خلينا نتعرفو علي الشخصيات :
هي بيان؛ سمرة شوية وقصيرة وعيونها كباار وعسليات وعندها غمازة علي الخد اليمين 🌸
ترتيبها التانية في العيلة بعد اختها وخوها التووم..
امها انوار وبوها خالد ... اختها مها وخوها مروان...
...
هو محمد؛ بشرته حنطية وطويل وكتافه عراض وعيونة كبار وكحل وعندة غمازة ❤️
ترتيبه الكبير في العيلة عنده خو واحد بس اسمه عبد المالك وامه اسمها فاطمة وبوه عبدالله..
...
شهد صاحبة بيان المقربة؛ بيضة ومش طويلة ومش قصيرة وعيونها كباار وعسليات وعندها غمازة 💜
....
مروةصاحبة بيان المقربة ايضا ههه؛ بيضة طويلة وعيونها كبار وقهويات وعندها زوز غمازات 💓
....
علي؛ صاحب محمد المقرب؛ طويل وابيض وضحكته حلوة✌️
هاشم حتي هو صاحب محمد المقرب؛ طويل واشقر وعيونه عسليات. 👌
وباقي الاشخاص حنتعرفو عليهم في باقي الحلقات ان شاء الله.....
______________
صباحا 🌞
ناضت بيان الساعة 7 بدلت ولبست بلوزة كحلة وفيها لولي ووشاح بودري وسروال جينز وشنطة بودرية وسبيدرو اكحل... ودارت شوي ميك اب ونزلت بيش تمشي للجامعة (طبعا تقرا طب بشري وهادي تاني سنة)..
بيان: ماما صباح الخير..
امها : صباح النور بتمشي من توا
بيان: خلاص معاش وقت اصلا توا الساعة 8وربع
امها : به تعالي كولي حتي فمين شن هالبنت
بيان : خدت نتشة من النص وقالت هي باي ماما
امها : في حفظ الله بنيتي،،،
... ولعت بيان سيارتها ومشت للجامعة
________
عند محمد،
ناض خش للحمام توضى وصلي ولبس سورية بيج وسروال اكحل وسبيدرو بيج ومشط شعره ونزل..
محمد نازل من الدروج..
امه : صباح الفل عليك ياوليدي
محمد : صباح النور ياام
امه : هي سلم وليدي تعالى افطر
محمد : به، وقف كلي فمين
محمد : الحمد الله،، هي تبي شي
امه : سلامتك ياوليدي رد بالك من روحك،،، اسمع راهو اليوم جداك جاية وبتبات معانا..
محمد : الله مية مية تم هي سلام
وطلع ولع السيارة ومشى للجامعة.. (طبعا يقرى هندسة طياران)
________
خن نحكيلكم شوي علي محمد وبيان...
طبعا محمد وبيان كانو يقرو مع بعض من الابتدائي وقرو الاعدادي والتانوي مع بعض،، وهما يسكنو في نفس الحي،، وبيان تحب محمد ومحمد مايندريش ويحب نادية اصغر منه ونادية تحب سالم وسالم يحبها المهم توا نشوفو بافي الاحدات...
__________
وقفت بيان في اسيمافرو
بيان خن نكلمها خميرة النوم اهيا
بيان :الوو ووو
شهد : وووه ودني صبح
بيان : مالك ياختي الناس تقول صباح الخير
شهد : هههههه صباح النور
بيان : اوووو شكلك ناشطة
شهد : ياسلام قبلك عليوتي كلمني (طبعا شهد تحب علي من صف تاسع لين توا وهو يموت فيها)
بيان : هي نوضي بدلي وقت ره الدكتور شلال انتي تعرفيه لو تأخرتي مش حيدخلك
شهد : اييه هي باي
بيان سكرت التيليفون وشبحت للسيارة يلي جنبهااا
لقاته محمد... ابتسمت ابسامة عريضة وقالت في خاطرها يااااااه شكله اليوم حلو من بدايته اافف نحبك..
محمد تلفت لقاها بيان ابتسم ونزل الروشن وقال : صباح الخير
بيان نزلت الروشن : صبا النور
وفاتو مع بعض......
وصلت بيان للجامعة هي ومحمد لاكن معاش بان عليها
اول ما وصلت لقت مروة جاية
بيان : حبيي صباحو..
مروة : صباح النور حبي
..... يتبع
