نور العين

الجزء 06

الليلة يوم الثلاثاء يوم امتحان مرام الاخير .بدور : يا برتكاااانة .برتكانة : ايوا ماما .بدور: امشي نادي لي مرام .مرام : اصلا انا جيت يا ماما .بدور : تعالي ساعديني عشان اعمل الفطور .مرام : طيب .بدور : امتحانك متين ؟ مرام : بيبدا الساعة 12 .بدور : لا لا خلاص امشي ذاكري امتحانك قرب .مرام : لا لا يا ماما بساعدك .بدور : لا برتكانة بتساعدني .فجأة جاهم صوت نوران : انا بساعدك .لحظة صموت لحظة ذهول لحظة عدم تصديق .... ايوا نوران ياها نوران زاتا عايزة تساعد امها في المطبخ لحظة تاريخية يجب ان تسجل للابد .مرام : نوران انتي كويسة ؟؟؟؟؟ ومشت عليها ولمست جبهتها احتمال تكون محمومة .نوران نزلت يدها من جبهتها : يعني لمن اكون عايزة اساعد بكون ما كويسة ... خلاص خليتو اشتغلي انتي 😒.مرام : لا لا لا خلاص معليش .بدور: نوران تعالي حبيبتي وانتي يا مرام امشي ذاكري .ودخلو المطبخ وفي الوقت داك في وامها جو واصرو انهم يساعدوهم وكلهم قامو بالواجب وزيادة وجهزو احلى اكل .في : برتقالة .نوران : لا ما برتقالة اسمها برتكانة ...قولي ب ر ت ك ا ن ة .في : 😂 طيب برتكانة .برتكانة : ايوا فايا (في) في : نادي الاولاد من فوق .برتكانة طوالي قامت جارية وركبت السلم ...اول شي فتحت اوضة التوأم وبي صوت عالي : بسيمة باسيل ألي ماما قالت اكل انزلي تهت .بسمة : اوووف يا برتكانة خلعتيني .في الوقت داك برتكانة حتى وصلت اوضة محمد لكن المرة دي دقت الباب .محمد : اتفضل .برتكانة مدت راسها براحة من الباب : مهمت ماما قالت يلا اشان اكل .محمد : اوكي جايين .محمد وعمر نازلين لقو التوأم وعلي نازلين .محمد : بسوم امشي صحي فهد .علي : هو متين نام ؟ محمد : قبل اقل من نص ساعة كدا كان صاحي .بسمة طوالي قامت جارية و دخلت لقت الاوضة ضلاااام والمكيف بااااارد .... جرت اقرب كرسي ليها وفتحت النور .بسمة : فهودي فهودي .فهد بنعاس : اممممممم .بسمة : مستنينك تحت عشان الفطار .فهد رفع راسو وغمز لي بسمة : يا بت يا فطار انتي ...خلاص جاي .بسمة والضحكة مالية الوش: يلا ثرعة 😋 .بسمة طلعت بي جاي فهد رما راسو في المخدة بي جاي .بسمة نزلت ولقت الباقيين كلهم مستنيين .محمد : وينو بسمة : قال جاي .مرام : طيب تعالي اقعدي .ومرت 5 دقايق والكل مستني السيد فهد يجي نازل لكن ما جا .محمد : انتي متأكدة يا بسمة انك صحيتيهو ؟ بسمة : اي والله ... وقال جاي .محمد : خلو علي .عمر : جاي معاك .محمد شال ليهو زجاجة موية وطلع ومعاهو عمر .وبعد شوية سمعو صوت فهد بيصرخ : لااااااااا .وشوية كدا جو محمد وعمر وهم جاريين وبيضحكو .بعديهم جا فهد نازل شعرو بينقط موية والتشيرت بتاعو مبلبل كلو .في ومرام وبسمة وعلي وباسل قعدو يضحكو على شكلو .فهد ما عاين ليهم وجا قعد في مقعدو وهو ساكت .منى وهي كاتمة الضحكة : فهد دا شنو الفيك دا .فهد : اسألي ولدك والجمبو .عمر : عشان تاني لمن يصحوك تقوم 😛.منى وبدور ومحمد وعمر فقعوا الضحكة بصوت عالي .