نور العين

الجزء 14

مرا اسبوع والامور ماشا زي الحلاوة ... فهد كل يوم يجي يتغزل بي نوران ويشاغل فيها ... ونوران تقيلة تقالة تغيظ .... وابت اصلو تقول ليهو بحبك من نفسها من دون ماهو يجبرها بي حركاتو 😂 .... وهو كل يوم بقول ليها بحبك ... في الدخلة والطلعة .كل العائلة بدت تستف في هدومها عشان 3 ايام بس ويرجعو الخرطوم .الليلة من دون الايام الجو كان بااااااااااارد ❄🌁... بالعصرية كدا طلعو مطعم وكانو ماشين بي رجليهم طبعا قائدهم تهليل .فهد كان ماشي مع نوران بي ورا ( كان لابس برمودة بنية وتيشيرت ابيض وجكت لونو اسود فيهو طاقية بي ورا ... وكاب بني .. ونضارة رايبان ... اما نوران كانت لابسة تيشيرت يدينو كاملة وهي مكفكفاهو مكتوب فيهو في النص #FCB ❤... ولابسة بنطلون جينز ازرق. في اولاد اول ما شافو نوران بقو بصفرو ...فهد وقف وهو بحمر ليهم ... الاولاد فررر قامو جاريين ... فهد وهو بعاين لي نوران : انتي ما بتلبسي طرحة لي ؟ 😠نوران وهي بتفكر : ما عندي .فهد وهو بيطلع الجكت بتاعو : هاك البسي دا وختي طاقيتو في راسك .ترتيل ماشا وراهم وعينا دي عايزة تطلع ... اتقنعت بالطرحة وجات جمب فهد نظام شوفني انا لابسة الطرحة .ترتيل : فودي الرايبان حلوة . فهد : حلوة عيونك 😉ترتيل : ممكن البسها شوية .فهد وهو بطلعها : شيليها عديل .ترتيل : ثانكيووو فهد : any time 😉و بعديها ترتيل مشت بعد ما ادت نوران حدرة 😒 .طبعا اي طلعة بيطلعوها فراس بجيهم ناطي وبستلم القعدة مع نوران .... وفهد بيتغلغل غلغلة شديدة .فهد صاري وشو ويعاين ليهم ... و نوران ولا حتى بتعاين ليهو .فهد بقا بيفكر نوران دايما بتتهرب منو ... ودايما بتعمل حركات عشان يبعد منها .... وما قالت ليهو ابدا بحبك من نفسها ... هو ما متعود على كدا اي حاجة يكون عايزة بياخدا بياخدا مهما كان ... ماف بنت بتقاومو ابدا ... يعني اتقل واحدة بتاخد معاهو بالكتيييير يومين عشان تبقى حبيبتو ... البنات ما بيقدرو يقاومو سحرو .... اسلوب كلامو ...شخصيتو القوية الحازمة.... وسامتو ... ذكاءه لي درجة انو بقولو ليهو FOX ... طولو المتناسق مع جسمو الرياضي .... كل حاجة فيهو بتجذب ... بس نوران كانت مختلفة ما معبراهو ولا شغالة بيهو الشغلة خصوصا من اليوم الاعترف ليها بي حبو فيها .... كل اليوم بتكون بتتلكم مع فراس .... لمن يطلعو بتقعد جمبو بس .... فراس عارفها اكتر منو .... خاف نوران تكون متعلقة بي فراس وما عايزة تجرحو ... لو الكلام دا طلع صح هو يعمل شنو ... ما حيكون عندو ايييي حق عشان يعاتبها او يزعل منها .فهد وهو بيتكلم مع نفسو : بس انا ولد عمها ... انا اولى بيها من الحلبي دا .منى : الليلة قلبي دا واجعني اللهم اجعله خير .عمر : سلامة قلبك يا حياتي فهد : يا ليتو فيني انا .نوران : اريتكم اولاد الهنا في : 😂 نوران وكلام الحبوبات .نوران : ممكن اسألك سؤال ؟فهد : ما تستأذني قولي طوالي .نوران : هسه لو انا جبت مغنطيس ... حيتلصق في تقويمك دا ؟؟؟ (فجأة)فهد عاين ليها بي ذهول وبعديها فجر الضحكة : 😳😂😳😂😳😂 والله انتي ما نصيحة ... عشان كدا انا بحببببببببك بحبك بحبك ياخ .وحضنها عليهو شديد وباس ليها راسها : ارحميني وقولي انا كمان بحبك .