نور العين

الجزء 16

بعد ما ودعوهو خلاص كفنوه .... وبعديها رفعوه ارتفعت اصوات التكبيرات والتهليلات اثناء مرور الجثمان .... عمر كان مع الناس الشايلين .... كان بيبكي ويمسح في دموعو بي كم الجلابية بتاعتو .... علت اصوات النحيب والبكاء الحزين...... نوران كانت واقفة في البلكونة وبتعاين للجسم الملفوف بالأبيض..... بس ما نزلت منها ولا دمعة .ترتيل كانت بتصرخ وبتكورك بي هستيرية والبنات اتلمو فيها عشان يهدوها .بعد ما ركبو العربات واتوجهو نحو المسجد صلو عليه صلاة الجنازة وبعديها مشو المقابر ودفنو .وبعديها رجعو ... منى : وديت اخوك وين يا عمر ؟حنرجع من دونو يا ولدي .عمر : انا لله وانا اليه راجعون نوران كانت قاعدة في اوضتها في الارض وماسكة الجكت اللبسو ليها فهد في بورتسودان .نسمة دخلت عليها : نوران انتي كويسة ؟نوران : لي هو مات ؟نسمة : نوران دا قدر ربنا ... في زول بقول لي لقدر ربنا ؟نوران : هسه هو سامعنا ؟نسمة : ما عارفة ... لكن هو محتاج لي دعائنا... محتاج لي انو نسأل ربنا يثبتو عند السؤال .نوران : يعني خلاص كدا ما حنشوفو صح ؟؟؟ زي ماما .نسمة قعدت جمبها وهي بضمها عليها : حنشوفهم .... حنشوفهم في الجنة ان شاء الله .نوران : راسي واجعني شديد .نسمة : ارقدي حاجيب ليك مسكن .نسمة نزلت جابت ليها مسكن وموية ... وبعديها نوران نامت ...... مرت الايام وبدو الضيوف يقلو .... كل يوم العائلة بتصحى وهي متمنية انو يكون حلم ... وفهد لسا عايش .بعد مرور شهر ونص حيدر واولادو رجعو الامارات .... والبيت بقا فااااااااااااااااضي وخفيف .يوم الجمعة محمد اتفاجأ بي نوران وهي بتقول ليهو عايزة امشي المقابر .... في البداية رفض بس بعد شوية حنا عليها ووافق ... مشا معاها ووصلو .... نوران وقفت وقرت عليه الفاتحة .... جرت السلسلة اللبسها ليها وهنا يادوب دموعها نزلت : فهد ..... انا مشتاقة ليك .... انا السبب في موتك .... لي بعدتني من العربية وموت نفسك ؟انا اسفة لاني زعلتك .... بس دي ما صوري انا ما عملت كدا .... انا برضو كنت #بحبك ... بس انت عارف لي انا ما قلت ليك ؟ لانو من يوم ماما ماتت انا بقا عندي احساس انو اي زول احبو واتعلق بيهو حيمشي مني في يوم زي ما انت هسه مشيت وخليتني ..... انا اشتقت لي صوتك .... اشتقت لي ضحكتك واي حاجة فيك .... فهد انت ما شفت علي بقا كيف بعد ما انت مشيت .... علي المجنون بقا اليوم كلو ساكت وما بياكل ... وحلق شعرو ... في الكانت اليوم كلو مبتسمة هسه بقت اليوم كلو بتبكي .... عمر البحب اللما والونسات بقا انطوائي ... بقا اليوم كلو قاعد براهو .... انا ما حاسامح نفسي ابدا ... انا السبب في انك تموت ... انا السبب .نوران قعدت في الارض وبقت بتبكي بي هستيرية : فهد ارجع ... فهد ما تموت .... عليك الله ارجع محمد الكان واقف بعيد منها جاها جاري : نوران خلاص يلا نمشي .نوران : خلوهو يرجع ... ما تخلوهو يموت .... فهد ارجع فهد ما تموت .نوران حست كأنو جسمها حيتشلا بقت بترجف شديد وما قادرة تفتح عيونها وراسها لافي سمعت صوت محمد بعيد وهو بيقول ليها : نوران اصحي .... نوران افتحي عيونك .