نور العين

الجزء 21

واخيرا وصلو .... نسمة كانت متوترة شديد من الدخلة لكن المعاها هدوها .الانوار طفت وبقت مولعة بس على جهة المدخل..... البوابة كانت ضخمة زي بوابات القصور في العصور الوسطى .وبدت الزفة اول شي جو داخلين علي وباسل فتحو البوابة لي نهايتها واي واحد فيهم وقف على جهة بعديهم جو رنا وبسمة ... كانو لابسين فساتين بيضاء منفوشة ومسرحين كعكات ولابسين فيونكات زهرية وشالين سلات فيها ورود بيرموها على الجنبات .... بعديهم جو الشباين الكبار البنات كانو لابسين فساتين حلوة شديد(حنزل صورها) وشعرهم مضفرنو بالجنبة (جمايكا)... ومن ورا لافنو بي نعومة ومركبين فيهو زهور صغيرة .... ميكبهم كان بسيط وحلو .... الاولاد كانو لابسين بدل سوداء وقمصان بيضاء وكرفتات سوداء ولابسين مناديل في جيوب البدل بي لون فساتين البنات .اول ثنائي دخل كرم وفي .... بعديهم ترتيل وفراس .... بعديهم احمد وجود .... وبعديهم نوران وفهد ♡ ولفتو الانظار ..... كل الناس بحلقت فيهم .... واخيرا جو عرسانة داخلين ووراهم محمد ومرام .... دخلو بالغنية بتاعت ( طلي بالابيض طلي يا زهرة نيسان ...طلي ياحلوة هلي بهالوش الريان .... واميرك ماسك ايديك وقلوب الكل حواليك ورد وبيلسان ... قلبي يبدعيلك يابنتي بهاليلي الشعلاني ... يا اميرة قلبي انتي سلمنا للاماني ... ماتنسي اهلك ياصغيرة بعيننا ماصرتي كبيرة ضلي معنا وطيري وطيري عجناح الامان ... طلي بالابيض طلي ياحلوة وهلي بهالوش الريان...شعي مثل هالطرحة يا اغلى البنات ...طلي تعيشو بهالفرحة لباقي الحياة )الشباين كل اتنين بيدخلو بيقيفو بالجنبة ... البنات بالشمال والاولاد باليمين .... العرسان وقفو في النص ورقصو على انغام اغنية سيلين ديون بتاعت تيتانيك ❤.... بعديها بدت اغنية Antenna 🎶 جو داخلين البنات والاولاد كانو مدربين على رقصة.... وبدو يرقصو الناس بقت منتبهة مع نوران وفراس وفهد وعلي لانهم ظبطو الرقصة وعرفو ليها✌... بعديها اشتغلت غنية الشاب خالد ( دي سيلافي ) وهنا الناس كلها خشت ترقص اصحاب عمر واصحاب نسمة المهم الناس رققققققصو وهيصو .... بعديها العرسان كملو لي جهة الكوشة بي اغنية دايما معاك الدنيا حلوة وياك بعيش سنيني معاك بنسى البيا يا حبيبي معاك .بعديها الحفلة بدت .... الزغاريد والناس ترقص والفوتوغرافرس (المصورين ) لافين وحايمين يصورو .فهد كان نجم الحفل .... الليلة اسمح الف مرة من كل يوم البدلة فيهو كلاااااام ولابس ساعة رولكس ولابس حمالة زرقاء عشان يدو والبنات بقو لافات فيهو زي الفراشات يتخاففو ويتظارفو ويتلاطفو .... الامهات تهليل كانو قاشراااات الحنن وتياب الحرير ومظبطيييييين .العرسان قامو ورقصو مع الناس .... وبعديها اشتغل الدي جي والناس كلها قامت رقصت وهججت .... نوران وفراس رقصو رقيص جننو الناس .... اما فهد في نص دائرة الاولاد المجانين ديلك رقصو وحتو حت الناس بقت متحيرة يعاينو لي منو ويخلو منو .... وفي النهاية جو احمد ومحمد داخلين غلط والمهم فلو جد جد جدها .لمن جا وقت الجرتك مشو البنات مع نسمة ... غيرو ليها ولبسوها هدوم الجرتك .... وغيرو فساتينهم لبسو فساتين زي استايل الخمسينات حمرا (حنزل صورتها) والاولاد بس غيرو المناديل على لون فساتينهم .... بعد ما الجرتك انتهى بدا الاوفرنايت .فراس ونوران طلعو برة ... وفراس حكا لي نوران بي الحصل وانو حيعمل شنو بس ما وراها انو حيجيب الولد يعترف قدام احمد عشان عارف انها مستحيل توافق .نوران : ربنا يستر ... لكن لي ترتيل عملت كدة ؟فراس : لانها بتغير منك وعندها مرض نفسي وبس .نوران : 😳 عاين عاين مش ديل جود واحمد فراس وهو بيعاين على المكان الهي بتأشر عليهو : اي ياهم .نوران : انا شكيييييت فيهم من النظرات البشوفها ودايما لمن اضرب لي جود والقاها مشغول بكون احمد بيتكلم في التلفون ... ارحكاكا نهاجمهم .وبي سرعة اتحركت ... فراس وهو بيجرها : تعااالي هنا ...انتي منقولية ؟ ياخ مالك ومالهم خلي الناس في حالها ما طوالي جارية اررح نهاجمهم .في الوقت دا جو فهد و ترتيل طالعين ... كانو ماشين مع بعض .... ورتيل شافتهم فراس ونوران واقفين جمب بعض .ترتيل : فهد فهد مش ديل نوران وفراس ؟ فهد اتلفت وشافهم ... عاين ليهم لي مسافة كدا ... شال نفس بي زهج ودخل يدو في جيبو ومشا وخلا ترتيل واقفة .ترتيل جات جارية وراهو : فهد اسمعني .... انت لازم تنسى نوران دي واحد ما بتستاهلك وما عندها ...فهد قاطعها : لو سمحتي يا ترتيل ... رجاء خاص ممكن تسيبيها في حالها وما تجيبي لي سيرتها ...ومشا تاني وخلاها .... وهي تاني جرت وراهو والمرة دي وقفة قدامو : فهد انا بحبك .فهد عاين ليها بي استغراب وبي اندهاش وفي وشو الف علامة استفهام .... اخر واحدة اتوقع انها تقول ليهو بحبك ترتيل .فهد عايز يفتح خشمو ... ختت ليهو سبابتها في خشمو ( كان تعضيها 😠) : هششششش ما تقول لي اي حاجة هسه ... فكر وبعدين رد علي .