#ضريبة_الحب
للكاتبة#شمسة_الجبوري
.....البارت السادس عشر ....
مسار..ديربالكم ع نفسكم
جيهان..لتخافين
برهان..انشوفكم بخير
ابو جيهان..الو حسين تعال بسرعة
حسين..جهزو السيارات وجيب جم واحد من الولد
اخو برهان..يابة دورتة اني والولد والطلاب يكولون ممداوم
ابو برهان..وين راح تلفونة مغلق سألت اصدقائة
اخو برهان..اي يابة سألنة ويكولون ميحجون وياه من يوم الطلع الله اليستر منة
ابو برهان..طلعة من جوة الكاع خاف يصير بيه شي بأسرع وقت
نوار..طبيت للكلية اني ونزار دورناها ماكو
حسين..دخلت للعميد كتلة اريد جيهان بموضوع ضروري واني ابن عمها
العميد ..ادلل بس خلي اشوف
حسين..ماشي
نوار..مرحبا نسرين
نسرين..مرحبا
نوار..جيهان وين ؟؟
نسرين..ماعرف شفتها اخر شي بالكافتريا ليش شصاير
نوار ..اذا تندلين جيهان اتصلي بية
نسرين..الحمد لله الة شوية وجان فظحتهم
حسين..ها استاذ
العميد..الطلاب يكولون ممداومة
حسين..شنو يعني وين راحت
العميد..ماعرف اكيد هنا يمكن بالسنتر او بالكافتريا
نزار..وين ولت هاي
نوار..شتقصد بحجيك هذا
نزار..يعني وين راحت
ابو جيهان..تعاي شوفي بتج وين راحت
ام جيهان..شصاير اهدء
ابو جيهان..عرفنة حابة واحد وهسة مختفية
ام جيهان..عزة العزاني اكيد شردت وياه
ابو جيهان..لج انني تدرين وضربتها
ام جيهان..ضليت الطم اي ادري
ابو جيهان..ليش محجيتي لحد مفظحتنة اذا سوتها وشردت اقتلجن ثنيناتجن
ام جيهان..كتلك من سكتت اكيد راح تسوي مصيبة كلة من دلالك
ابو جيهان..يا دلال لج جبتيلنا العار انتي وياها
ام جيهان..ضليت الطم ع وجهي
ابو جيهان..بس لو الزمج الة اذبحج بأيدي
نوار..خلينة نراقب هاي نسرين
نزار..اي اكيد
نواف..اجهزتهم مغلقة واهلهم جاي يدورون عليهم
مسار..الله اليستر
نواف..كتلة ديربالك من الحب بس هو غبي حبها
مسار..هي هم حبتة بس الاهل وحكم الاهل
نواف..وصلو الحمد لله
حسين..هذا اكيد خطفها
ابو جيهان..وين راحت لا لا خلي نصبر
حسين..اني عرفت اهل الولد وناس معرفين وهم جاي يدورون ع ابنهم لان مسويلهم مشكلة قبل كم يوم وطالع يعني بنية شكبرها
ابو جيهان..شتقصد لك
حسين..ماقصد شي
ابو جيهان..بلغو الشرطة وانطوهم اوصافهم
حسين..اليوم احركهم
ابو تحسين..حسين اهدء بلا مشاكل
ابو جيهان..لا اليوم احؤك الدنيا فوك راسة وذيج اني اعلمها
ابو عمار..الولد مختفي والبنية مختفية يعني وين ولو
ابو برهان..ابني هسة يقتلوه الكوه بسرعة
ابو عمار..انطيني ارقام واسماء اصدقائة خلي نتحقق منهم اكيد يعرفون شي
ابو برهان..نواف وميناس
حسين..استاذ نزار مو جنت مراقبها وين جانت تطلع
نزار..مخطرت ببالي هل فكرة امشو خلي ندور
حسين..طبينة للمطاعم وسألنة ميعرفوها
نزار..اكو كوفي كالو الشباب تروحلة هواي امشو
حسين..هاي البنية تعرفها
ابو الكوفي ..ﻻ مشايفها
حسين..احجي ترة اسوي شي ميعجبك