فتحت عيونها ولقت محمد وعمر وباقي العائلة واقفة فيها .نوران : لي مات ؟ لي مشا ؟عمر : منو المات يا نوران قولي بسم الله .محمد : نوران فهد كويس ما عندو اي شي .علي : دا عندو 7 ارواح يادوبك كسر يدو .نوران وقفت علي حيلها : فهد حي ... عليكم الله فهد حي .منى : شكلك كنتي بتحلمي يا بتي ... تعالي هسه حندخل ليهو .... فاكرين لمن محمد سألها حصل شنو وبعديها ضماها ؟ نوران نامت وقتها وكل الفات كان مجرد كابوس( زغرتو وارقصو 😂🎉🎊🎉🎊🎉🎊)ترتيل : " يارب تموتي انتي واحنا نرتاح "منى مسكت نوران ودخلتها الغرفة المرقد فيها فهد .... كان نايم ومجبصين ليهو يدو اليمين .وكان في ضمادة في طرف جبهتو .نوران لمن شافتو بي سرعة قعدت جمبو .... كانت بتعاين ليهو كأنها عايزة تتأكد من انو دا ما حلم .نزلت دمعة منها وهي مبتسمة ... ختت يدها في يدو وهي بتراقب في صدرو البينزل ويرتفع مع تنفسو .فهد فتح عيونو وتاني قفلها وقال بي صوت واطي : امي .نوران قامت من الكرسي .... جات امو قعدت جمبو : حمد لله على السلامة .شوية كدا الباقيين كلهم دخلو .وكلهم بدو يحمدو ليهو السلامة .علي بدا يمسح في دميعاتو الماقدر يمسكها ... مع انو كان محسس الباقيين بره انو الموضوع عادي .قعد في الارض ودفن وشو في السرير وجعر فيهم : ياخ والله قطعت قلبي 😭فهد فتح عينو وبراحة ختا يدو في راس علي : قوم .... الرجال ما بيبكو .علي مسح دموعو وقام وشو احممممر .الدكتور جا داخل : السلام عليكم الجميع : وعليكم السلام الدكتور : يلا يا جماعة لازم تتطلعو عشان الزول دا يرتاح .محمد : ورينا عندو شنو بالظبط يا دكتور .الدكتور : الحمد لله ... جات سليمة بس مجرد كسر بسيط في اليد .... كل المشكلة كانت في انو في جرح كبير في منطقة الضهرخلاهو ينزف كتير لكن الحمدلله قدرنا نتصرف معاهو ... حتجيهو نوبات صداع في الفترة الجاية لانو في ضربة جات في الراس ولو كانت اقوى كان حيجيهو ارتجاج في المخ ... بس الحمد لله ربنا لطف وستر والمسكن حيخفف عليهو شديد.محمد : وحيطلع متين ؟الدكتور : بكرة الصباح ان شاء الله ... بس احنا حنخليهو الليلة تحت المراقبة .... ولمن ترجعو الخرطوم ممكن يتابع مع اي دكتور .محمد : كان كدا ماف مشكلة ... ابوهو دكتور ... وبت عمو دكتورة .الدكتور : ماشاء الله ... ربنا يحفظكم ... وما تشوفو فيهو شر تاني .محمد : الله يخليك يا دكتور تسلم .********************************محمد.: انا حانوم معاهو .منى : لا يا ولدي انت تعبت الليلة خليني انا معاهو .محمد : التعب لي فهد راحة ... وبعدين انتي برضو تعبتي الليلة .... عموما ان شاء الله بكرة الصباح حنكون معاكم .بعد ما منى وافقت ... كلهم رجعو .... ومحمد فضل مع فهد .... لمن وصلو الساعة كانت 3 فجر ... كانو تعبانين شديد واي زول انجدع ليهو في سرير ونام .نوران كانت نايمة في سرير من شوك تتقلب وتتقلب ما قدرت تنوم ... مشت اتوضت وصلت ركعتين وفي سجودها بكت شديد وحمدت ربنا على انو حفظ فهد ... ودعت انو ربنا ينصرها وفهد يعرف الحقيقة .