#ضريبة_الحب
للكاتبة #شمسة_الجبوري
.....البارت التاسع عشر .......
نوار..رحنة لبيت مسار
ابو مسار..اتفضل
نوار..نريد نسأل بنتك بموضوع
ابو مسار ..بشنو وقابل هيتة هيج
نوار..اعذرني عمي مكتلك بنتك صديقة اختي واريد اسألها كم سؤال
ابو مسار ..لحظة مسار تعاي اكو ولد برة يريد يسألج عن اختة مافهمت الموضوع
مسار..متت من الخوف بس لا من الخوف اكول مكانهم
نوار..انتي مسار
مسار..اي
نوار..تندلين وين راحت جيهان
مسار..لا ماعرف
نوار.احجي الصددك
مسار.. ماكو شي يجبرني اكذب
نوار.. ماشي شكرا طلعت من يمها بس حسيت بيها كذابة ابقو راقبوها
احمد..انتو ملازم تبقون بنفس المكان
برهان..لا عمي ماكدر اعوفها نهائي
احمد..لمصلحتكم الي اريد اسوي
برهان..الى متى عمي شوفلنة السيد حتى نعقد
احمد ..شوية صعبة وخاف أحد يشك
برهان..اووف
احمد..يلا امشي وياية
جيهان..روح حبيبي واني اخابرك
برهان..وصلت للبيت خابرت جيهان
جيهان..الو حبيبي
برهان..راح يضل بالي يمج هيج
جيهان..لتخاف ميصير علينا شي
برهان ..قبل شوية خابرني نواف وكال اهلج جاي يهددون بيهم
جيهان ..عزة العزاني
برهان..لتخافين بس خلي تكمل اوراقنة ونطلع تندمتي
جيهان..لا متندمت ابد صح تعب بس ابد متندمت مدام انت وياية
برهان..احبج
جيهان..اعشقك
برهان..نضل ع اتصال
جيهان..ماشي روح هسة خالة نايمة
برهان. .خلصنة من ماما اجت خالة
جيهان ..عابتلك
برهان..يلة ولي هههه
ابو جيهان..ها ابني ماكو اخبار
نوار..يابة سألنة الدنيا كلها وماكو خبر عنها
ابو جيهان ..شنو الكاع انشكت وبلعتها
نوار..خليها علية آلة الكاها واكسرة لراسها حطت روسنة بالطين
ابو جيهان..المشكلة خاف الولد مسويلها شي
نوار..كلشي يطلع منها
ام جيهان..لك حقير هاي اختك لتحجي هيج عليها اعرفها مرباية
ابو جيهان ..انتي ولا كلمة ماريدج تحجين ابد وضربها
لو مربيتها عدل جان مسوت هيج شي
نوار..اي لو مربيتها بس اني اعلمجن
نسرين..الو نواف شصار يمعود
نواف..ماكو شي وانتي ابد لتحجين لأحد عن مكانهم
نسرين.. لو بس اعرف ليش هيج سوو وجابو لنفسهم شلعان القلب
نواف..لان هذا الحب الحقيقي مرادها تصير لغيرة
نسرين..انت مو جنت ضد حبهم
نواف.. عبالي برهان مثل كل مرة كم شهر ويعوفها بس لا كلبت صدك
نسرين..بس اهلهم ميعوفوهم وخاصا هذا نوار الجلب
نواف..اهم شي حاربو
نسرين..هذا انتحار ومحد يعرف شنو نهاية هاي اللعبة
نواف..يمكن نهاية حلوة ويمكن ... موت
نسرين..الله كريم
ام برهان..فدوة شوف برهان وين
ابو برهان.. يعني دورنة عليه وجاي ندور هذا الي نكدر عليه
ام برهان..قلبي محروك عليه وذولة مبينين ناوين ع شر
