عاشقة والمجنون

البارت 1

مهند: شهد وتالي يعني صارلنا 5 سنين نحب بعض وابوج معاند كل ما اتقدملج يرفض فهميني شسوي راح اتخبل

شهد: مهند اني ما بيدي شي ابوية خلص راح ينطيني لابن عمي لان تعرف ابن عمي ضرغام نهى علية وبعد منكدر نوكفهم

مهند: اني ميمشي عندي هذا الكلام انتظرتج 4 سنين لحد ماخلصتي كلية واتفقنا اذا اهلج عارضوا ننهزم ونتزوج بعد انتي ليش خايفة

شهد: الحجي مو مثل الفعل مهند اني خلص انقرت فاتحتي بعد وانتهى الحياة بالنسبة الية الله يخليك لتحاول تندك بأهلي لان يأذوك والله

مهند: احتركوا اهلج واحد واحد مثل ماحركوا كلبي شوفي شهد اني عندي حل واحد اذا يرضيج وصدك تحبيني وتردين تنهين حياتج وياية اتصلي بية وافهمج هسة اني رايح

شهد: مهند.. مهند.. فهمني شنو السالفة وين رايح يمعود اووووف

شهد: اسمي شهد خريجة كلية طب وحاليآ اني دكتورة بمستشفى الامراض العقلية
بعيدة كل البعد عن البشر اخاف اختلط بس عندي صديقة وحدة جدآ مؤدبة اتعرفت عليها بالكلية وكملنا سوة ولحسن الحظ اتعينا بنفس المستشفى اسمها رؤيا
شكلي مقبول بيضة عيوني سود شعري اشقر غامق طويل وكيرلي ضعيفة طولي متوسط من عائلة غنية جدآ افراد عائلتي كلهم واصلين والهم مراكز مهمة بالمجتمع عندي اخت كبيرة متزوجة دكتورة اسنان واني الصغيرة امي متوفية والدي ع قيد الحياة مهندس معماري

مهند: اسمي مهند دكتور قلبية حبيت شهد وتعرفت عليها بالكلية واستمر حبنا من اول مرحلة لحد متخرجنا طلبتها اكثر من 5 مرات وابوها رفضني عندي اخ واخت مستشهدين وحاليآ الوحيد لامي والدي متوفي كاعدين اني وامي بالبيت
متوسط الطول شكلي حلو مرتب وانيق
الحالة المادية جيدة والحمد لله...

اويلي منج ياشهد لعبتي بية طوبة هسة شلون احلها ياربي

شهد: خلي ادك اشوف هذا المجنون شيريد بالضبط وشنو قصدة
دك الجهاز رفضة ورجع دك علية فتحت خط
الو ها هنودي شلونك

مهند: بعد وكت هسة اتذكرتي واتصلتي

شهد: تدري بية ماعندي وقت فراغ بالدوام

مهند: اي ادري بيج

شهد: اي حبيبي فهمني شجنت تقصد بكلامك اليوم

مهند: انتي موافقة ع ابن عمج

شهد: شنو هل سؤال هذا طبعآ لا وانت تدري شكد احبك وشكد حاربت ورفضت بس ماكو فايدة من ابوية واني بالنهاية ابنية واخاف اسوي شي وانزل راس اهلي ومجبورة ع ضرغام صدكني

مهند: لعد هو حل واحد ماكو غيرة

شهد: كول شنو الحل

مهند: يمكن الفكرة مجنونة بس مع هذا اني ما راح اخلي غيري يتهنى بيج ولا راح اخلي احد غيري يفوز بيج