ومشت ( مشش 😠) .... فهد مشاعرو بقت زي الخالطنها ليهو في خلاط ... مشا وقعد في اقرب مدرجات جمبو ... شد شعرو وهو بيرجع بي راسو لي ورا .نوران زهجت من شعرها وفكتو ... فراس بقا بيلعب ليها بيهو ... نوران كانت بتضحك وماشا وهو وراها ... فهد رفع راسهم ... ظهرت لمحة غضب في وشو ووقف على حيلو ... نوران وقفت وهي خايفة من انو يضرب فراس ...بس فهد دخل جوه وسابهم .نوران ظهر الحزن في وشها 😔... فراس جا قدامها : Hello نوران ... الحزن شنو ؟ نزل راسو وهو بعاين لي بي ضحكة : حيعرف الحقيقة قريب ... يلا ابتسمي وارح ندخل جوه.اول ما دخلو محمد ناداهم عشان يسلمو على درة .درة لونها خمري ومحجبة وجمييييييلة رقيقة شديد وقصيرونة مقارنة مع محمد .محمد : طبعا ديل ما محتاجين تعريف ... فراس ونوران .درة : اي بعرفهم ماشاء الله كبرو ... زمان كنت بشوف صورهم ... نوران كانت اطول من فراس .فراس : اي دا بقا من الماضي .محمد : هههههههههه .... ودا ولد عمي فهد .فهد سلم عليها وفي وشو ابتسامة ظريفة كدا مظهرة الغمازات 💔. المهم بعد ما حفلة الاوفرنايت انتهت والناس رجعت بيوتها .رجعو بيتهم وكانو تعبانين واي زول انجدع في مكان ونام .ترتيل صحت بي صوت زغاريد شديدة ... فتحت عيونها ... لقت امها وتهليل قدامها .ترتيل بي نعاس : في شنو .تهليل : #الف_مبروك_يا_ترتيل_فهد_خطبك لحظة صمت وانصدام ...ترتيل فتحت عيونها بي كبرهم : ف ف فهد خطبني انا .وبقت بتصرخ زي المجنونة وتصفق وتنطط .قامت جارية ولقت نوران قدامها : نوران ... فهد خطبني يا نوران ... يعني انا بقيت حقتو وهو حقي ... يعني هو خلاص كدا نساك وما عندو ليك شي .... واوعدك يا قلبي اني حاخليهو ينساك لابد وتبقي مجرد ذكرى مقززة بالنسبة ليهو 😉.نوران : مبروك ليكم ترتيل : الله يبارك فيك يا بيبي .ونزلت تحت... لقت فهد في وشها ... حضنتو شدييييييد ... وبعديها زحت منو قالت ليهو بي حب : فهد بالجد انت خطبتني ... يعني كدا احنا حنتزوج صح ؟ قهد قول لي انو دا حقيقة وما حلم فهد باس بطن كفها : لا ما حلم ... انتي الانسانة البستاهلها والحتنسيني الالم المريت بيهو اوعدك حاكون ليك كل حاجة وما حاخلي دمعتك تنزل في يوم الا في الفرح .... بحبك .ترتيل وهي بتقيف على اطراف اصابعها وبتنزل فهد تحت عليها وتبوسو في راسو : وانا كمان بعععععشقك .فجأة سمعت صوت : ترتيل ترتيل يابت قومي بتضحكي براك مالك .😂😂😂😂 طلعت بتحلم 😂💔... وحلم الجعان عيشة😗ضغطكم ارتفع صح ؟؟؟😸😸😸.تهيليل : قومي سريع عشان تودعي العرسان خلاص طالعين .تهليل طلعت لقت العائلة كلها بتودع فيهم ... حيسافرو سويسرا لي شهر العسل وبعديها حيستقرو في ماليزيا محل شغل عمر .بعد ما ودعوهم ووصوهم ومرام و بدور ونسمة بكو شوية كدا 💔.... محمد وفهد شالو الشنط وركبوها العربية ... والعرسان ركبو واتحركو .... كان يوم احد ويوم الخميس ناس دكتور حيدر راجعين الامارات .فراس جا وسلم عليهم وساق احمد وطلع ( دقدقدقدقدق 💓).احمد جا راجع ونفسو قايم ووشو احممممر .في الوقت داك فهد ومحمد رجعو .فراس سلم على محمد وقبل على فهد : ممكن ثواني من وقتك لو سمحت .فهد بعد مسافة اشر ليهو بي راسو يعني اي .طلعو البلكونة .فراس : فهد يا ريت تسمعني لحدي النهاية وتفهم انا عايز اقول ليك شنو ... احنا من اول يوم اتلاقينا ما حبينا بعض .... انا عارف انك بتكرهني وانا الصراحة ببادلك نفس الشعور .لكن في شي لازم تعرفو انا ونوران ماف اي حاجة بيناتنا .فهد : مبروك .وعايز يطلع .فراس : خليك #راجل واسمعني لحد النهاية فهد الكلمة استفزتو شديد وقبل على فراس وهو معععععصب : انت عارف انو انا ممكن اضربك واكسر ليك خشمك البتتفاصح بيهو دا ... لكن انا حاراعي لي عمرك وما حاضرب طفل يادوب طالع من الثانوي .فراس : شكرا على المراعاة 😒 ...انت فاهم اي حاجة غلط ولانك بتكرهني ما اديت نوران فرصة ... الصور مفبركة ونوران مستحيل يجي يوم ترخص نفسها كدا ....ظهر التأثر في صوتو وهو بيقول : نوران مرت بي تجربة مؤلمة جدا .... امها اتحرقت قدامها .... وهي كانت طفلة ... وبعديها عرفت انو امها ماتت بي حادث مدبر ... بعديها بدت تتغير كانت شايفة انها لمن تلبس هدوم الاولاد معناها كدا هي قوية وما كنا متوقعين انها تتغير الا لمن انت جيت .... يادوب بدت تتغير عارف لي ؟ لانها برضو بتحبك .... ما اي حب ....حب صادق من اعماق قلبها .... كانت كل يوم بتضرب لي وتحكي لي عنك ... بس هي ما اعترفت ليك لانو كانت خايفاك تسيبها في يوم زي ما امها سابتها .... ولمن كانت حتعترف ليك ترتيل فبركت الصور .فهد : عندك دليل .فراس فتح ليهو الفيديو ... فهد بقا منطر عيونو وما مصدق الشايفو .فراس : ولو ما مصدق الفيديو انا ممكن اوديك للولد .... فهد ترتيل بتكره نوران وبتغير منها ... ترتيل مريضة عشان توصلك شوهت صورتها قدامك ... انت عارف لي نوران متعلقة بي شديد .... لاني صديقها من الحضانة ... امهاتنا برضو كانو صديقات من الابتدائي ... يعني صداقتنا بادية من ورا ... انا وجود ونوران ...