Isang gabi ng ako'y mapatingala
Sa kalawakang napapalamutian ng mga kumikislap na tala
Bigla'y di napigil ang mga ala-alang rumaragasa
Sa isipa'y di nawawala
Sa aking paggunita di ko namalayan luha ko'y kumawala
Dulot ng nakalipas na sa puso ko'y di ma wala-wala
Mga ngiti, halik at yakap niya
Mga payo't aral na aking natutunan mula sa kanya
Sa tuwing masisilayan mga lugar na noo'y siya'y kasama pa
Sumasariwa ang mga ala-alang nakalipas na
Kung ako ngayo'y tatanungin kung ano ang ibig?
Ngayon din aking ibabalik ang nakalipas na siya'y kapiling
Alam kong iyo'y isang kahangalan
Lagi namang isinasaksak sa isipan
Nakalipas ay di na maibabalik kailanman
Ngunit nakalipas na nga ba?
Bakit tila kahapon lamang sya?
Kaninong tinig ang aking naririnig?
Bakit ngiti mo parin ay nasisilip?
Ahhh...
Marahil...
Hindi na kailanman lilipas pa
