احمد: خير شصار البارحة
رأفت: هسة اسولفلكم
سجاد: سولف عيني سولف
رأفت: البارحة انتو من رحتوا حاولت اتقربلها اتهجمت عليها ما اشوف ألة واحد ضربني ع راسي وكعلي دك بوكسات بعدها ماحسيت ع نفسي ألة اليوم الصبح
سجاد: منو يندل المكان غيرنا
رأفت: مهند
سجاد: شنو جان مراقبنا
رأفت: الظاهر هيج
احمد: احنة من رحنا للمستشفى اليوم شفنا هاي البنية واكفة ويمها مهند وكاللنا نبلغك...
سجاد: اششششش هي وكتها بشنو تريد تبلغة
رأفت: شكو احجوا شتبلغوني
سجاد: ماكو شي خوية انت ارتاح ويصير خير
رأفت: ما انسالكم هالمعروف وان شاء الله من اطلع حقكم انطيكمياه وزيادة
احمد: لا خوية هو انت شحصلت حتى تنطينا حقنا
سجاد: كلشي منريد غير سلامتك
رأفت: لا اني تعبتكم وياية ولازم انطيكم حقكم
سجاد: دكوم بالسلامة هسة وبعدين نتفاهم
رؤيا: حضرت نفسي وطلعنا اني ومهند لمركز الشرطة
مهند: يلة عيني اتفضلي اصعدي
رؤيا: اي اعرف قابل منتظرتك تكولي لو ماعرف اصعد
مهند: لا العفو انتي الكل بالكل
رؤيا: شكد مستفز..
صعدنا وحرك السيارة وصلنا لمركز الشرطة بالباب فهمني مهند شنو احجي
مهند: باعي تكليلهم بالتفصيل شنو صار من بدة يضايقج ويتعرضلج ومن دخل سجاد ع اساس انو هو مختل عقليآ وخدروج واخذوج لذاك المكان وحاول يتحرش بيج
رؤيا: ماشي ماشي
مهند: يلة فوتي
طبينا للمركز دخلونا ع الضابط..
السلام عليكم
الضابط: عليكم السلام
مهند: سيدي احنة عدنا شكوى
الضابط: كول عليمن عندك شكوى
مهند: رؤيا احجيلة للضابط
رؤيا: سيدي اني دكتورة اداوم بمستشفى الامراض العقلية اكو دكتور وياية صارلة فترة يضايقني ويحاول يتحرش بية
الضابط: زين بنتي كملي
رؤيا: قبل ايام اجوي اثنين اشخاص ع اساس انو واحد منهم مختل عقليآ الدكتور رأفت هو اتولى الموضوع واشرف ع حالتة واجرالة الفحوصات الروتينية بعدها طلب مني اني اتابع حالتة وقبلت
الضابط: رأفت منو
رؤيا: الدكتور ألي ديحاول يتعرضلي
الضابط: جيد كملي
أنت تقرأ
عاشقة والمجنون
Romanceبحبك ابدأ واجن وبحب اخرى اشفى من جنوني وانتهي.. قصة حب من نوع اخر قتل حبيبته حفاظآ ع حبهما وجن جنونه ولقي حتفه في مشفى المجانين ليشفى ع يد من سرقت قلبه مجددآ
