حكاية سمر (الجزء الثاني)

انزعاج بكر من النشر

#حكايتي_مع_سمر

#بكر
#كواليس
لما نشرت قصة سمر.. راسلتها كتلها نشرت اول بارت من قصتج.. ما كانت موجوده..

استمريت بنشر القصه والمتابعين فرحو ولطمو وي سمر وسمر للان متدري بقصتها انتشرت الا بعد بارت 19 او 20 ما اتذكر بالضبط..

بس بهلحدود.. وفرحت راحت تقره البارتات كلها.. كتلها شنو رأيج.. كالت عاشت ايدج روعه..

كتلها بكر  يعرف بالقصه..(طبعا هو مو اسمه بكر بس راح احجي بصغية الاسماء الذكرتها)..

كالت لا..  كتلها احسن خاف ميتقبل لان قصتج بيها تفاصيل ممكن تأذي..

بعدها صار عليه ضغط كولش قوي وصلة لمرحله عقلي خلاص بند ما اكدر استمر.. فقطعت القصه..

كان دور فينوس ومن بعدها بدت مريم.. فلمتابعين ضغطو عليه الا اكملها لان بقت القصه ابالهم واتصالات وحلفان يوميه ووووووو لحد ما قررت اكمل..

كلت اسوي بيج ثاني واخلي الكاتبات ياخذون دورهم على راحتهم.. اعلنت عن القصه وكلت يوم 16 نوفمبر

وخلاص سار الاعلان والكل عرف ان الجزء الثاني راح ينزل.. هنا سمر كالت لبكر على القصه.. 😑

اجتي كالت زنوبه فدوه بكر عرف قصتي نشرتها وتخبل شسويله كام يصيح..

كتلها يعني شنو.. كالت ما اعرف يريد يحجي وياج.. كتلها اوك.. جمعتني بي كروب هي واني وهوه..

فسلمت كان سلامه ثكيل.. انوب كال اختي رجاءا احذفي القصه نهائيا.. كتله لحظه اخويه اهدء..

تره محد يعرف ابطال القصه غيري.. وصوركم الله شاهد حذفتها.. اني كلت صوركم لو هذا الولد تخبل 😯

كال شنو يعني صورنه.. طلع ميعرف ان هي باعثتلي صورته وصورة اخو عادل.. هي بقت تحجي وتبرر اله..

هوه صار بركان من النار كام يحجي انتن شدتخربطن هوه بكيفجن انتن تلعبن بشواربنه .. ههههه

كتله صدقني محد يعرف.. كال شنو محد يعرف قصتي وقصة عائلتي ناشرينها على الفيسبوك شنو..

كتله مو قصتك والله قصة سمر..  كال وسمر منو غير مرتي غير جانت عايشه ابيتنا افتح الفيس والكه الناس تحجي على امي واختي شنو

كتله الاسماء مستعاره .. كال شنو مستعاره شنو بطيخ انتي حتى تفصيل حياة اخوي ومرته حاجيتها

ردت احاول اقنعه كان بوكتها نار بقيت صافنه وهو يحجي.. وسمر تبررله.. كتله اخي المطلوب كال تمسحين القصه من الفيس نهائي..

كتله مستحيل اذا حذفتها من البيج الف بيج وكروب اخذ القصه ما اكدر.. كال مو مشكلتي هاي..

سمر جانت تحجي وياه وهوه عصبي.. ف سمر دزتها معليك انته لتبقى تتأمر عليه البيه كافيني..