ومستحيل يجي يوم نظرتنا لي بعض تتغير ... عشان كدا اهلها فاتحين لي بيتهم وشايفني زي ولدهم واكتر ..... فهد امت ظلمتنا انا ونوران وصدقت ترتيل من دون ما تدي نفسك فرصة عشان تعرف الحقيقة .... انا ما مشكلة لكن نوران البتحبك .... ما تكسر قلبها اكسر من كدا ... كفاية ..... بالجد كفاية .وطلع وخلا فهد وهو ما قادر يصدق الحصل .... لو فراس كلامو صح .... معناها هو ظلمهم شديد اتذكرها لمن قالت ليهو : حيجي يوم وتكتشف انك ظالمني .صدقتي يا نوران وجا اليوم .*******************************ترتيل كانت بتتكلم مع صحبتها في التلفون وبتضحك .احمد دخل الاوضة وقفل الباب بالمفتاح ( كتمت 🙊)احمد : اقفلي الزفت الفي يدك عايز اتكلم معاك .ترتيل : انا ما فاضية ليك هسه .حست بي فروة راسها حتطلع في يد اخوها الجراها من شعرها بي غضب .ترتيل وهي بتصرخ بي الم : انت مجنون ... زح مني .احمد : انا برضو المجنون .رما ليها التلفون عشان تشوف الفيديو .ترتيل نطرت عيونها : احمد ثوازي افهمك .وبس احمد اداها كف صاموتي لمن اضانها صنت ( حقك جا يا برتكانة )ترتيل خاتا يدها في خدها محل الكف وما مصدقة .احمد بي صراخ : انتي ما طبيعية ... نوران اذتك في شنو ... وريني عملت ليك شنو عشان تعملي فيها كدا ... نسيتي انها بت عمك والكلام الحيتقال فيها حيتقال فيك .طلع الحزام بتاعو ونزل فيها ضرب بي قسوة زي المجنون وهي تصرخ وتترجى فيهو ان يوقف .رفعها من شعرها واداها كف احر من الاول لمن خدها اتجرح ودموعو نزلت وهو لسا بكورك بي عصبية : انتي اكبر مني لكن وقسما بالله ماف يوم حسيت بي كدا ... كنت ظايما بشوفك اختي الصغيرة المدلعة ... الملاك النازل من السماء ...لي عملتي كدا .... احنا كلنا كنا عارفين انو فهد بيحب نوران ... لأنو عيونو كانت فاضحاه ... ماشفتيهو بقا كيف الفترة الفاتت كالجسد بلا روح .... لا بيضحك معانا ولا بيتونس ولا بياكل ولا بيشرب بس يوك كلو سرحان ... بي سببك وبي سبب نجاستك وخبثك ... دمرتيهم الاتنين ... لو كنتي محل نوران كنتي حترضيها لي نفسك ... سؤال بس ... نوران عملت ليك شنو .... واحدة قلبها ابيض وطيبة وبتحب الناس .... عرافة لو فتحت فيك بلاغ حيعملو ليك شنو .رفعها تاني من شعرها : عارفة حيعملو فيك شنو انطقي ... انتي عمرك ما حتبقي زيها نوران احسن منك وافضل منك بي الف مرة .... واكبر دليل على كدا انو ربنا كشفك .بصق ليها وشها وصمتها كف تالت لمن رعفت ووقعت في الارض.قالت بي صوت متألم وباكي : احمد عليك الله اسمعني .احمد اداها شلوت في بطنها بي قوه وهي صرخت بي صوت عالي : احنا السبب في انك تبقي كدا ... ابوي السبب في انو اي حاجة انتي عايزاها بجيبها ليك في ثواني وما بيرضى فيك .... امي السبب في انها دلعتك وما بتخليك تعملي اي شي ... وانا .... انا السبب في اني خليتك على راحتك تلبسي على راحتك وتتكلمي مع العايزاهم بي راحتك وتطلعي وتجي بي راحتك .... بس كنا شايفنك ملاك البيت كنا بنحبك عشان كدا .رفسها تاني شداها من شعرها واداها كف .... يمهل ولا يهمل يا ترتيل ... العملتيهو في نوران ربنا رجعو فيك ...كنتي قايلة انك حتنجي بي فعلتك وانتي ماعارفة انو الدنيا دوارة ... الصفعة الصفعتيها لي نوران ... دارت الايام وجاتك راجعة بي قوه .كرم ومحمد سمعو صوت الضرب وصوت صريخ ترتيل .جو طالعين بي سرعة وبقو بدقو في الباب بي قوه كرم : احمد افتح الباب ... انت ججنيت محمد : حتموتها يا احمد ... حتموت اختك افتح الباب .كل العائلة اتلمت .واحمد جوة كان بيضرب في ترتيل بي قسوة يكفتها ويجرها من شعرها ويشلتها بي غييييييظ .محمد جاب مفتاح الاوضة وفتح الباب .كرم جرا لي ترتيل ومحمد مسك احمد ..... ترتيل حالتها كانت يرثى لها معالم وشها اختفت من كترة الخفيت ونخرتها نازفة .احمد زح من محمد ورفع ترتيل وطااااااخ اداها كف تاني .... ودا كان قدام برتكانة لمن قلبها قال شححححح وابتسمت نفس الكف الادتو ليها رجع فيها تاني .محمد مسكو تاني وهو يرفس ويتلولو عايز يفك منو .محمد : انت مجنون عايز تقتل اختك .احمد وهو بيضرب ايدو في الحيطة بي قوة لمن اتجرحت ونزلت دم : دي ما اختي ... انا متبري منها .فهد جا داخل بي سرعة ... ولزا احمد وطلعو بالقوة ودخل بيهو اوضتهم .كرم رفع ترتيل كان راسها لافي والوجع في كل انحاء جسمها اول مارفعت راسها شافت فراس ... كان مبتسم ابتسامة نصر ... وبعديها اتقلبت ابتسامة شمااااااتة و بعديها نزل تحت وطلع على بيتهم .كلهم عرفو الحصل شنو ... وبقو ما مصدقين انو ترتيل عملت كدا وتهليل لمن بكت من الصدمة .كرم قعد ترتيل في الكرسي وبدا ينضف في وشها كانت بتبكي وتتشهق بي قوة .احمد جا طالع .... اول ماشافتو وقفت على حيلها : احمد عليك الله سامحني يا اخوي .