فعلا الحياة غريبه نتحدث مع شخص غريب لمده ثواني بس يبقى ساكن بقلوبنا للابد (مو قصه نطرب ع الغريب😒)
بس جمال اخلاق الشخص وروحه المرحه الخاليه من الحقد والكراهيه هيه التجذبنه اله وتخلينه نتعلق بي
لان قليل بهل زمن نلكه ارواحهم صافيه ومابيه شر
ومو شرط بس الانسان يكدر يفهم على انسان ثاني
لا مرات شخص من غير عالم ويختلف عنك تماما بكلشي يفهم عليك ويحس بيك وتكون روحه طيبه احسن من العايشين وياك بالواقع
هوه هاذه بالضبط الصار وي بطلة قصتنه(سيليا)
🌿🌿🌿
سيليا اني بنيه مثقفه وفكري متحرر عمري 21 سنه ادرس كليه محاماة بس تركت بسبب ظروفي الي راح تعرفوههه هسه اخلاقي مثل اخلاق ماما الله يرحمهه الي توفت قبل سنتين هيه وبابا بحادث سياره💔
وبقينه انا واخوتي وره ماتوفو ماما وبابا انتقلنه لسامراء بعد ماكنه سكنة كردستان لان خوال ماما هناك واحنه بكردستان مابقالنه احد اختي برق عمرها 15 بعدهه صغيره وتدرس واخي رسول عمره 18 عديم المسؤؤليه وكلش متعبني وكل يوم والثاني مشكله
راح ابدي احجيلكم من اجيت لسامره وشلون تغيرت حياتي 180 درجه
فرحه:-خاله سيله اسمعيني زين وحطي كلامي ترجيه بأذنج
سيليا:-خاله اسمي سيليا مو سيله😑
فرحه:-اي خاله نفس الشي المهم امج وابوج ماتو الله يرحمهم وهسه انتي عايشه بين خوالج وماالج بالدنيا غيرهم شيكلولج كولي حاضر واسمعي الكلام وماريدج بس اكل ونوم لا تشتغلين حالج حال جناينه الي بالبيت مفهوم
سيليا:-خاله انا بعدني ماطالعه من الصدمه البيه ولهسه مامصدكه الصار بينه فدوه خلي هاذه الحجي لوقته
فرحه:-جا خاله تريد تكعدين سنه كامله تطلعين من الصدمه هاذه امر الله بعد عيشي الواقع وانسي كلشي وذبي وره ضهرج
سيليا:-خاله شنو هالكلام شلون انسه كلشي تردني انسه امي الكل سنين عمري كضيتهه وياها لحظه بـ لحظه لو بابا الي خلص عمره بالتعب حته يوصلني لهاذه العمر
فرحه:-خاله جا شبدينه الفات مات
محمد:-فرحه عوفي سيليا خل ترتاح
فرحه:-اني اكوم اسوي عشه
محمد:-سيليا خالو تعاي وراي للغرفه
سيليا:-نعم خالو
محمد:-خالو خاف خالتج فرحه سببتلج ازعاج بس اعذريهه كل هاذه لمصلحتج
سيليا:-ماشي خالو انا رايحه يم اخواني
بعد ماتوفو بابا وماما خلصت العزاء بكردستان وحظرو كل خوالي بالعزاء ومن رجعو لسامراء رجعوني وياهم اول يوم الي ابيت خوالي ماشفت اي شخص او تكلمت وي اي شخص حته اخواني مادري بيهم دخلت كبل للغرفه وسديت الباب وبدلت ملابسي ونمت واتمنى اكعد والكه روحي بالبيت مالتي بين امي واخوي واخواني بس كعدت على صوت خالتي زوجت اخو امي الي حجت حجي تعجبت معقوله خالتي هيج تكول طبعا هواي تأثرت واجه خالي النوب زاد الطين بله يكلي لاتهتمين كله لمصلحتج😏
طبعا احتركت روحي من اول يوم الي هنا ورحت اشوف اخواني لكيت برق كاعده تبجي بالغرفه حضنتهه وكمنه نبجي سوه بعدين مسحت دموعها وكلتلهه
أنت تقرأ
حادثه من حياتي🔞(مكتمله)
Randomالقصه ليست لاصحاب القلوب الضعيفه او لهم اصغر من 16 سنه بالاضافه القصه بالهجه العراقيه وهي اول قصه الي بمجال الرعب اتمنى تنال اعجابكم
