الحلقه الرابعه خد ميدو رقم مامت مريم ومشى ومريم رجعت طايره من الفرحه ونسيت تجيب الحاجه لمامتها اول ما دخلت سمعت صوت مامتها "مريييييييييييييييييييييييييييييييييييييييييييييم انتى مجبتيش الحاجه " "امممم اصل اصل اصل ........" "اصل ايه اومال انتى نزلتى عملتى ايه وجيتى وانا هعمل ايه دلوقتى " "يا مامى من غير لف ودوران وبكل وضوح " "انتى هتخطبى قولى " "بظبط كده " "بظبط كده ايه يا بنتى هتجننى انا رايحه اكلم السوبر ماركت " "يا مامى اسمعينى " "قولى عايزه ايه " "انا متقدملى عريس وانا وفقت "ايموشن :d مامتها واقفه ومافيش اى تعبير على وشها "طب وده ايه علاقته بأنك مجبتيش الحاجه برضه " "احم احم يا مامى بقولك متقدملى عريس حاجه ايه وبتاع " مامتها سابتها وراحت تكلم السوبر ماركت مريم فى نفسها (ايوا يبقى انا مجبتش الجنان من بره مامى مجنونه ههههههههههه) بعد ما ناهد قفلت "ها يا مامى هتسمعينى ولا ايه ؟" "اسمعك ايه يا بنتى عريس ايه ده وعرفتيه امتى ؟" "معرفتوش هو شافنى فى السوبر ماركت وطلب منى الجواز وانا وفقت " "طب يا حببتى مبروك وابقى روحى اعملى الهانى مون فى قسم الالبان او قسم المعلبات ده بيقولو فى تكيف " "يا مامى انتى بتتريقى عليا ليه دلوقتى طب قبليه بس وحياتى عندك ده ميدو ده والله كويس اوى " "ميدو ؟؟؟!!!!!!! ده اسم ده ولا كيس شيبسى " "اعععععععععععععععع ونبى يا مامى قبليه اهئ اهئ اهئ " "خلاص اقفلى بوئك ده هقبله " "هيييييييييييييييييه حببتى يا مامى يا حلوه يا مزه يا قمره موووووووووووووه هو هيكلمك انهارده " ومشيت وسابتها "هو باباه بيشتغل ايه ؟" مريم وقفت ومش عارفه تلف ولا تعمل نفسها مش سامعه "مريم سمعتنى ؟" (يادى النيله اقول ايه انا دلوقتى )"اممممم معرفش يا مامى بس هو شكله استيل وابن ناس يعنى " "طب بيشتغل ايه ؟" (مش هنخلص انا احسن حاجه اهرب )"مامى الجو حر اوووى انا هروح اخد شاور وهاجى بسرعه باى " وجريت مريم وممتها واقفه "مجنونه واكيد هتجبيلى سواق ميكروباص انا عارفه " بعد شويه موبيل ناهد بيرن (كلمه حلوه وكلمتين حلوه يا بلدى ...................) "الو " "الو حضرتك مدام ناهد مامت الانسه مريم "(ايوا كده يا واد يا ميدو يا سلام عليك وانت محترم ) "ايوا انا مين معايا " "انا ميدو هى مريم مكلمتش حضرتك عليا ولا ايه ؟" "اه اه كلمتنى انت اسمك ايه ؟" "ما قولت لحضرتك ميدو " "لا اسمك الحقيقى " "اه اه احمد " "انت شغال ايه يا ميدو " "انا فاتح كافيه حضرتك عارفه كافيه قمرايه اللى على اول الشارع " "اه عارفاه " "اهو ده باءه بتاعى "(اكيد طبعا هتتوهم ) "كافيه ؟ اه اه " (ايه القفله دى بس ) "وانت عندك شقه " "اها طبعا عندى شقه هنا فى المعادى " "اممممم طيب انا هستناك يوم الخميس ان شاء الله مع السلامه " تيت تيت تيت (ايه الست التنكه دى لما نشوف اخرتها معاكى يا مريم ) قفلت ناهد ونادت على مريم "مريييييييييييييييييم " "ايوا يا مامى فى حاجه ؟" "احمد كلمنى " "احمد مين " "ميدو يا حببتى " "بجد يا مامى كلمك " "اه ولسه قفله معاه وحددت معاه معاد يوم الخميس " "بجد يا مامى طب واحنا هنعمل ايه دلوقتى انا هنزل اشترى طقم جديد وطبعا لازم نجيب جاتوه وابعتى لأم حسين تجى علشان تنضف