احمد بي غضب : كرم سكت الزفتة دي مني والا وقسما بالله اقتلها واشيل فيها اعدام .... ما انا الحاسامحك نوران وفهد هم المفروض يسامحوك .كرم ومعاهو في ومرام قعدوها وبدو يهدو فيها ... كانت بتبكي بي الم وذنب .... واخيرا حست بي المصيبة العملتها.فهد جاها ... الباقيين مشو عشان يخلوهم يتكلمو بي راحة .ترتيل وهي بتبكي : فهد عليييك الله سامحني .فهد : لي عملتي كدا .ترتيل : لاني كلبة وحيوانة انا حقيرة وتافهة ... الانانية سيطرت علي وعمتني ... لكن انا حبيتك .فهد : البيحب بي جد ما بيأذي البحبو يا ترتيل ... انتي ما خفتي انك تموتي ؟ لو كنتي متي كان حتعايني لي وش ربنا كيف ؟ ترتيل بقت بتبكي وبتضرب في وشها : انا جزمة وانا زفت وانا اي حاجة كعبة بس سامحني ... عليك الله سامحني .فهد حضنها وهو بيهدي فيها ... باس راسها : مسامحك يا ترتيل .... مسامحك .نوران جات ماشه واول ماشافتهم لفت دايرة ترجع لكن وقفت لمن فهد ناداها .ترتيل جرت ليها وقعدت ليها في الارض : نوران انا غلطت عليك ... عاينت لي فهد : الصور كلها فبركة ... الشيطان غشاني وفبركتها ... فهد بيحبك يا نوران .....عليك الله سامحيني انا غلطانة وستين الف غلطانة .... سامحيني واعفي مني .نوران وهي بترفعها من الارض : قومي يا ترتيل انا مسامحاك وعافية عنك ... ياخ احنا كلنا بنغلط ... ما ملايكة معصومة من الغلط .ترتيل عانقتها وهي بتبكي ... بعديها احمد جا طالع ومعاهو كرم ومحمد .احمد وقف قدامها ودموعو نزلت باس يدها وحضنها عليهو بي قوة ودموعو نازلة : لي ... لي عملتي كدا .ترتيل : عليك الله سامحني ... سامحني لاني خيبت ظنك فيني.... الشيطان غشاني يا اخوي .محمد : احمد سامحها دي اختك .كرم وهو بيربت على ضهر احمد : يلا .احمد باس راسها ونزل معاها تحت ووراهم كرم ومحمد .فهد جا لي نوران ... كانت خجلان من نفسو : انا بالجد ما عارف اقول شنو ..... انا ظلمتك يا نوران ... ظلمتك انتي وفراس .... بس والله انا ماعارف لي ما حاولت اعرف الحقيقة .... نوران سامحيني انا اسف وغلطت في حقك كتير .... سامحني على كل كلمة منحطة .... سامحيني لاني اتعديت حدودي كتير .نوران سكتت شوية : سامحتك وحصل خير وانا اسفة عشان الكف بتاع اول امبارح .فهد بي ابتسامة هادئة : ما مشكلة انا اصلا كنت استاهلو ... كدا لبن صافي ؟ نوران : حليب يا قشطة .جرت السلسلة الفيها الخاتم اللبسها ليها زمان في بورتسودان : هاك ... بقت ما بتلزمني ... بتمنى تلاقي البت البستاهلها ... وتعيش معاها حياة سعيدة .فهد وهو مبتسم بي انكسار شالها منها : شكرا ليك ... وانا كمان بتمنى تلاقي الراجل الحيلبسك خاتم بي صدق .نوران ابتسمت ليهو ونزلو تحت .ترتيل ابوها وامها واختها كانو زعلانين منها ... لكن بعد كم يوم سامحوها .يوم الخميس :الليلة دا اليوم الحيختم وجود ناس فهد في السودان ... الساعة كانت 8 مساء وكلهم جهزو وخلاص بعد دا طالعين على المطار ... كانت كل العائلة متلمية ... ودعوهم وبكو خصوصا علي يشيل ويقشقش في دموعو ... طلعو الشنط للعربات ... وبدو يقولو ليهم ربنا يكتب السلامة .... ركبو كلهم كانو حيودوهم محمد وكرم واحمد راكبين معاهو الناس الكبار عشان عايزين يوصلوهم .... فهد كان لابس قميص بنفسجي غاااامض ومكفكفو وبنطلون جينز اسود و vans سودا .... وعلي تيشيرت ابيض مرسوم فيهو نضارة ومعاهو جكت اسود وبنطلون اسود وسنكرز بيضاء ورايبان .المهم العربات اتحركت ... نوران طلعت اوضتها وبدت تحس بالفراغ من هسه .... فجأة سمعت صوت الجرس بيضرب بي قوة .جو جاريين كلهم واولهم برتكانة .فتحو الباب وكلهم بي صوت واحد : في شنو .كان فهد واقف قدام الباب : نوران انا ما حاقدر ... والله ما حاقدر انا بحبك ... وحبي كان كل يوم بزيد ليك ... نوران تتزوجيني ؟ طلع الخاتم من السلسة ونزل ليها في الارض كلهم بقو فاتحين خشومهم وبعاينو ليهو .... نوران فضلت ساكتة .فهد : نوران سريع السير حيقفل .نوران : فهد انا اسفة ... بالجد اسفة .... بس ما حينفع اني اقول ليك في يوم لا .... عشان كدا انا موااافقة .مرام وامها فكو الزغاااااااريد بصوت عالي .محمد : اها كدا شلتو اخواتي الاتنين .... فهد يلا خلاص الوقت .فهد كان لسا بين مصدق وما مصدق .نوران وهي بتمد يدها للخاتم : السير .فهد : ايوا السير .لبسها الخاتم وباس يدها ... وبي سرعة رجع العربية ... خلاص كدا بقت #خطيبتو .وصلوهم المطار وشوية كدا اعلنو عن طياراتهم ودخلو بعد ما ودعو الباقيين ... وبعد مسافة طيارتهم اقلعت .فهد كان بعاين من فوق للانوار وهو مبتسم ... اتذكر من اول يوم وصلو ولمن نوران جاتهم نازلة للمدرسة ... اكتر اجازة مميزة عاشها ... واكتر اجازة غيرت قي حياتو قفل غطاء الشباك ورجع بكرسيهو لي ورا الجملة الافتتاحية :مشوني لو في اخطاء عشان ماراجعت 🐸#تكملة_الجزء_الواحد_و_العشرون طبعا بعدين الجزء الاخير من نور العين حينزل المساء تصدقو حتوحشوني وتوحشني تعاليقكم😘😘😘نسمة وعمر وصلو جنيف بعد رحلة طويلة ...