#ضريبة_الحب 🔞🔞
للكاتبة #شمسة_الجبوري
حقوق النشر محفوظة لبيج قصص واقعية عراقية
....البارت الواحد والثلاثون ....الجزء الثاني
القصة حقيقية
ومرت الايام وحياتنا طبيعية وحلوة فد يوم نايمين منسمع الة اصوات الرمي
برهان ..شكو شصار
جيهان..ماعرف حبيبي فدوة روح شوف شصار
برهان..الو ها ايسر شصاير
ايسر..يكولون مسلحين مسيطرين ع المنطقة كلها ابقى ببيتك وابد لتطلع
برهان ...يلة مع السلامة
ايسر...اي شي يصير نبقى ع اتصال
جيهان...شصاير لتخوفني شنو هاي اصوات الطلق
برهان..يكولون مسلحين مطوقين المطنقة والجيش مستسلم
جيهان.. بهاي اللحظة منسمع الة اصوات الطلق عشت لحظات رعب حسيت حياتي انتهت
برهان ..لمي ملابسج بسرعة اي شي يصير اهم شي مسمتكاتنة والفلوس
جيهان..ضليت اركض والتليفون احترك اهل برهان ضلو يتصلون بي لان سمعو ب اخبار كالو اكو مسلحين مسيطرين ع المنطقة
برهان.. بسرعة يلة راح نروح ننجمع منا لحد ما نطلع
جيهان ..وين نروح فدوة خلينة هنا
برهان..بستها براسها اش حبيبتي لتخافين ابد اني وياج
جيهان ..اني مخايفة مادام انت وياي بس احنة وين راح نروح
برهان.. راح نروح لبيت ابو ايسر كلنة هناك ننجمع لان ذولة اعتقد راح يبدون يداهمون البيوت
جيهان..لميت كلشي ممكن نحتاجة واجوي اخذو كلشي الولد ورة شوية اتصلت بية امي
ام جيهان..بنيتي الاوضاع يمكم صدك مو زينة
جيهان..لتخافين ماكو شي
ام جيهان..ارجعي لبغداد فدوة لعينج هسة ممكن تطلعون بس بعدين متعرفون شراح يصير
جيهان..الله كريم ماما ابرونة ذمتكم
ام جيهان..انطيني برهان
جيهان..طلعو مو هنا حبيبتي راح اسدة لان كهرباء انقطعت وخاف يخلص الشحن
ام جيهان..اي شي يصير. خابري
جيهان..ضلينة كم يوم سقطت الموصل احنة بهاي اللحظات متنة منعرف شنو ينتظرنة شنو مصيرنة ضلو ينادون بالجوامع ع النساء تلبس جلباب وهاي الاشياء الكل يعرفها
ضلينة نسمع بالقتل اي احد يخالف اوامرهم ينقتل ضلينة نشوف الاعدامات بالشوارع وقلوبنة مليانة خوف منكدر نسوي اي شي ماكو احد يكدر يقاومهم لان الجيش انقتلو وهواي ناس راحت ضحية
او ياخذو بالبداية بدو يريدون يكسبون الناس بحجة همة جايين لنصرة اهل .... وهذا الشي كلة خطأ لان هواي ناس انضمت الهم من ضمن المحافظة من عدة الطوائف واكو ناس زوجوهم بناتهم احنة ضلينة هناك كم يوم الطلعة مو بأيدنا سمعنة ناس طلعت بس دفعو فلوس احنة ماعدنة
برهان..احنة لازم نطلع
جيهان..شلون وذولة موجودين
ايسر.. احنة راح نطلع بحجة عدنة مريضة وهنة نسوان كبار بالعمر ونشوف
جيهان.. واذا صار شي
برهان...لتخافين كلشي ميصير
ابو ايسر..حظرو نفسكم حتة بعد كم يوم نطلع
جيهان..رحنة نريد ننام
برهان..تعاي بحظني
جيهان...خايفة حبيبي
برهان..مراح يصير شي
جيهان..مادري حبيبي خايفة كلش
برهان..راح نطلع وكلشي ميصير
جيهان..حبيبي احبك
برهان..اموت عليج اريد اكلج شي
جيهان..كول
برهان..اي شي يصير لتنسين اني احبج
جيهان..اش انت مو كلت ميصير شي
برهان..خاف
جيهان..لعد لنطلع
برهان...هههه احبج
جيهان..نمت واني شابكة برهان مادري احس راح يصير شي
ام ايسر..ها بنيتي بعدج كاعدة
جيهان..خالة خايفة
ام ايسر..لتخافين كلشي مراح يصير احنة راح نطلع حالنة حال هاي الناس
جيهان..خالة عندي احساس راح يصير شي
ام ايسر ..كلنة هيج لان الي راح نسوي مو هين ومو سهل ومنعرف شنو مصيرنة
جيهان..ضلينة كم يوم ع امل شلون نطلع وندبر امورنة طلع برهان متت خوف عليه
ايسر..طلع برهان وراح وبعد ما اجة الي سمعنا عنة معتقلي ليش ماكو احد يعرف
جيهان..تخبلت ضل يوم كامل ماكو خالة برهان وين راح
ام ايسر..اهدي بنتي هسة يجي ايسر ونشوف وين راح
جيهان ..طب ايسر رحت اركض الة
ايسر..جيهان اهدي
جيهان..شلون أهدى رجلي وين
ايسر..ماكدر اجاوبها شي بدون مادري الدموع ضلت تنزل