الشقه ايه رأيك نجيب طقم كاسات جديد ..............." "يا بنتى حيلك حيلك اهدى كله هيبقى تمام "وقربت منها ومسكت وشها بأديها الاتنين "كبرتى يا مريومه وبقى بيجيلك عرسان يا حببتى "وعنيها دمعت "خلاص يا حببتى انتى بس بتدمعى ليه دلوقتى ما انا اعده اهو وبعدين لو مش عايزنى ابعد عنك خلاص نرفض ميدو ايه رئيك " "يا سلام عايزنى ارفضه " "بصراحه لاء بس لو ده هيخليكى تبقى مبسوطه معنديش مانع " "هههههههههههههه ربنا يخليكى ليا يا حببتى بس انا كمان عايزكى تتجوزى يا مريومه واشوفك احلى عروسه " سندنس دخله على المشهد الدرامى العاطفى ده "احم احم اجيب نخله واتنين بلح بالبن ولا ايه " مريم وناهد"هههههههههههههههههههههههههههههههههههه" مريم "شوفتى يا سندس ميدو كلم ماما وماما حددت معاه معاد يوم الخميس " "لا بجد مبرووووووووووووك يا حببتى اه علشان كده مامى بتعيط علشان بنوتتها الصغننه هتبعد عنها ولا كأنى موجوده " "بس يا لمضه انتى كمان ده انتو الاتنين عنيا اللى بشوف بيها ربنا يخليكو ليا وحضنتهم هما الاتنين " ................................... "مامى بصراحه كده اوفر يلا يا سندس علشان نروح نشترى شويه حاجات علشان يوم الخميس " "اوك يا مزه يلا بينا " نزلت سندس ومريم علشان يشترو هدوم وحاجات لمريم مريم وسندس وهما بيلفو سندس "خلاص باءه يا مريم رجليا بجد ورمو وتعبت اوى انا كنت راجعه من الشغل ونزلت ع طول " "طب خلاص يا سندس علشان خطرى اخر محل بس " "لا لا مش قادره طيب بصى تعالى نعد نتغدى فى اى مكان وبعدين نكمل انا جعانه اوى " "وانا كمان " "طيب يلا بينا " دخلت سندس ومريم مطعم تيك اوى معروف علشان يكلو ويرتاحو سندس وهى بتاكل "مبسوطه يا مريم " مريم بطلت اكل "ايه السؤال الغريب ده يا سندس " "يعنى انا حاسه انك مبسوطه بس مش علشان اكيد بتحبى ميدو يعنى انا حاسه انك مبسوطه علشان بس الحوار الخطوبه وان جيلك عريس وكده " "بصى يا سندس منكرش ان كلامك فى جزء كبير صح بس انا كمان مش عارفه ليه حاسه ان ميدو ده حد كويس ومحترم وانه هيسعدنى وهيعوضنى " "اهو ده بظبط اللى خايفه منه " "هو ايه ؟" "ان يكون كل اللى همك ان تنسى عمر بحد تانى " "لو عايزه اعمل ده ما كنت ارتبط من زمان الموضوع بقاله سنه منهتى وعمر خلاص انا انتهيت منه شخصيا منكرش انى حبيته اوى بس هو اللى ضيع حبى لي بخيانته " "انا خايفه عليكى يا مريم " "متخفيش يا سندس انا سايبه الموضوع على ربنا خالص وان شاء الله لو فى ميدو خير ربنا يكتبهولى " "يارب يا مريم " "بس تعرفى انا فعلا مش عارفه ليه مشدوده اوى لميدو كانى عمرى ما ارتبط ولا حتى عمر حد قالى انه معجب بيا " "ههههههههههههههههه والله ضحكتنى يا مريم " "انا كمان مستغربه اوى والله " "الحمد لله انا خلصت اكل هنقوم نكمل باءه " "انتى مش كنتى تعبانه وعايزه تروحى " "لا ما انا خلاص كلت وبقى عندى باور هههههههههههه" "طب يلا بينا " وميدو نزل هو واسلام كمان علشان يشترى طقم كلاسيك مش هينفع يروح يقابل مامتها بالجينز اسلام "خد قيس البنطلون ده " "لا لا مش عجبنى " "يا ابنى قيس وانت ساكت انت عمرك لبست كلاسيك " "لا يعنى انت اللى عمرك لبسته " "لا برضه بس انا زوقى حلو " "طب يا عم هات " دخل ميدو يقيس