كانو تعبانيييييين .... في الطيارة نسمة كانت ساكتة ابت كلو كلو تفتح خشمها عمر كان بيتكلم معاها وهي ماشه بي مبدأ كلمة ورد غطاها .... يقول ليها اي شي بس على قدر الاجابة وتسكت .المهم سويسرا دولة لايمكن وصفها من حيث الجمال والطبيعة الخلابة .... لكن هم مافهموا ليها شي وصلو بالليل وتعبانين ... وفي احدى فنادق جنفا الفاخرة نزلو .كانو حاجزين ليهم سويت كامل ... عمر عندو صحبو هناك جهز ليهو كل الحاجات صحبو اسمو محسن ومرتو اسمها ريان .... هم الاستقبلوهم ووصلوهم الفندق .السويت بتاعهم كان خيااااااال ... نسمة اول ما دخلت انبهرت من ديكورو ومن الاساس الحلو ...عمر كان واقف وراها : عجبك ؟ اتلفتت هليهو وهي مبتسمة : لا تعليق .عمر وهو بيمسك يدها وبيبوسها ليها : حنقضي هنا احلى ايام عمرنا .... وما حننساها ابدا .نسمة زحت وهي مبتسمة بي خجل : ان شاء الله .عمر ضحك على وشها القلب احمر من الخجل : جهزي نفسك عشان ننزل نتعشى تحت .نسمة : ما حاقدر ... انا تعبانة شديد وعايزة استريح .عمر : طيب ما مشكلة نطلب فوق .نسمة وهي بتطلع شنطة اليد : حتكلمهم كيف بتعرف سويسري ولا هم بيفهمو انجليزي .عمر وهو رافع سماعة التلفون : راجلك بيتكلم 4 لغات من ضمنهم السويسري 😌.نسمة : مممممممم ... لا ماشاء الله .جرت شنطها ودخلت اول غرفة لقتها قداما ... اخدت ليها شور وغيرت هدومها ورمت نفسها في السرير ... فتحت التلفون وبدت تتصفح في رسائل صحباتها العايزين يتشمشرو .... اتخلعت لمن سمعت صوت باب الغرفة بيدق ... اتقنعت بالطرحة 😂 وفتحت الباب ... عمر : الاكل وصل يلا ؟نسمة : لا ما جعانة .عمر وهو بيغمز ليها بي استهبال : ما جعانة ولا خجلانة 😉.نسمة وهي بتخت يدها في راسها من ورا : اخجل من شنو ... بالجد ما جعانة شكرا 😊.عمر بي ابتسامة : اوكي براحتك قفلت الباب ورمت نفسها تاني في سرير ...شوية كدا وصوت بطنها طلع زي ما بقولو ناس اسبييتون عصافير بطنها تزقزق ..... ختت يدينها في بطنها : اصبررري ياخ ما لازم تمشي تاكلي قدامو 😣.عشان تضيع الوقت وتشغل نفسها بدت تعلق في هدومها في الدولاب👗👚👒👢👡👠 ... وتخت مكياجاتها وعطورها في التسريحة ... مضت ساعتين وهي خلاااااص حتموت من الجوع ... اتقنعت بي طرحتها تاني وطلعت بره كانت بتتكلم مع نفسها : خلاص ساعتين كفاية بيكون نام وشبع نوم .اول ما وصلت لقت عمر نايم في الكنبة والاكل مختوت جمبو في التربيزة .... بقت خاتة يدها في خشمها وبتعاين ليهو وبتعاين للاكل ترجع اوضتها وتموت من الجوع ولا تجازف وتشيل الاكل من جنبو .في النهاية قررت تمشي على اطراف اصابعها وتوصل الاكل (الجوع كافر😂) براااااحة قعدت في الكرسي الجمبو وبدت تاكل واي صنف الذ من التاني .... الهي ماعارفاهو انو عمر كان صاحي ومراقب الفيلم من البداية 😂.بعد ما خلصت شبعت فركت يدينها وعايزة تقوم سمعت صوت عمر وهو بيضحك : بدل المهمة العسكرية العملتيها دي مش كان احسن تجي تاكلي معاي من البداية .نسمة حست انو بي دم جسمها كلو جا في وشها من الخجل بلعت ريقها : أ انا اصلا ماكنت ج جعانة بس عمر : بس شنو ؟ خايفة الاكل يكون فيهو سم واموت براي ؟نسمة : تصبح على خير .وبي سرعة دخلت اوضتها اتكلت علي الباب بعد ما قفلتو بالمفتاح وفجرت الضحكة على نفسها .... دخلت الحمام غسلت يدينها وطلعت سريرها ونامت .صحت الصباح بدري وقفت في البلكونة واستنشقت الهواء النقي ابتسمت ورجعت جوه .... اخدت ليها شور وغيرت هدومها واتحجبت وشالت كاميرتها وطلعت ... لقت عمر قاعد بالبرمودة بيتصفح في مجلة .... اول ماشافها وقف : صباح الخير .نسمة : صباح النور عمر : ها نطلع ؟نسمة بي حماس : يلا .نزلو تحت لقو محسن وريان مستنينهم .ريان : صباح الخير يا عرسان عمر ونسمة : صباح النور ريان : كيف قضيتو ليلتكم عمر : الحمد لله .محسن : انا وريان جهزنا جدول للطلعات يعني حنستمتع شديد .ريان : قدامنا 12 يوم بس .... 10 ايام حنخليها لسويسرا ... ويومين حنزور فيهم اي بلد اوروبي تاني ممكن ايطاليا ، المانيا او فرنسا ... اختارو .نسمة : انا غايتو عايزة فرنسا .عمر : انا برضو .ريان : ممتاز ... بالجد حنسمتع .... هسه حنمشي نشتري موكا عشان نصحصح كدا وحناخد لفا صغيرة في جنفا.... والعصر حنبدا رحتنا عشان الوقت ... اتفقنا ؟ عمر ، نسمة ، محسن : اتفقنا .********************************** في دولة الامارات العربية المتحدة وتحديدا في العاصمة ابوظبي .... في احد الابراج الضخمة القريبة من الكورنيش ... في الطابق الواحد والعشرين شقة رقم 530 .في غرفة انيقة .... فتح عيونو الكحيلة بي بطئ فتح التلفون الساعة كانت 10 صباحا.... بدا يقلب في رسائل اصحابو البيحمدو ليهو السلامة والعايزين يتأكدوا من خبر هل هو فعلا خطب ؟معظم البنات لمن سمعو الخبر كانت ردة فعلهم : لاااااا😣.