مهند: اخذ راحتك وانت من اهل الخير.
فكرت بالموضوع صفنت شنو ألي ديصير لهل درجة رؤيا متأذاية بغيابي لهل درجة واضحة عليها معالم الحب معقولة ألي كالة دكتور حسام صحيح معقولة رأفت رجع انسان طبيعي معقولة رؤيا انجبرت تتنازل عن الدعوة ودكتور حسام جابرها اوووف ما اعرف شلون اتصرف..
ظليت افكر طول الليل لحد ماطلع الصبح اتصلت بدكتور مازن ودكتور اسامة التقينا بحديقة.
دكتور مازن: كول مهند شبيك جبتنا لهنا ومتوتر وضايج شنو الموضوع
مهند: اريد ارجع للعراق
دكتور اسامة: تحجي صدك من كل عقلك ليش وشنو السبب ضجت اهنا التعامل محلو الوضع معاجبك لو شنو يمعود ترة احنا اتعذبنا لحد ما وصلناك لهذا وضعك شنو سالفتك انت
مهند: بالعكس الوضع حلو والنظام حلو والاجواء حلوة واشكر جهودكم ومقصرتوا بس اني ما اكدر ابقى اكثر اختنكت اريد ارجع لبلدي
دكتور مازن: ما اعرف شكولك بس شنو هالتغير المفاجئ
مهند: ارجع وتجيك الاخبار
دكتور اسامة: استهدي بالرحمن مهند ترة والله اذا رجعت تخسر
مهند: ما اكدر ابقى اكثر عندي هواي امور اريد احلها
دكتور مازن: زين اكو مقترح ثاني روح شهر وارجع متكدر تحل امورك بهذا الشهر
مهند: ما اعرف كل ألي اريدة ارجع للعراق بأسرع وقت
دكتور اسامة: زين روح شهر ع كولة دكتور مازن حل امورك وارجع ها شتكول
مهند: زين ميخالف بس ضبطولي الوضع اريد ارجع بأسرع وقت
دكتور اسامة: زين دكللنا شبيك شجاك
مهند: مو هسة تعرفون
دكتور مازن: عمي ميخالف نضبطلك الوضع وان شاء الله خير
مهند: الله ليحرمني منكم..
عفتهم ورجعت للشقة مالتي لملمت غراضي وملابسي ورحت للمستشفى حجيت وية رئيس الاطباء وضبطتلي اجازة شهر
رؤيا: ما الي واهس بأي شي اعتبرت نفسي ميتة اساعد بس مو لاكية احد يساعدني المهم بدلت ورحت للمستشفى بية مابية دخلت للمستشفى اسحل بروحي سحل وعيوني وارمة من البجي اباوع ع دكتور حسام ورأفت واحد يباوع للثاني ويبتسمون.
صباح الخير
رأفت دكتور حسام: صباح النور
رؤيا: دكتور اريد البحوث مال الشهر الفات
دكتور حسام: اي تعالي وياية للمخزن وانطيجياهن
رؤيا: اوكي . شلونك دكتور رأفت
رأفت: اذا انتي بخير اني بخير
رؤيا: اني مو بخير
رأفت: لتديرين بال هانت كلها فترة بسيطة وترجعلج ضحكتج
أنت تقرأ
عاشقة والمجنون
Romanceبحبك ابدأ واجن وبحب اخرى اشفى من جنوني وانتهي.. قصة حب من نوع اخر قتل حبيبته حفاظآ ع حبهما وجن جنونه ولقي حتفه في مشفى المجانين ليشفى ع يد من سرقت قلبه مجددآ
