عاشقة والمجنون

البارت 2

رؤيا: دخلت للمستشفى اتمشى بالممرات سمعت صوت رصاص جاي من غرفة استراحتنا ألي المفروض شهد ومهند متواجدين بيها حتى يتشاوفون دخلنا اني وبعض الاطباء دفعنا الباب مقفول احد الدكاترة كسر القفل ودخلنا المنظر يفزع
شهد ومهند متفايضين بالدم انجن جنوني معرفت شلون اتصرف نقلناهم لغير مستشفى دخلوهم غرفة العمليات شهد اتوفت صديقة عمري واقرب صديقة الي اليوم غادرت الحياة بجيت تذكرت كل ايامنا الحلوة اتصلت بأبوها مهند حالتة خطرة ظلينا ننتظر طلعوا من غرفة العمليات نقلوه للعناية المركزة دخت اني وبقية الدكاترة الحادثة مبهمة منعرف شلون صار الحادث وليش. اتصلوا علينا من المستشفى انو الشرطة متواجدة بمكان الحادث للتحقيق بالموضوع ظلينا متواجدين لحد ما وصلوا اهل شهد ابوها واختها بعدها شرحوها وعرفوا سبب موتها الانتحار سوولها شهادة وفاة اخذوها اهلها حتى يكملون بقية الاجراءات بعدها ب 3 ايام خلصت الفاتحة كمت اتردد ع مهند للمستشفى حتى اعرف منة شنو الصار اتحسنت حالتة اجراءات التحقيق مازالت مستمرة

رؤيا: دكتور نزار ممكن ادخل للمريض مهند حابة اشوفة

دكتور نزار: ممكن عدت مرحلة الخطر بس الكلام الزايد ممكن يرهقة راح انطيج 10 دقايق فقط

رؤيا: مشكور دكتور
دخلت مهند نايم كعدت كبالة
احم احم مهند انت كاعد ممكن اسألك كم سؤال

مهند: حسيت احد دخل علية بس ماعرف منو سمعت صوت رؤيا صديقة شهد انداريت عليها.
اي كاعد اسألي

رؤيا: انت تتذكر شنو صار لو ل

مهند: رؤيا شهد وين خوما ماتت

رؤيا: دمعت عيني ماعرف شجاوب
اي ماتت

مهند: اهنا فقدت الشعور لو الله ماخذ عمري ومخلصني ولا هذا العذاب شراح اكدر اتحمل فراك اعز انسانة ع كلبي راح اتحمل ذنب روح اخذها الموت بسببي لو عذاب اهلها
ظليت اصرخ يارب اخذني مثل ما اخذت شهد لتبقيني عايش بعذاب كل يوم اموت الف موتة

رؤيا: صارت عندة حالة هستيرية حاولت اتلافا الموضوع بما انو هذا اختصاصي كدرت بطريقة ما اهدي وافهم منة شنو الصار بالضبط
مهند اهدأ وسولفلي شنو الصار

مهند: شهد ماتت شسولفلج بعد

رؤيا: لتخاف دمها مراح يروح هدر اجراءات التحقيق مستمرة

مهند: رؤيا بسببي راحت شهد

رؤيا: شنوووو انت شدتحجي فهمني شنو الصار شهد ليش انقتلت ومنو قتلها

مهند: اني طلبت منها ننتحر اثنيناتنا لان ماكدامنا غير طريقة نحافظ بيها ع حبنا بالبداية اتزوجتها ع سنة الله ورسولة جان المفروض اني اقتلها واقتل نفسي بس اخذت المسدس من ايدي صوبتني بالمكان الخطأ وقتلت نفسها

رؤيا: الله ينتقم منك لك انت شنو من بشر شلون تفكر بهيج شي محسبت حساب اهلها ناسها اصدقائها انت محسبت حساب اهلك امك شراح يسوون من بعدك انت صدك مجنون
كمت وكفت ع حيلي
اسمع مهند اني مستحيل اخلي دم صديقتي يروح هدر وخصوصآ بعد ما سمعت خرابيطك اني راح ابلغ عليك وشيصير خلي يصير