شالت تلفونها وعملت مكالمة جماعية مع جود وفراس كانت واقفة في البلكونة وحكت ليهم كل الحصل .جود : واااااي اصلو ما بصدق .فراس سكت شوية : اكتر زول ممكن يستفيد من الحاجة دي منو يا نوران ؟ نوران : ماعارفة والله .جود : واااحدة ماف غيره الحيوانة الاسمها ترتيل ... البت دي اصلو ما اتبلعت لي .... انا متأكدة انو حيكون عندها يد في الموضوع.فراس : انا برضو متأكد انها حتكون هي ... لانو ملاحظ لي تصرفاتها كيف بتكون مع نوران .نوران بدت تبكي ... مسكينة ... والله مسكينة ما عندها اي ذنب لقت نفسها فجأة في مشكلة كبيرة ما عندها مخرج.فراس : نوران ما تبكي ... عليك الله ما تبكي .... والله العظيم حقك حيرجع .... بعدين انتي مش واثقة من نفسك انك ما عملتي كدا بتبكي لي ؟نوران : فهد صورتي حتكون عندو بقت زبالة .فراس : الصراحة هو معذور ... يعني اي زول لو كان في مكانو حيصدق وانتي قلتي الصور مفبركة بجودة عالية ... واكيد حيكون في اللحظة ديك فقد عقلو ... خصوصا انو بيكرهني .جود : هسه احنا حنعمل شنو يا فراس .فراس : ترتيل لعبت مع الزول الغلط ... والله حاندمها ... واي دمعة نزلتيها يا نوران حاخليها تنزلها دبل .... بس انا عندي خطة اسمعيني كويس ونفذي الكلام البقولو ليك بالحرف الواحد وايااااااك تضعفي .جود : ربنا معانا يا نوران .... وبعدين فراس كان بدافع عننا من زمن كنا في الروضة وبدق معانا الاطفال .... ما حيدافع لينا هسه مع الحربوية دي ؟فراس : نوران انتي لازم تتغيري ... عشان تطلع زيتها ... يعني هدوم الاولاد دي بعد دا حتغيريها .... امشي افتحي دولاب مرام او نسمة والبسي هدوم حلوة .... والشعرة الواحدة البي ورا دي حتغيريها سامعاني .... ومشية دي ركبا دي حتنسيها خالص .... عايز ثقتك في نفسك تزيد كل ما تزيد انوثتك ترتيل حتجن وفهد حيضعف ... وما تخافي انا حاحاول من هسه ابدا اكشف انو الصور مفبركة ... وترتيل البقرة دي حتعرف ان الله حق .... يلا غوري اغسلي وشك ونومي واتوكلي على الله .جود : الله معانا .فراس : انتي لسا صاحية ؟جود : انت شايف شنو .فراس : يلا اتفكفكي انتي برضو وطيري نومي .جود : وانت موضعك شنو من الاعراب .فراس : لا انا ماشي اخلط 😸.نوران : تصبحو على خير .جود وفراس : وانتي من اهلو .فراس بعد ما قفل مسك التلفون بي قوة وهو ضاغط على اسنانو : حتندمي يا ترتيل .♡♡♡♡♡♡♡♡♡♡♡♡♡♡♡♡♡♡♡♡♡♡♡♡♡نوران صحت الصباح كانت الساعة 11 فتحت عيونها بي بطئ .... عاينت لي سراير نسمة وتهليل كانو مافيشات .... دخلت الحمام اتسوكت ... واخدت ليها شور 🚿 .... بعد ما خلصت عاينت لي نفسها في المراية : جا وقت التغيير .لبست قميص شفون ابيض مفتوح بالجنبات فوق الركبة بشوية .... و جينز ازرق فاتح .... سرحت شعرها ضفيرة وجابتها في كتفها من قدام .... ولبست شبط رفيييع بالابيض ..... وعملت غلوس زهري فاتح .ونزلت .... كانو العائلة كلهم قاعدين تحت مع فهد وترتيل ملصقة جمبو ..... فهد رفع راسو وشافها وهي نازلة ... اقل ما يقال عنها #جميلة .