البنطلون "الله يخربيتك يا اسلام " اول ما خرج اسلا مات على نفسه من الضحك "انت شكلك عامل كده ليه ههههههههههههههههههههههههههههه" "يعنى انا دلوقتى اضربك ولا اعمل ايه " "خلاص خلاص معلش ونبى اخر حاجه هقولهالك خد البنطلون ده وهيعجبك اوى " "بس ياض انت حمار على فكره انا اللى هنقى وانت تسكت خالص " دخل ميدو وقاس الطقم اللى نقاه وعجبه واشتروه "بس تصدق شكلك حلو فى الكلاسيك " "ايوا طبعا انا طول عمرى مز " "كله علشان ست مريم اللى خوتنا بيها " "طب والله ما اعرف عملالى ايه تصدق انى حتى مش ببص على اى بنت مش عارف انا ليه حببها كده " "والله يا ميدو دى حاجه بيبقى ربنا حطتها فى قلبك " "ايوا وهو ده الحب " "هههههههههههههههههههه يكونش ده الحب " "يكونش دى تبقى خالتك على فكره " "لسان اهلك الطويل ده " "ههههههههههههههه وربنا انت متخلف " "هات حضن يا واد انت علشان انا مبسوط ليك " واعد يغنلو فى الشارع "يا عريس يا عريس يا عريس " "هههههههههههههههههههههه عقبالك يا اسلام " "لا لا انا لسه بدرى عليا " "ما انا كنت بقول زيك مسيرك هتقع زى كده " "ما يقع اللى الشاطر يا مان " "ماشى يا ماو انا هطلع باءه وهبقى اكلمك بكره وانا رايح علشان تدعيلى " "ربنا معاك يا صحبى " يووووووووووووم الخميس جه اخيرا مريم فى اوضتها بتلبس هو وسندس وناهد فى المطبخ بتحضر اللى هيتقدم تن تن تن تن مريم "ميدو جه ميدو جه ميدو جه " "بس يا عبيطه الميك اب بتاعك هيبوظ " "اه صحيح ههههههههههههههههههههه " ناهد فتحت "اهلا وسهلا " ميدو دخل هو عائشه ممته وناهد قالتلهم عن ازنكو ثوانى عائشه "والله بيتهم شكله شيك ومامتها شكله ست محترمه شكلى كده هوافق يا ميدو " "مش قولتلك يا ماما يلا ربنا يسهل " "مريم يلا علشان ميدو وصل " "ايه رئيك فيا يا مامى " "زى القمر يا حببتى " "انا هطلع اعد معاهم ولما انديلك تجيبى الصنيه اللى فى المطبخ اوك " "اوك" خرجت ناهد اعدت مع ميدو وعائشه "اهلا وسهلا " "اهلا بيكى يا مدام ناهد " "لا لا مدام ايه باءه انا ناهد ع طول كده " "وانا عائشه " "اهلا وسهلا " "وده ميدو ابنى هو اسمه احمد بس من وهو صغير بنقوله يا ميدو فا مبقناش نقوله يا احمد خالص " "ما مريم لما قالتلى ميدو انا استغربت بصراحه " "اصل يا طنط فعلا محدش بيقولى يا احمد فى ناس صحابى فعلا مش عارفين ان اسمى احمد بس لو حضرتك عايزنى ابقى احمد ع طول انا معنديش مانع " "ههههههههه لا يا سيدى ميدو ميدو اهم حاجه انك انت ومريم تتفقو مع بعض وربنا يسهلكو الامور " "ان شاء الله " اثناء الحديث ده سندس ومريم فى المطبخ "ايه يا سندس الصنيه الكبيره دى انا هشلها ازى " "معرفش والله يا بنتى " "طب ما تشليها انتى " "وانا مالى هو انا العروسه يلا باءه اجمدى كده " "ماشى يا ندله يااااا قوى " شالت مريم الصنيه بصعوبه ودخلت بيها الصالون اول ما عائشه شافتها "بسم الله ما شاء الله ايه الجمال ده عروستنا زى القمر " مريم بتبتسم ومش عارفه ترد من كتر ما الصنيه تقيله جت تقدم لمامتها "لا يا حببتى قدمى لطنط عيشه الاول " لفت لطنط عيشه "اتفضلى يا طنط " "هو فى فرق بينى وبينك يا ناهد ده احنا بقينا اهل " "واكتر من اهل ان شاء الله " ومريم واقفه والصنيه تقيله وفاااااجئه
