عاشقة والمجنون

البارت 7

رؤيا: اشتميت العطر بس ريحتة مو مال عطر .
سجاد شنو هاي بعدها اندارت بية الدنيا ومحسيت بشي

سجاد: وكعت اشرت لاحمد حتى يشيلها وياية وندخلها للسيارة

احمد: ها بشر خدرت

سجاد: اي ولك يلة شيل وياية خلي ندخلها للسيارة

احمد: يلة يا الله

مهند: انجن جنوني مدا افهم شديصير فجأة وكعت رؤيا وشالوها حطوها بالسيارة وطلعوا بسرعة اني كبل شغلت السيارة ولحكتهم بدون ميحسون وصلوها لمكان قديم كلة سكراب وخشب واشياء قديمة

سجاد: وصلنا للورشة نزلناها ربطنا ايدها وحلكها خاف تقاومنا او تصيح وتفضحنا حطيناها ع كارتونة بالكاع ودكيت ع رأفت
الو ها رأفت

رأفت: ها بشر كلشي تمام

سجاد: كلشي تمام احنة وصلنا وحطيناها بالورشة حاليآ نايمة تعال بسرعة حتى احنة نروح وبعدين نتفاهم ع الحساب

رأفت: جيد اني مسافة الطريق واكون يمكم..
سديت الموبايل ونزعت الصدرية البيضة واخذت سويج السيارة وطلعت خلال ربع ساعة اني بالورشة دخلت

مهند: انتظرت تقريبآ 20 دقيقة ماكو لا حس ولا خبر نزلت من السيارة حتى اشوف شديصير البنية ليش ماخذيها وشيسوون بيها بعدني دا انزل طبكت سيارة سودة نزل منها رأفت وبعد 5 دقايق طلعوا الشباب صعدوا سيارتهم وراحوا ورأفت دخل جوة انتظرتة يدخل حتى اروح اشوف شديصير
وفعلآ دخل واني امشي وراه بدون مينتبه

رأفت: دخلت شفتها نايمة وايدها مربوطة اتقربت منها فتحت ايدها وحاولت اصحيها اكثر من مرة اخر شي صحت

رؤيا: ماعرف شنو الصار بس فتحت عيني بمكان معتم كلة اشياء قديمة حلكي مسدود ونايمة ع كارتونة بالكاع ورأفت ساندني ويضرب بية كمزت من مكاني وفتحت حلكي وكمت ع حيلي
رأفت اني وين وانت شدتسوي اهنا ليش جبتوني اهنا شنو ألي ديصير

رأفت: ألي ديصير ياحلوة انو اني وانتي راح نكضي اوقات كلش حلوة وممتعة

رؤيا: انت شدتحجي فهمني اني شجابني اهنا وانت شعندك بهذا المكان

رأفت: ع كيفج لتتعصبين.
حجيت وياها بهدوء مررت ايدي ع شعرها وركبتها لزمت ايدي دفعتها حيل

رؤيا: حسيتة ديتمادى وياية دفعت ايدة وظليت احجي واغلط عليه

مهند: احجي بيني مابين نفسي واني مصدوم من المنظر.
يمكن خاطفها اي اكيد النذل يريد يأذيها شلت خشبة من الكاع وبديت اخطي خطوات بطيئة تجاهم بس شفتة اتهجم عليها

رأفت: بعد ما اتحمل اليوم انتي الي..
شكيت قميصها واتهجمت عليها بوحشية

مهند: من شفتة اتهجم عليها واعتدة عليها متحملت ركضت عليه وضربتة ع راسة بالخشبة ولزمتة دك بوكسات ع وجهة ودفرات منطيتة مجال يقاومني