فهد بقا بعاين ليهم كلهم بغيظ 😒. عاين لي نوران لقاها برضو بتضحك معاهم وهو زاتو بقا بيضحك معاهم .... وألذ شي برتكانة المافاهمة الموضوع وبتضحك برضو معاهم .بعد ما اكلو وخلصو ... مرام طلعت تكمل مذاكرتها .... فهد طلع يغير هدومو المبلولة.... تلفونو ضرب ابتسم وهو بيرد: ?awwww joney what's up Joney: not much just missed u man... u went to sudan met ur family and forgot me .فهد : not like this bro but I'm just busy Joney : anyway i have asurprise for u فهد : okay show me جوني لفا الكاميرا وكان كل اصحاب فهد متجمعين بنات على اولاد وكانو بيصرخو بي اسمو وبيقولو انهم مشتاقين ليهو ...... المهم فهد اتكلم كتييييير مع اصحابو وبعديها طلع ... وهو ماري بي اوضة التوأم سمع صوت الضحك ... فتح الباب لقاهم اخر وناسة فاتحين فيلم كرتون بتاع مصباح علاء الدين السحري وخاتين جمبهم الليز والبيبسي ونوران كانت قاعدة معاهم .فهد : والله فالين جد جدها .بسمة : فهد تعال اقعد معانا .فهد : طوالي .وقعد في الارض جمب نوران ....... نوران وهي مركزة مع الفيلم مدت ليهو كيس ليز .فهد : شكرا نوران : عفوافهد ياكل شوية ويعاين لي نوران شوية .... علي وشلتو زحفو قدام خلوهم ورا براهم .نوران لقت فهد بعاين ليها فقالت : بسم الله مالك بتعاين لي كدا .فهد بي ابتسامة : بتحبي افلام الكرتون .نوران : شديد بس في افلام هبلة ما بحبها .فهد : الفيلم دا كرهناهو انا وعمر في طفولتنا ... في كانت بتحبو شديد واليوم كلو بتكون مشغلاهو وانا ومحمد لمن نفتح افلامنا بتبكي فبيجي دكتور حيدر يقفل لينا افلامنا ويشغلو ليها هي حضرتها .نوران:😂 يا حليلكم يعني اليوم كلو بيكون شغال فيلم واحد ؟فهد : اتخيلي .... ولو حاولنا نغيرو ليها بنكون مهددين بالعقاب وما اسوء العقاب .نوران : بيعاقبوكم كيف ؟ فهد : انا مرة اتغظت منها شديييييد كان عمري 12 سنة وفي عمرها 8 سنوات قمت طلعت الاسطوانة بتاعتها وكسرتها نصين واديتها ليها في يدها ... وهي صرخة واحدة امي وابوي طوالي جو .... اول شي شالو مني العاب الفيديو كلها ومنعوني شهر كامل ما اطلع لي اصحابي بس من المدرسة للبيت ومن البيت للمدرسة دا غير مصروفي القللوهو لي لي نصو .نوران وهي بتضحك : 😂😂😂 عشان هي البت وكدا .فهد : اي .علي : هوي يا اي انت الفيلم انتهى ممكن تتفضلو تطلعو بره .فهد وهو ضاغط على اسنانو : علي ورقة شفرة 😒 علي : لا لا خليك قاعد ماف داعي تتعب نفسك ممكن احنا عادي نطلع ليك من الاوضة ولو عايز من البيت كلو كمان .نوران في نفسها : يا ربي ورقة شفرة دي شنو ؟؟؟؟فهد : اشكال ما بيجي معاها الا التهديد 😏.... اصلا انا طالع عشان تستريح .فهد شال الليز وطلع وبعديهو برضو نوران طلعت .الاولاد كانو في اوضتهم وفجأة الباب اتفتح جو احمد و كرم داخلين جارين شنط وشايلين شنط ضهر .محمد : دا شنو عايزين تعسكرو عندنا ولا شنو .فهد : لا ديل شكلهم مطرودين 😂 من بيوتهم .(طبعا هم جو عشان بكرة مسافرين بورتسودان) ***************************************عند البنات جات ترتيل داخلة ووراها تهليل اختها الكبيرة والبنات كلهم جرو للتوأم الشايلاهم .... وعند الاولاد الصغار جات رنا وكلهم جوها جاريين ♡♡♡♡.