محمد : اوبااااا كرم : من هذه المزة ؟ترتيل رفعت عينها وعاينت ليها باشمئزاز .حيدر : ماشاء الله ... الليلة مالك قاشرة كدا .نوران ابتسمت ليه وهي بتغمز : شنو يا عمو ... وكل يوم ما قاشرة ولا شنو ؟ كانت حلوة وفيها طاقة حيوية كدا ... فيها انوثة بعيدة .... انوثة معتدلة جذابة .نوران وهي بتعاين لي فهد : حمد لله على السلامة .فهد ولا كلف نفسو يعاين ليها .... قال ليها بصوت بارد : الله يسلمك .بدور : فراس واهلو جايين بعد شوية يكفرو ليك يا فهد .فهد من ما سمع اسم فراس وشو قلب .... هو اصلا كان بيكرهو .... وهسه بقا عايز يقتلو ويشرب دمو .فهد : ما عندي نفس اقابل اي زول .ترتيل : هو فراس ما معقولة لكن ... اهلو ما عندهم ذوق دا وقت زيارة ؟نسمة : فراس واهلو مننا وفينا ..... معتبرنهم زينا واحد .... امبارح ما شفتي جا هو وابوهو واخو ... و واقفين معانا لحدي ما طلعو فهد من غرفة العمليات .ترتيل : اي عارفاهم زي اهلنا .... بس انا قاصدة الوقت .علي قام وجا قعد في نصهم هي وفهد وبقا يتفجفج كدا في نصهم 😂 : كدي يا ترتيل زحححححي كدا شوية انا ما قادر اقعد ياخ .ترتيل بي زهج : اها قمت عديل ان شاء الله ترتاح يا حبيبي 😒علي : ميرسي خااااالص يا بيبي 😏.شوية كدا فهد طلع برا قعد في المرجيحة وبقا سرحااااااااان .ترتيل طلعت ليهو : فهد لي قاعد براك .فهد : ترتيل انتي الصور دي متأكدة منها ؟ ترتيل : اي فهد : لكن ... لكن نوران كيف ترتيل : نوران دي يا فهد ماف كلمة بتوصفها .... والله انا اكتر واحدة بعرفها البت دي تاااااااافهة وقليلة ادب وما عندها...ترتيل قطعت كلامها بي صوت فهد الغضبان : ترتيل .....اسمعيني ما عندك اي حق تشتميها ... لو قلتي تاني عنها حاجة كعبة وقسما بدين الله حيكون بيني وبينك السلام عليكم .ترتيل اتهجمت من ردة فعل فهد و سكتت " حتنساها يا فهد حتنساها .... انت لي انا وبس "فهد قام على حيلو بس فجأة خت يدو في راسو وهو ضاغط على اسنانو .... كان شكلو متألم شديد .ترتيل وقفت على حيلها : فهد في شنو ؟فهد : المسكن ...... حتلقيهو في الكومودينة جيبيهو لي .ترتيل سريع جرت فوق .فهد قعد كان مرجع راسو لي ورا ومغمض عيونو .... نوران كانت واقفة وراهو و بتعاين ليهو .... كان صاري وشو ... وحواجبو متلاقية مع البعض .... الالم باين في وشو ... وحنجرتو (تفاحة ادم 🍎) بتتحرك وهو بيبلع ريقو ... حتى في لحظات وجعو وسيم والرجولة ظاهرة فيهو ... بس نوران ماكانت عارفة انو الوجع والالم الجواهو اكبر الف مرة من الظاهر في وشو ....اتراجعت ببطئ ومشت منو ..... فهد حسا بي قلبو بيضرب بي قوة فتح عيونو واتلفت وراهو بس ما كان في اي زول .... ترتيل في الوقت دا جات ادتو المسكن وموية .... فهد بلع الحبة وبعديها طلع اوضتو .... قعد في طرف السرير : يارب انا عملت شنو عشان اخد العقاب دا .رقد في السرير وغمض عيونو .... بس فتحها بسرعة لانو شاف وش نوران : ياخ اطلعي من راسي .... ما حاسامحك ابدا على العملتيهو فيني .... حانساك يا نوران حانساك .... بس .... بس انا لسا بحبك .

يتبع......