ابتسم بي نعاس وقام من السرير ... كان لابس بجامة قطنية تيشيرت ابيض مخطط بالرمادي ... وبنطلون رمادي ..دخل الحمام اخد ليهو شور وغير هدومو ...فتح باب البلكونة ... وقف فيها لي دقايق وهو سرحان مع حبيبتو نوران .... لحدي الان ما مصدق انها بقت خطشيبتو 😗.تلفونو ضرب اول ماشاف الرقم ابتسم : هلا وغلا رشود *راشد صديقو اماراتي سعودي .راشد : اصغر عيالك ومني بعارف .فهد.: ياخي الاول قولي حمد لله على السلامة داخل بكل سرعتك على الهياط .راشد : اي صح حمد لله على السلامة ياخي والله اشتقت لخشتك .فهد : الله يسلمك ... وانا اشتقت لك .راشد : الا صحيح ملكت ( عقدت )فهد : 😂 لا حوووول ملكة مرة واحدة ... ياخي انا يادوب خطبت ... الله لا يوفق اهل الاشاعات .راشد : قسم بالله قوية ... كيف عملتها ... ما اقدر اصدق فهد الصايع يخطب ... ومن قليلة الحظ ؟ فهد : بنت عمي .راشد : الله يتمم على خير ان شاء الله .فهد : تسلم .راشد : اقول ايش رايك نتقابل مع باقي الشباب المطانيخ .فهد : اوكي ... الزمان والمكان ؟راشد : نتقابل بالمارينا ... الساعة 6 .فهد : نتلاقى هناك ان شاء الله .راشد : يلا سلام فهد : سلام .ولمن جات الساعة 6 فهد كان خلاص جهز نفسو ... كان لابس الزي الاماراتي ... اتريح بي عطر العود بتاعو ولبس ساعتو ولبس شبشب جلد اسود .... ووقف في المراية يصلح غترتو .الجرس ضرب ... فهد : علي تعال افتح الباب .في جات مارة وهي خاتا التلفون في اضانها : علي طلع قبييييل مع اصحابو .فهد شال مفاتيحو ومشا على الباب ... اول ما فتحو جا صاحبو إسلام ناطي فيهو *اسلام من ام سودانية واب مصري .اسلام : احبيبي افهد ... حمد الله على السلامة .فهد وهو بيضحك : الله يسلمك .نزلو بالاسانسير او الاصانصير 🐸 لي الجراج التحت ومنها فهد ساق عربيتو .واسلام ما سكت ولا ثانية طول الطريق ينضم : من ماغورت السودان ولا معبر ابونا ... ولا تليفون ولا اي حاجة ليه ياعم يعني عشان خطبت حتكبر راسك علينا .فهد.: انا كل يوم برسل ليك في الواتساب وبتكلم معاك ... اها اكتر من كدا اعمل شنو ... ضروري اضرب ليك يعني.اسلام : اه ياعم اتصل احتمال مشتاق لصوتك .فهد : طب وقت اصلك مشتاق لي كدا مش كان تضرب انت ؟ اسلام : لا يا عم تكلفة الاتصال كبيرة .فهد : وانا شايفني ملياردير قدامك 😒اسلام :طب سيبنا من دا ... كلمني عن المزة بتاعتك .فهد : اسلام افصصصل .... سامعني افصل خلاص انا صدعت منك .اسلام وهو بيضحك : ماشي حافصل علا صوت المسجل وبدا يغني معاهو لحدي ما وصلو المارينا مول .نزلو ولقو اصحابهم وبدو يسلمو على بعض بالاحضان .راشد : يا عيني على الكاشخين .... تحصنو ترا بيعطوكم عين .... دخلو وقعدو في احدى الكافيهاتباقي الشلة : راكان اماراتي ... عبدالله سوداني .راشد : تصدق يا فهد خسارة انا بأجي من لندن وانت بتروح ماليزيا .اسلام : معلش دا في سبيل العلم برضك .راشد : كم فاضل على سفرك ؟ فهد : اسبوع .راكان بيغمز لي اسلام عايزين يرفعو ضغط فهد .اسلام : طب سيبونا من السيرة دي ... عايزين نشوف صورة المزة بتاعتك .فهد وهو بيتعدل في قعدتو : ياتو مزة دي ان شاء الله😒 .اسلام : خطيبتك 😉فهد : Don't try with me 😏راكان : ايش فيها يا فهد ترا بس بنشوفها ما بناكلها 😋.فهد : اقول جب ولا كلمة مابي اسمع صوتك انت هو ... وبعدين رويكن نسيت لمن كنا في الثانوية حبيبة القلب نورا الكنت محرم علينا نجيب طاري اسمها .اسلام : طب اسمها ايه ؟راكان : اي ايش اسمها .فهد وهو بعاين لي عبد الله : ديل متخلفين ولا فهمهم شنو بالظبط ... اشرح لي .عبد الله وهو بيضحك : طنشهم .راكان : افااا عبدالله ... بس قولنا وش فيها ياخي نبي الاسم بس .فهد بغيظ : نوران راكان : احلى يالاسم 😍اسلام : دي من اسمها باين عليها مزة جامدة اوي .فهد : اقسم بدين الله اذا ما بطلتو اقوم منكم ... وتاني ما تشوفوني بعيونكم .عبد الله : لا لا فهد اهدا ... ايش فيكم شباب جننتو الرجال .راكان وهو بيضحك : اسفين فهد والله احنا نمزح معاك ياخي فكها .اسلام : الغريبة انو احنا زمان لمن نتكلم في واحدة من حبيباتك كنت بتضحك وبتزيد على كلامنا .راكان : لا هالمرة في فرق هذولك كانو مجر تمضية وقت ... بس هالمرة شكله جادي .عبدالله : شباب كفاية المزح ممكن يقلب جد مع فهد 😂اسلام : بص في الانستغرام بتاعو الفولورز 130k وهو مش عامل فولو لاي حد .... اخ يا مفتري .فهد بغرور : اعمل شنو ... الناس بتعشق صوري 😌عبدالله : شنو رايكم يا جماعة بما انو فهد مسافر بعد اسبوع ...نسافر دبي لي مدة 5 ايام كدا نفل جد جدها ونرجع ؟ الشباب بي حماس : موافقين .********************************نرجع سويسرا .العصر سافرو انتلاكن ممكن نقول عليها جنة الله في الارض 💔.... نزلو في فندق في سويتين جمب بعض .نسمة ابت كلو كلو تطلع الطرحة قدام عمر .عمر بي ضحكة : على فكرة انا بقيت راجلك يعني ما حرام لو شفت شعرك .نسمة قامت ومشت على جهة اوضتها : اي عارفة 😋.