بعد ما مر الوقت ومرام خلاص رجعت من الامتحان ... ونسمة رجعت من المستشفى ...... جهزو الغدا وقعدو كلهم في الصفرة كانت لما عامرة وحلوة واحدين مهتمين بالاكل وما بيتكلمو عارفنهم انتو طبعا 😂... وواحدين مراقبين بصمت .... والبعض الاخر بيستهبل وبينكت .ترتيل قعدت جمب فهد (احيييي يا قلبي من الخفة واللفة ) ...سمعت كرم بيقول لي عمر اتخيل نوران هي العملت الشوربة ... وابتسمت بي خبث وشربت من الشوربة وبعديها قامت تكح لمن خلعت الناس كلها .ترتيل بي قرف وهي بتكح : الشوربة .... الشوربة كعبة .... كعبة شديد دا شنو القرف دا .... دا منو الحيوان العملها دا .... اكيد برتقالة الحبشية .فهد وهو مادي ليها كباية الموية : ما للدرجة دي .ترتيل وهي ماسكة بطنها كأنها حترجع : للدرجة دي واكتر لازم تطردو الشغالة دي .نوران بي هدوء : انا العملتها .ترتيل : اهاااا ما تقولي كدا من البداية .... انتي اصلا يا نوران يا حبيبتي ما بتعرفي تعملي حاجة ... معليش ما تزعلي مني بس دي الحقيقة شوربتك مأساوية .علي بي غيظ : والله انتي الحالتك مأساوية على الاقل هي عملت الشوربة انتي عملتي شنو ؟؟؟ وبعدين الدلع الزايد عن حدو دا مقرف زي ما انتي شايفة الشوربة مقرفة 😒 (راضية عنك دنيا واخرة يا علي يا ود حيدر )في بصوت خافت : علي عيب دا شنو البتقول فيهو دا .محمد في محاولة منو لتغيير الموضوع : يا جماعة انحنا بكرة حنسافر بي عرباتنا ولا بي بص .احمد : حنمشي بي بص سياحي .فهد : طيب ما نمشي بي عرباتنا .احمد : حتقدر تسوق 12 ساعة ؟؟؟ وبعدين احنا ما بنعرف الطريق ... دا غير انو حنستمتع لمن نكون كلنا في مكان واحد .رنا : ماما لي ما نسافر بالطيارة ؟؟؟ حنين : بالبص حنسمتع اكتر بالمناظر الحلوة زي الجبال .بعد ما خلصو اكلهم طلعو كلهم الحديقة والاولاد عايزين يلعبو كورة ... البنات كلهم قعدو مشجعين الا واأااااحدة 😂😂😂 اي نوران محشورة في نصهم .عمر : نوران خلي بالك الاولاد ديل بيرموك .ناس كرم ومحمد واحمد قعدو يتلفتو ويعاينو لي بعض كرم : انت بس ماعارف حاجة يا معلم .احمد : مفروض تحذرنا نحنا منها مش هي مننا محمد : دي اللعب معاها زي الجهاد في سبيل الله ... يعني عادي تطلع عندك تمزق في الاربطة ، تطلع يدك مكسورة اي حاجة متوقعة .باسل : هوي لو نوران لاعبة انا ماعايز معاكم .عمر وهو مخلوع : صحي يا نوران .نوران : والله يعني هم كدا .... يعني بس كدا .... ماعارفة اقول شنو بس بيخافو مني .فهد وهو جاي عليهم : يا جماعة يلا حنقضيها كلها كلام انتبه لي نوران .... قال بي خلعة : انتي لاعبة معانا ؟ نوران : اي 😌 فهد : متأكدة ... بعدين تقومي تقعي ولا تجيك حاجة محمد : ما تخاف عليها يا صاحبي خاف على نفسك .اتقسمو فريقين فهد واحمد وكرم و حسن وبعد حنييييس باسل دخل معاهم (باسل خايف من نوران 😂)والفريق التاني : الكابتن نوران ( الله اكبر ) ومحمد وعمر وحيدر وعلي .حليم كان الحكم وبدت اللعبة #استبيان:منو اكتر 3 شخصيات حبيتوهم ؟؟؟

يتبع......