ابو برهان..طبعا هيج يسون ابنج شارد وي بتهم هاي تالي غمرنة نركض ورة المزعطة يستاهل كلشي يصير وياه
ام برهان..حرام عليك هذا ابنك
ابو برهان..اش كافي هذا عاق ومو ابني وماريدة بعد
ام برهان..مسوة شي مجرد حب
ابو برهان..اس كافي بلا حچي زايد
اخو برهان..اهدء يابة
ابو برهان..معرفت شي جديد
اخو برهان..لا يابة ماعرف وين راح يمكن طلع خارج العراق
ابو برهان..ياريت حتة مينقتلون
اخو برهان..الله كريم حجي روح نام وارتاح واني راح ابقى كاعد
برهان..صباح الخير عمو
احمد..صباح النور اشوفك مبدل وين رايح
برهان..عمو شوية اغير جو ونواف برة
احمد..عمي ديربالكم ليطلعون مراقبين نواف
برهان. .همة مراقبي اكيد بس احنة ثولناها عليهم اترخص منك
نواف..لك هلو
برهان..هلو حبيبي شنو اخر الاخبار
نواف. .خلينة نكعد بمكان ونحجي
برهان..ماشي
نواف..ضلو يهددون بينة واحد واحد واخر شي مسار بس ابوها طاردهم
برهان..بلغ الشباب اي شي يضركم علمودنة كولولهم واحنة نتصرف
نواف..شنو هل حجي لك
برهان..سعادتنة مو ع حساب مضرتكم
نواف..لتخاف ميكدرون يسون شي لان يخافون ع نفسهم ومستحيل اكول لأحد ع مكانكم لك انت اخوية
برهان..ديربالكم ع نفسكم
نواف..اي شي يصير اتصلو بية راح اشتاقلك
برهان..تعبتك حبيبي
نواف..مع السلامة طلعت من المثنى ورجعت للبيت شفت سيارة مقابيل بيتنة اخذت سلاح من العم لان ضليت اخاف
ميناس..ها وصلت
نواف ..اي وصلت
ميناس..ديربالك
نواف..لتخاف
حسين.. ها ابشر ماكو خبر جديد
غسان..(الي يراقب نواف) هسة فات هذا نواف للبيت
حسين..ليش وين جان
غسان..الصبح طلع وتيهنا
حسين..هاي اول مرة سماح إذا تكررت يصير غير تصرف
غسان..حاضر استاذ بس هذا اكيد جان يمهم
حسين..ابقو انتو راقبو
احمد..ابني لكينة شيخ واليوم نروحلة العصر
برهان..إن شاء الله اروح ابلغ جيهان
احمد.. اصبر
برهان..اتفضل عمو
احمد..انت من اليوم جيهان راح تصير زوجتك والمفروض لازم تلغي هذا الخلاف وتاخذها وترجع
برهان..لا عمي يقتلونة
احمد..انت لتحسسها انو سويتو شي خطأ يمكن
اهلكم يعفون عنكم وهي بعد صارت زوجتك ميكدرون يسون شي
برهان .لا عمو مستحيل اخاطر بحياتها بعد الي سويناه كلة
احمد..امشي ابني الله كريم
نواف..الو ها نسرين
نسرين..تعال لبيتنة اريد احجي وياك
نواف..مسافة الطريق طلعت
غسان. الو استاذ حسين هذا نواف طلع
حسين. .خليك وراه
نواف..وصلت لبيت نسرين وانتبهت اكو سيارة وراية
نسرين..طب
نواف.. ذولة بعدهم يلحكوني
نسرين..عزة العزاني
نواف..اهدئي ولتخافين
غسان..الو استاذ مثل متوقعت هاي نسرين كايلتلهم ع كلشي
حسين..ضل مراقبهم واني اتصرف
نوار..شصاير
حسين..هاي نسرين جاي توصل اخبار
نوار..هاي عوفها دواها يمي ...يتبع
🌞🌞🌞🌞🌞🌞🌞🌞🌞🌞🌞🌞🌝🌝
