا الموضوع ودخلت امي وشمرت تلفوني بسرعة
ام جيهان.. ها حبيبتي بعدج منايمة
جيهان..لا هسة خلصت من القراية
ام جيهان..جنتي تخابرين منو
جيهان..نسرين اسألها عن كم موضوع
ام جيهان.. هااا اوك يلة نامي
جيهان..تعالي نسولف ليش مستعجلة
ام جيهان.. لا نعسانة اريد انام تصبحين ع خير
جيهان..احبج
دزيت مسج لبرهان كتلة امي اجت وخفت اتصل باجر نشاوف
نمت وكعدت الصبح بدلت وتعطرت
ام جيهان..سؤال حبيبتي
جيهان..جواب
ام جيهان.. ليش جاي ترفضين ولد عمامج اكو سبب لو اكو شخص بحياتج
جيهان..شنو لا اكيد شكو يعني
ام جيهان.. ماشي يلة روحي تأخرتي
جيهان..طلعت وشفت برهان وواحد يباوت للثاني ماكدر احجي وياه احس نفسي مخنوكة
برهان.. اباوعلها وعيوني صافنة بعيونها برائتها وكاحتها شلون خلتني احبها ماعرف اخذت قلبي بيوم وليلة
جيهان..دزيتلة مسج امشي نشاوف بعد ماتحمل
برهان..اضل قلق اذا اجيتي خليج هيج احسن
جيهان..شمعنى جنت كاعد يم سارة
برهان..حلوة مو
جيهان.. لا اصلا تخرع الواحد ولو ثنينكم تخرعون
برهان.. اهو بدت سوالف الغيرة
جيهان..ع شنو احلى منها بألف مرة
برهان.. اكيد
جيهان..خلص الدوام ورجعت للبيت فتت بدلت وطلعت لكيت امي لازمة تلفوني ها ماما محتاجة شي
ام جيهان..شكي جان بمكانة
جيهان..شنو
ام جيهان..منو هذا الي تراسلي اسمة برهان والبارحة سمعتج تاخبري وتكوليلة حبيبي خايفة علمود هاي ترفضين ولد عمج
جيهان..شنو مستحيل اكو هيج شي
ام جيهان..سمعتج بأذني بلا كذب احجي لا اكول لأبوج وتصير مصيبة
جيهان..احبة وماكدر اعوفة
ام جيهان..شنو من شوكت هل حجي
جيهان..كافي ماكدر احجي بعد
ام جيهان..الله اليستر شمسوية وياه احجي لج
جيهان.. الي ببالج خطأ وماكو شي منة
ام جيهان.. بس محجيت شي اني
جيهان.. ضربتني وضلت تريد تخليني احجي بس بدون فائدة تدرين لو انتي عندج حنية مثل باقي الامهات جان حجيتلج بس لا ماعدنة هل شي ماعندج ثقة بية اني حبيتة بس مسلمتة نفسي
ام جيهان.. كلشي اسوي لمصلحتج
جيهان..لمصلحتي تزوجيني غصب عني ومن واحد ماحبة هذا ضلم
ام جيهان.. اش يمكن اجة ابوج لو تردين تنذبحين