فضلت واقفة لي مسافة لمن حست بيهو وراها ... بثت منطرة عيونها وماعارفة تدخل ولا تقيف 😂.قبلت عليهو بي سرعة لقتو بعاين ليها بي ابتسامة حلوة كان مطلع النضارة ... وهو لم يطلع النضارة بيبقا كلاااااام 👌.نسمة نزلت راسها في الارض .عمر وهو بيرفع ليها راسها : فديت الخجولين ❤.بلطافة طلع ليها الطرحة .... كانت لافة شعرها كعكة ... بي اصابعو فكا شعرها الانسدل بي نعومة لي ضهرها .قال ليها بي حب وهو بيلعب بي واحدة من خصلات شعرها : عارفة انا انسان محظوظ لانو ربنا رزقني بي واحدة ماف زول شاف شعرها غيري 😉.نسمة ابتسمت .عمر قرب منها وطبع قبلة على عنقها .... عاين ليها في عيونها رجع ليها شعرها لي ورا قبل ما يطبع قبلة طاهرة رقيقة في خدها .(شايفاكم مركزين شديد ... خلاص نخليهم في حالهم دي خصوصيات 😂🙈)صباح اليوم تالي :عمر : نسوم نسمة : (نااااايمة )عمر وهو بعاين للساعة : نسوم قومي احنا بنومك دا حنفوت كل حاجة قومي يلا صباح الخير .فتحت عيونها بكسل : الساعة كم ؟عمر : 8 وما تقولي لي لسا بدري ... الطلعة السياحية حتفوتنا ... ومحسن وريان بكونو جهزو من 6 ... قومي مايقولو علينا كسولين .نسمة قامت ولسا النعاس في وشها ابتسمت وهي بتخلل في شعرها : طيب خلاص قمت .عمر : معقولة ياخ الزول من الصباح يشوف الوشوش الحلوة دي 🌹 .باس يدها قبل ما يطلع : يلا اجهزي على راحتك مستنيك تحت 😉.*****************************************نرجع الامارات الشباب سافروا دبي وفلووووووووووها خمسة ايام ما خلو شي ما عملوهو استمتعو بي وقتهم وبعديها رجعو ابوظبي ... بعد مرور يومين جو لي فهد عشان يوصلوهو المطار ... فهد ودع اسرتو وسمع نصايحهم البكررو ليهو فيها من الصباح ... بعديها طلع مع اصحابو على المطار كان لابس برمودة جينز وقميص كحلي وكاب وشبشب بلاستك ( خلاص بقا متعود على السفر وما فارقة معاهو 😂)اعلنوا عن طيارتو ودخل عمل اجرائاتو وبعد مسافة الطيارة اقلعت بيهو صوب كوالالمبور.... هناك لمن وصل لقا شلتو كلهم مستنينو .... بعد استقبال حار وصلوهو السكن بتاعو ونام .... خلاااص كدا حيبدا موضوع القراية والصياعة والحركات ***************************************نرجع سويسرا 🗻عمر ونسمة مع ريان ومحسن ما قصرو لفو كتير زاروا مصنع الشوكولاتة 🍫... قلعة جريبر ...مطل هارد كلم 💔... شلال تروميل باخ ... شلال القس باخ .... مدينة لوزيرن.... بحيرة سوازرسي بعديها مشو فرنسا قضو يوم في نيس واتمشو كتير في باريس واتسوقو وزاروا مدينة ديزني (حنزل ليكم صورة كل منطقة).بعديها سافروا ماليزيا واتلقاهم فهد هناك ... نسمة كانت حاسة بي شوية زهج ومشتاقة لي اهلها بس عمر وفهد خففوا عنها .... وعمر خلاها تنزل في تشتغل في مستشفى ❤.********************************مرت الايام والليلة نتيجة ناس نوران نسمة من الصباح ضربت ليهم .... كلهم كانو متوترين .المؤتمر بدا وقعدو الا نوران كانت فوق في اوضتها وترجف قدرتها 😂.ابوها ناس المكتب كلهم قطعو يجوهو في المكتب كام فاتح التلفزيون وقاعد ... طلع الكرفتة وماسك سبحتو ويسبح .... و حنين و حليم نفس الشي واولادهم .فهد ضرب ليها فهد : الو .نوران : شوف لو عايز تسألني من نسبتي لسا ما طلعت .فهد.: كدي قولي بسم الله ... ما عايز اسألك من نسبتك ... بس عايز اقول ليك اي نسبة تجيبيها خليك حامدة ربك عليها ... وقل لن يصيبنا الا ما كتب الله لنا .... وبعدين انتي ادبية يعني لو جبتي 51 بتدخلي احسن كلية في جامعة الخرطوم 😂نوران : فهد 😠فهد : عيونو 😍نوران : مع السلامة 😒وقفلت الخط في وشو .... فهد وهو بيضحك انا هسه قلت شنو لمن هي هايجة كدا 😂.واحد من اصحابو : يا فهد ياخ ما لقينا قناة السودان دي فهد وهو بيخلف رجلو : فتشو فتشو بتلقوها .الولد : طيب ما تقوم انت تفتش .فهد : ياخ قلت ليكم عندي صداع ما بقدر اقيف ما بتفهمو .واحد تاني : من متين الصداع ما بخلي الزول يقظر يقيف .فهد : من هسي 😒... فتش بي سكات .نوران جات نازلة وهي بطقطق في اصابعها من التوتر ... وبس فجأة يزيعو جود صحبتها 94.3 ... نوران بقت بتنطط وجرت فوق عشان تضرب ليها .نوران : جووووود جود وهي بتبكي قدرتها : نوران انا ما مصدقة .نوران : مبروك يا بقرة عملتيها كيف دي .جود وهي بتتشهق انا زاتي ما عارفة 😭.نوران : ياخ ما تبكي مبروك مبروك ... كدي لحد ما اجيك بعدين .... كانت اصوات الزغاريد عالية من اهل جود في البيت .( عقبالنا 😍)نوران نزلت قعدت تحت ...محمد شغال استر يارب انا عارفها حتجيب نتيجة تفضحنا .... سترك يا ستار .المؤتمر انتهى واخر نسبة اتزاعت 93 .محمد : هاتي رقم جلوسك .نوران ادتو الرقم ...محمد دخل الرقم ... وشوية جاتو الرسالة غطا الشاشة بيدو الخوف مقطعو اكتر منها .... كانو كلهم واقفين وعايزين يسمعو النتيجة .محمد بلع ريقو وعاين للنسبة .