برق🌺💔
والله كنت حاسه خوالي راح يعبون براس رسول بس شسوي كمت وطلعت من غرفتي وكوه امشي من وره ضرب رسول الي كسر ضلوعي لكيت بنت عمي ابو ترف الثانيه نوره صحتهه
برق:-نوره نوره حبيبتي تعالي
نوره:-هاا برق
برق:-شصار وخالي شيريد من رسول
نوره:-ماعرف بس صاحو كرومي الكهوجي وابوي وعمي ابو خديجه بالديوانيه
برق:-اهااا الله يستر طيب روحي ولاتكلين لاهلج اني سئلتج عن شي ماشي
نوره:-خوش
برق:-عفيه بالحبابه😊
طبعا نوره بنت خالو صغيرونه وكدرت اقشمر عليهه واخذ منهه كم كلمه وضل بالي على سيليا كلت خل احاول اطلع من البيت من دون مااحد يشوفني واروحله للمخزن
رسول😏
طلعت من الغرفه ورحنه كعدنه بالديوانيه مال خوالي وحضر كرومي الكهوجي وخوالي اثنينهم موجودين المهم صار الحجي وطبعا خالي الكبير هوه ابو خديجه وهوه البده بالكلام
ابو خديجه:-شوف عمي انته صارلك عمر تشتغل يمنه وماطلعت منك الزايحه وماشفنه منك مو زينه
اكرم:-مشكور عمي وانتو هم الله يشهد مثل اهلي واكثر
ابو خديجه:-تسلم يالطيب المهم النسوان شايفينك تحجي وي بت اختي المرحومه سيليا وره البستان وانته تعرف هذا مو من الاصول لو شايفنك الناس لو واحد شيكولون علينه وانتي تدري بحجي الناس مايرحم
اكرم:-عمي الله يشهد البنيه مثل اختي وجنت احجي وياها حسب الاصول وهيه هم الله شاهد جانت ثكيله وسئلتني على اخوها واني جاوبتهه مااشفته
ابو ترف:-مستعد تحلف على كلام الله
اكرم:-اي عمي مستعد
ابو خديجه:-ابو ترف خلص ماكو داعي احد يحلف كرومي مو اليوم ولاامس ويانه وبالنسبه للحادثه ان شاءلله ماراح تتكرر واني راح اعفي عنهم
اكرم:-مشكور عمي ان شاءلله مايحرمنه منك ومن كرمك
ابو خديجه:-اليله تبقى تتعشى يمنه
اكرم:-تسلم عمي بس والله ماكو داعي
ابو خديجه:-لالا اتعشى واشرب جاي وروح
اكرم:-الله يخليك عمي
طبعا رسول وابو ترف ضاجو من قرار ابو خديجه بس طبعا قرار ابو خديجه كان عين العقل لان همه ماغلطو
سيليا🌸💔
سمعت صوت كأنما ما واحد يمشي بالمخزن وصوت خلخال عالي خفت معقوله اكو واحد وياي بالمخزن المخزن كلش جبير بس اني جنت كاعده جوه شباك علمود الضوه وباقي المخزن كله ضلام دامس كلشي مااشوف كمت اصيح منو هنا بس ماكو رد
أنت تقرأ
حادثه من حياتي🔞(مكتمله)
عشوائيالقصه ليست لاصحاب القلوب الضعيفه او لهم اصغر من 16 سنه بالاضافه القصه بالهجه العراقيه وهي اول قصه الي بمجال الرعب اتمنى تنال اعجابكم
