حادثه من حياتي🔞(مكتمله)

آلبہآرت 4 🍥🍬

الحكيلي سيليا اكو شبح مره هنا سيليا

من سمعت هالكلمات مدري شصار بيه حسيت روحي راح ينغمي عليه وبنفس الحظه سمعت صوت مال خلخال والتفت لكيت شي نفس الضوه بسرعه مر من كدام عيني بسرعه حطيت ايدي على عيوني لان الضوه كلش قوي

اتقربت من الباب اكثر وكمت ادفع بي

برق برق تسمعيني

ماجاني رد خفت لاصاير عليه شي

برق برق فدوه جاوبيني حبيبتي جاي تسمعيني

بس هم ماكو رد كمت ادفع بالباب بكل قوتي اريده بس ينفتح ودموعي بس تجري مدري ابجي من الخوف لو ابجي على اختي لو ابجي على نفسي مااعرف

برق🍭🍫

من شفت شبح المره بوجهي ماكدرت اتمالك اعصابي كمت اصيح بأعلى صوتي وبعدها انغمى عليه وكعدت لكيت واحد ذاب مي بارد على وجهي كمت اشهك ووكفت على السريع طلعت بنت خالي ترف واكفه كبالي وكاضه بيدها بطل ماي ومن لكتني مغمي عليه ذبته على وجهي الغبيه

'انتي شتسوين هنا'

'والله حبيبتي انتي شتسوين هنا جايه تشردين اختج مو'

بسرعه اتذكرت شبح المره ومسكت ايدها واني ارجف من الخوف

'ولج شكو شبيج'

'فدوه ترف خلينه نمشي من هنا فدوووه'

'حبيبتي جا انا الجبتج لهنا انتي اجيتي'

'اي اي صح انا اجيت يلا امشينه فدوه'

'شبيج هيج خايفه صاير شي'

'لااا فدوه بس امشينه'

خذيت ترف ومشيت وانا خايفه واتلفت يمنى ويسرى احس وكأنما واحد يمشي وراي او خيال ماعرف مسكت ايد بنت خالي ترف بكل قوتي وارجف نيمت اوصل للبيت ياربي

'برق هاي شبيج راح تشلعين ايدي'

'اسفه اسفه بس امشي بسرعه'

بنت خالي ترف كتلتني تمشي بميوعه وعلى كيفها وانا الخوف راح ياكلني تركت ايدها وكمت اركض على السريع وعفته تصيح وراي

'لج برق تانيني ولج شالقصه اوكفي ولج'

سيليا🍭🍫

الحمدالله برق بخير اتطمنت عليه بس ان شاءالله عمامي مايأذوها من يسمعون بيه اجتني للمخزن التفتت وسمعت نفس الصوت مال الخلخال ياربي راح اموت رعبه اني بفيلم لو شنو السالفه

'منو هنا منو '

كعدت يم الباب وتكورت على نفسي ونمت ماحسيت بروحي

برق🍬🍫

اركض واركض والتفت وراي احس وكأنما احد يركض وراي ويريد يلزمني بالنهايه الحمدالله وصلت للبيت بس دخلت من الباب الوراني حتى محد يشوفني دخلت واني الهث من التعب