جيهان..شبيك احجي وين زوجي ضليت ابجي واتوسل بي
ايسر..جيهان برهان معتقلي هو وكم واحد
جيهان..شنو منو معتلقة
ايسر..داعش لان يكولون مخالف اوامرهم
جيهان...من كلي حسيت نفسي انكطع وين راح
جيبولي برهان ضليت ابجي والطم بس ميفيد اي شي كلساع اباوع ع باب بلكي يطب برهان
ام ايسر..كافي بنيتي تعذبين روحج
جيهان..خالة روحي راحت وعافيتي والدنيا كلها خالة برهان راح من ايدي بلمح البصر
ام ايسر..يرجع
جيهان..ماكو احد منهم رجع خالة مضلت بس سوالفة وذكرياتة برهان امي وابوية حظنتها وضليت ابجي خالة كلة من وراية
ام ايسر..حرام هيج تكولين هذا أمر ربج
ايسر.. احنة لازم نطلع ماكو بعد
جيهان. .اني باقية هنا ما اطلع اريد برهان اريدة وياية
ايسر..انتي شجاي تحجين برهان راح ذولة قتلة
جيهان ...ايسر خليني ع امل هو موجود
ايسر..انتي أمانة بركبتي
جيهان..ماكدر افهمني خليني اموت وياه
ام ايسر..بنيتي يمكن اذا رجعتي أهلة يكدرون يساعدوه
ايسر..انتن تحلمن هذا الشي صار مستحيل اذا مطلعنة
يمكن حتى احنة ننقتل
جيهان..تخربطت ماعرف شصار بية
ام ايسر..شبيج بنتي
جيهان..ماعرف خالة
جيهان..ضليت ع هاي الحالة كم يوم منا لحد منتبهت ام ايسر
ام ايسر..بنتي خاف انتي حامل وهيج جاي يصير وياج
جيهان.لا خالة ضلت تسأل بية وبعدين جبنة اختبار وطلعت حامل تمنيت برهان يمي
ام ايسر ..مبروك
جيهان..ضليت ابجي وين برهان ليش عفتني هسة منو الية غيرك ضليت حاظنة قميصة ونايمة مكدرت اسوي اي شي احس ضليت بس جسم بلا روح ماكو اي خبر عن برهان يوم عن يوم حالتي تصير اسوء
ام ايسر..حرام الي جاي تسوي بنفسج
جيهان..خالة ماكدر
ام ايسر ..انتي فكري رب العالمين انطاج طفل ومن ريحة برهان لتخسري بعدين تتندمين
جيهان..كرهت حتى الطفل الي ببطني بس من حجت خالة هذا الحجي اقتنعت تمنيت احلم ببرهان حتى الحلم صار صعب
ايسر.. شفت فديو لبرهان من جاي يعدمو متت من البجي معرفت شلون اكول لمرتة يمكن متتحمل الصدمة وهي أمانة يمي
جيهان..طب ايسر وشفتة مدمع سألتة اكو خبر عن برهان ضل ساكت
ايسر..احنة بأجر نطلع وانتي لازم ويانة
جيهان. ..ماطلع اني الة وية برهان
ايسر..برهان مات
جيهان..شنو
ايسر..بدون ما ادري بنفسي كلتلها جيهان ايسر انعدم
جيهان ..متحملت الصدمة وتخربطت
ايسر..صحت امي
ام ايسر..يمة البنية
جيهان ..كعدت بس ابجي
ام ايسر..استغفري ربج
جيهان ..خالة ماشبعت منة كلة من وراية مات
ام ايسر..ماكو أحد يموت ناقص عمر هذا أمر ربج
جيهان ..ضليت ابجي وأصبح جان املي عايش شبكت قميصة وضليت ابجي منو الية منو يدافعلي منو يحبني مثلك أصيح بأسمة وينك حبيبي ابو بيتي هيج تعوفني وين وعودك ليش ياربي ماكو احد بقة آلية غيرة
ام جيهان. .ماكو اي خبر عن بنتي اتصل بيها متجاوب
جيهان..خابرت اخو
اخو برهان..الو منو
جيهان. .ارتاحيت من هيج سويت مات برهان
اخو برهان..شجاي تحجين
جيهان.. كلة بسببكم
اخو برهان ..شبي احجي
جيهان..مات راح الله ليوفقكم
اخو برهان..من سمعت تخبلت
جيهان..ضليت اصيح الله ليوفقكم
وسد الخط
ابو برهان..شبيك ابني
اخو برهان..يابة برهان مات
ابو برهان ..شنو
اخو برهان ..ضليت ابجي واصيح
شذى..سمعنة خبر موت برهان ضلينة نبجي
اخو برهان... خابرت ع جيهان
ايسر..انطيني اني احجي وياه
اخو برهان..خوية الخبر صحيح
ايسر..اي صحيح اني شفتة بعيني
اخو برهان..ضليت اصيح يابة راح الغالي
ام برهان..لا مستحيل ابني عايش ماميت
اخو برهان..مات يمة برهان راح
جيهان..ضليت ابجي واللطم بس بدون فأئدة اكل اللكمة بالكوة
ايسر..اني اتفقت وية ناس وراح نطلع
جيهان..ضليت اكل لخاطر ابنة ع اقل شي من عندة يبقة
ايسر..بعد كم يوم نطلع ومناك نشوف شراح يصير
جيهان.....يتبع
توقعاتكم😭😭😞
الرحمة والغفران لكل شهدائنا اي تعليق طائفي بلوك
كل واحد يعلق 10تعليقات حتى مينحظر البيج من النشر 😘❤