في عيون كانت مراقبة الموقف من البداية ... ترتيل كانت واقفة في البلكونة وشافت اي شي ... وعيونها اتملت بالدموع ... مسحت دموعها وهي بتبتسم بي خبث : فهد لي انا وبس يا نوران .... حادمرك ... وحاندمك اليوم الفكرتي تقربي فيهو منو .شالت تلفونها : الو ... عايزاك في خدمة ضروري ... في صور عايزاك تفبركها لي ... وعايزاك تعمل لي محادثة بتاعت واتساب فيها اكعب شي تقدر تعمل ... قروشك حتصلك لحدي عندك ... اسرع شديد في اقل من 10 دقايق عايزاهم يجهزو ... حارسل ليك الصور هسه ....والمبلغ الانت عايزو حيصلك بس تخلص شغلكيلا سلام .ترتيل قفلت التلفون : جا وقت اللعب الحقيقي ... ونشوف يا انا يا انتي ._____♡_____♡_______♡________♡فهد : يلا نمشي ... ما تقعدي هنا براك .نوران : ثواني جرت سلسلة طويلة لابساها في رقبتها نهايتها قلادة في شكل قلب ♡ فتحتها كان فيها صورة مرا في بداية الثلاثينات من عمرها اقل ما يقال عنها جميلة ... كانت لابسة توب توتل اسود ... وباين جدا انها انيقة ...مبتسمة ابتسامة هادئة بتشبه نوران ونسمة .فهد عاين للصورة : دي امك ؟نوران : اي فهد : ماشاء الله ... جميلةنوران : الصورة قبل يومين من الحادث .فهد : الله يرحمها .نوران : امين فهد : طيب انا عايز اوريك شي .فهد طلع سلسلة من محفظتو نهايتها فيهو خاتم الماسي في الحلقة بتاعتو في فصوص الماسية صغيرة ... وفوق الماسة كبيرة شكلو كان جميل شديد 💍.... فهد لبسها السلسلة في رقبتها : حيجي يوم البسك ليهو في يدك ❤.نوران رفعتو وعاينت ليهو .فهد : انا شايف باسل جاي علينا حيكونو الاولاد رسلوهو لي .نوران : طيب امشي .فهد : ارح نوران : لا انا عايزة اقعد شوية هنا .فهد : طيب ما تتأخريومشا للاولاد .... فراس جا لي نوران : كنتو بتقولو في شنو قاعدين بالساعات .نوران : صر 😛فراس : سر بقيتيهو صر 😒 .نوران : اصولي تركية عشان كدا فراس بمسخرة : ههاااااي ... بقيتيها تركية ...خلاص يا نوران شادؤوغلو .نوران : ياخ امشي بيتكم .فراس : مام نوران : عليك الله ولد طالع من الثانوي و داخل الجامعة لحدي هسه بتقول مام .فراس : والعلمني ليها منو 😒.... المهم عايز اقول ليك شي .نوران : قول فراس : انتي فهد دا ما بتخافي منو ... ياخ والله بخوف 😂... ياخ بيكرهني كره ... مرات لو عليهو يجي يقرقشني .نوران : من قلة ادبك .... كفاية خليتو ياكل الاقاشي وانت عارفو نباتي 😂.فراس : بيغير عليك .... والله بغير عليك ... شوفي بالرغم من اننا ما بنطيق بعض ...وفيهو تبادل لي كلمة بحبك يا نوران وبحبك يا فراس .ترتيل مسكت التلفون : طيب شوف الصور دي .... انا كم مرة كنت بتابع نوران اشوفها بتمشي وين .... بتقابل فراس هاك لو ما مصدقني ... هاك شوف الصور .فهد فتح عيونو بي كبرها لمن شاف الصور ... اقل ما يقال عنها سيئة لي فراس ونوران .فهد عيونو دمعت وهو بيشوف في الصور بي صدمة ...ترتيل وصوتها متهدج كأنها حتبكي: سامحني يا فهد بس انا لازم كنت اوقفها عند حدها مابيرضيني ولد عمي يلعبو بيهو كورة ناس زي ديل ما بختشو من نفسهم ولا بيخافو ربهم ...نوران ما بتحب اي زول عندها مرض نفسي بتحب تلعب بالناس ... ولأنها ما قدرت عليك دخلت عليك بي طريق قلبك هي وفراس لاعبين عليك، فهد شال التلفون بي غضب ... كان في فاظة جمبو شاتها برجلو وقعت واتكسرت حته حته وبي سرعة نزل تحت ..ترتيل نزلت وراهو وهي مبتسمة بي انتصار .

يتبع.....