ابو الكوفي ..جانت تجي وية مجموعة من الشباب يكعدون كعدة عادية ويطلعون
العم الي سكن عندة برهان وجيهان احمد
احمد..ولدي هذا الي سويتو اكبر غلط
برهان..مبقة كدامنة غير هذا الحل او الانتحار
احمد..استغفر الله بس هذا هم يسمى انتحار
جيهان..اهم شي حبيبي وياية
احمد..روحو ارتاحو
برهان..لا ميصير لازم نحاول نسافر بأي طريقة وخاف يشكون بينة المشكلة خايف ع ابوية واهلي وخايف خاف يلكونة وتروح هل تضحية سدى
احمد..الي صار صار
ام برهان..يمة ابني راح
شذى..اهدي يمة هسة جم ساعة وتلكي يمج
ام برهان..شتحجين بنتي ابوج والدنيا كلخا تدور وملكوه شيرجع متكليلي
شذى..وين يروح اكيد هنا الله كريم
شذى..الي صار كلة بسببك
اخو برهان..تريديني اسكت والي جنت خايف منة صار ويمكن لو ساكت جان صار اسوء
شذى..هذا الحب المفروض من اجة حجة وياك تتفهمة مو تصير ضدة
اخو برهان..ماعرف شفكر وسوة هذا الشي اول تالي يلزموهم ويقتلوهم
شذى..عرفتة اني وكتلك بس انت متسمع حجي كتلك يحبها ومستعد يسوي اي شي علمودها وهي كذالك
اخو برهان..والدم والنار الي راح يصير هسة
شذى..لو شوية متنازلين والولد ماخذ الي يحبها شيصير عليكم
اخو برهان..من غير عائلة وهل شي ميصير والشي
الاهم من غير طائفة وهذا الشي زاد الطين بلة
شذى..الحب ميعرف طائفة ولا لون ولا شكل المهم القلب جان لازم تفكرون من هاي الناحية
جيهان..اني مخايفة ولا متندمو ع الي سويتة لو ممسوية هذا الشي جان تزوجت نزار وعشت طول عمري تعيسة اهم شي عندي برهان
منار..(زوجة احمد)بس هذا تصرف مخيف واهاليكم مراح يخلوكم
جيهان..المهم سويت الي احبة وحلمي الي هو اصير مثل اي انسان امارس حقوقي ماكو احد يكلي لا
منار..بس
جيهان..تدرين رادو اهلي يجبروني من شخص ما احبة تحت شي اسمة عادات وتقاليد العائلة الي كلها خطأ بخطأ واولهم ابوية وامي ممتوالمين وماكو انسجام واني مستحيل اقبل بهذا الشي حبيتة بقلب صافي دخل الفرح بحياتي
ام جيهان..اعصابك
ابو جيهان..لو ذابحيها احسن من هاي فظيحتي
ام جيهان..اسم الله
ابو جيهان..لج بعد هذا كلة وتعزيها لهاي الجلبة حطت راسي بالطين
ام جيهان..قشمرها ذاك الحقير
ابو جيهان..مقشمرها هي بمزاجها بس اصبريلي بنت الكلب الة اغسل عاري كدام الدنيا كلها
حسين..الكولي ياهم بسرعة
شذى..شسويت بروحك ربي يرجعك النة
اخو برهان..تتوقعين يرجع صارلة يوم كامل والتهمة ثبتت عليه ثنينهم ماكو صوجي اني لو متفهمة جان مسوة هيج
شذى..لتلوم نفسك هو مرة كلي بس عبالي يشاقة وطلع مخبل من صدك
اخو برهان..الشغلة راح تصير بحيرة من الدم والسبب حبهم
شذى..راح اروح يم ابوية الله اليستر يرجف شفتة
اخو برهان..هاي صدك الحجي منايم
ابو برهان .شلون انام ويهدالي بااي وماكو اي خبر
اخو برهان..نام يابة وارتاح
حسين.....يتبع
برهان..كاعدين ونضحكك جان ورة شوي يندك الباب
جيهان.....يتبع
توقعاتكم ؟؟