نوران بي توتر : اصدمني 😔محمد : 92.9ورما التلفون وبقا ماسكها من راسها وبيهز فيها بي فرح عملتيها كيييييف .... عملتيها كيف يا نوران وارتفعت اصوات الزغاريد العالية الدالة على السعادة ... وشوية بدو الضيوف المباركين يوصلو .فهد ضرب ليها : ها بشري .نوران عايزة تستهبل : 62 😔فهد : والله حلوة يا نوران ... ما تزعلي .... والله في ناس بفتشو عليها فتيش ... مبروك ان شاء الله حتكوني من المتفوقين في الجامعة .نوران وهي بتضحك : بكذب عليك جبت 92.9 😂🎊🎉🎊🎉🎊🎉🎊.فهد : ياخ حرام عليك انا قلبي اتقطع 😂.... احححح ... الف الف الف مبروك ... على فكرة انا كنت متوقعك تجيبي نسبة كبيرة عشان كدا ما كنت خايف ... اسمعيني ازغرد ليك 😉؟ نوران : زغرد 😂فهد : لكن ماف زول يعرف 😂نوران : سمح ما تخاف .فهد : ايووووووي يوووووي يووووي👌👄.نوران : رهيييييب 👏فهد : هديتك حتوصلك قريب .نوران : مستنياها 😋فهد : اها بعد دا حتدخلي الجامعة ... خليك بت محترمة واهدي كدا واستكيني وروقي ... وتاني حركات الثانوي حنخليها حكاية تطلعي من دون طرحة دي تنسيها ... من بكرة انزلي اشتري هدوم حلوة وطويلة سامعاني طوووويلة ومحتشمة وماتنسي الطرح .... وحكاية دا فلان صحبي ودا زميلي ماعايزها انتي بت مخطوبة .نوران : من حيث الهدوم ما تخاف 😌... لكن صحبي وزميلي دي ما بقدر اوعدك 😜 .فهد : نوران 😒.نوران : 😸😸😸😸فهد : طيب بحبك 😍نوران : طيب مع السلامة .فهد وهو بيضحك : طيب بوسة 😘نوران : بسمة تعالي فهد قال ليك بوسة بسمة جات جارية ومسكت التلفون : اممممواااااح 😗😘.فهد : بسوم وحبيبي ياناسو 😍.نوران : يلا مع السلامة الناس مستنياني تحت .فهد : طيب خلي بالك من نفسك مع السلامة 😘.***************************************بعد مرور اسبوع فراس طلب من نوران وجود يقابلوها في واحد من الكافيهات .* طبعا فراس جاب 90.2 لي اول مرة يكون هادئ وجاد لي درجة حيرت جود ونوران .جود : خير مالك جايبنا على ملا وشنا من صباح الرحمن .فراس : جبتو الاساور .* عندهم اساور بيعتبروها رمز لي صداقتهم من زمن الروضة كل سنة بيشترو واحدة ويلموها لحدي ما جمعو كمية كبيرة .نوران : اي جبناهم .فراس : تمو كم ؟ جود : 14 فراس بي ابتسامة : 14 سنة ... ياخ السنين بتجري بي سرعة .نوران : فراس في شنو ؟فراس سكت شوية قبل ما يقول : انا مسافر .نوران وجود : شنو 😳😳😳؟ فراس : حسافر اقرا في اوكرانيا .نوران & جود : ...........فراس : انا عارف اني خيبت ظنكم من حيث اتفاقنا على اننا حنخش نفس الجامعة ونفس الكلية ... بس انا من زمان كان نفسي اقرأ طيران وانتو ما كنتو مصدقني ... انا قدمت في وقبلوني .نوران : مدام حاجة انت عايزها ولي مصلحتك اكيد ما حنزعل 😊.فراس : وانتي ياجود ؟جود وهي بتمسح دموعها : مسافر متين ؟ فراس : بعد اسبوع .جود : ممكن نجي نودعك .فراس : لو ما حتبكو تعالو ... لكن لو حتتبكو فيني ما تجو .نوران وهي بتخت يدها في كتف جود : ان شاء الله ما حنبكي .فراس : مستعدين للتخريج بكرة ؟ نوران : اي 😊بعد يومين كان تخريجهم في المدرسة وكانو بيعرضو صورهم من هم اطفال لحدي صور المرحلة الثانوية وكرموهم وعملو ليهم حفلة .المديرة : في طالبين هنا انا عايزة احييهم بي نفسي على قدر ما جننوني ورفعو ضغطي الا اني كنت متأكدة انهم حيخلوني فخورة بيهم ... فراس عبدالله الحمدابي ونوران حسن عبد العزيز .طلعو في المسرح وهم لابسين روبات التخريج وصفقو ليهم والمديرة اتصورت معاهم.بعديها الدفعة كلها وقفت ناس علمي على ناس ادبي اتصورو ورمو طاقياتهم 🎓🎓🎓🎓🎓🎓 وهم بيصرخو ويصفروا خلاص ودعو الثانوية .نوران لمن رجعت البيت ودخلت اوضتها لقت صندوق هدية 🎁وفوقو كرت مكتوب فيه 💌: الهدية الوعدتك بيها ... بحبك ❤وموقع تحت فهد .فتحتها لقت الكوليكشن بتاع ماك وعطر من كوكو شانيل .... وساعة رولكس ❤.ضحكت وقرت الكرت تاني ... شالت التلفون📱 ورسلت ليهو : شكرا ... الهدية حلوة .مضى اسبوع والليلة فراس مسافر .... جود ونوران جو المطار .اثناء ما بيودعو فيه جود بكت 😢.فراس : جوووود ياخ احنا اتفقنا على شنو .جود : يعني خلاص كدا تاني ما حنشوفك يا فراس .فراس : حاجي راجع طبعا ... كيف حاقعد هناك من غيركم ....مسك يدها هي ونوران : احنا اصحاب من الطفولة وحنفضل اصحاب للأبد ما حيفرق بينا غير الموت .... خلو بالكم على نفسكم واهتموا بدراستكم .نوران : خلي بالك برضو على نفسك ... بتمنى ليك التوفيق .فراس وهو بعاين لي جود اللسا بتبكي ... قعد في الارض بعد مافتح شنطتو ... طلع جكتين . مدا واحد لي نوران وواحد لي جود : هاكم ديل ... كل ماتشتاقو لي البسوهم .... وجود عليك الله ما تبكي .جود ونوران شالو الجكتات ...فراس : يلا اضحكي وقولي لي توصل بالسلامة .جود مسحت دموعها وضحكت : توصل بالسلامة .فراس : باااااي ... اشوف وشكم بي خير .فراس اول مادخل وشو بقا احممممر ومسح دموعو الكان ماسكها بالقوة قدام نوران وجود ... اتلفت وشافهم لسا واقفين ... جرة شنطو وتابع لي جوة .

يتبع.....