مهند: اني حجيت وحجايتي متصير اثنين هسة روحي شوفي شغلج واتصل عليج ب 9 الصبح ماشي
رؤيا: اوووف منك ومن عنادك ماشي
مهند: لمصلحتج غير نتأكد خاف لا سامح الله اكو اشكال
رؤيا: شكو قابل صدكني ماكو شي
مهند: مع هذا لازم نتأكد
رؤيا: ميخالف افتهمنا
مهند: لا والله فوكاها مقابلة
رؤيا: ههههه لا قابلة وامري لله
مهند: عبالي..
يلة عيني اخذي راحتج
رؤيا: اوكي دكتور بيباي
مهند: بيباي
رؤيا: كعدت عدلت نفسي كدام المرايا رتبت ملابسي وطلعت اتمشى بممرات المستشفى صادفني دكتور حسام
دكتور حسام: اهلآ رؤيا تعالي اريدج
رؤيا: خير دكتور صاير شي
دكتور حسام: امشي وتمشي وراية رؤيا..
لا ماكو شي بس حبيت احجي وياج بموضوع
رؤيا: خير دكتور موضوعيش
دكتور حسام: دخلنا للغرفة..
سدي الباب واستريحي
رؤيا: صار..
اتفضل دكتور
دكتور حسام: مو من حقي اتدخل بس حبيت اطلب منج طلب
رؤيا: اتفضل دكتور
دكتور حسام: تتنازلين عن الدعوة
رؤيا: مفهمت اي دعوة
دكتور حسام: الدعوة ألي رافعتها ع دكتور رأفت
رؤيا: وكفت ع حيلي وافرك ايد بأيد..
ليش دكتور شنو ألي صار انت كلش زين تعرف دكتور رأفت شكد أذاني وحاول ياخذ شرفي مو بهل سهولة اكدر اتنازل لازم يعرف غلطة ويتندم ويحسب حساب لتصرفاتة
دكتور حسام: اعرف طلبي صعب ومو من حقي واعرف مضايقاتة الج بس مع هذا اتمنى انو تتنازلين
رؤيا: لا دكتور اعذرني مستحيل اتنازل
دكتور حسام: واذا اكولج لخاطر المرضى ولخاطر اهلة ولخاطر مكانتة و وظيفتة
رؤيا: اوووف الله يخليك دكتور لتحاول وياية اني لازم اعاقبة ع افعالة وياية
دكتور حسام: رغم كل سلبياتة بس يبقى عنصر مهم بالمستشفى وعندة مرضى بحاجة الة..
ع العموم اني ماريد اضغط عليج بس اتمنى تفكرين بالموضوع وبكيفج بعد
رؤيا: ماشي دكتور استأذن..
فتحت الباب وطلعت ضجت دكتور حسام حطني بموقف صعب وحساس ظليت حايرة بين كرامتي وبين انسانيتي اني اتمنى يتعاقب وياخذ جزائة حتى ارجع كرامتي وحتى يعرف اني مو سهلة ومو رخيصة وبين انسانيتي تجاة هل مرضى ألي محتاجي وألي ما الهم ذنب..
رحت كملت شغلي واني كل تفكيري صار بطلب الدكتور حسام صار الصبح ساعة 8:45 رحت اتريك واستراح شوية دك جهازي
الووو اهلآ مهند
أنت تقرأ
عاشقة والمجنون
Romantiekبحبك ابدأ واجن وبحب اخرى اشفى من جنوني وانتهي.. قصة حب من نوع اخر قتل حبيبته حفاظآ ع حبهما وجن جنونه ولقي حتفه في مشفى المجانين ليشفى ع يد من سرقت قلبه مجددآ
