فجأ محمد سمع صوت الحهاز متع دقات قلب بيان يدير في صوت 😨.... نط محمد من الكنبة لسرير بيان وبدي يهز فيها
محمد :بيان نوضي بيان شن هادا
وقعد يدور في الدار ويشبح في الجهاز... بعدين طلع يجري برا الغرفة.....
محمد :دكتووووور يادكتوووور ممرضة وويينكم هيييي وينكم.... وقعد يبكي ويدور فيهم 😭
جوه الممرضات والدكتور وخشو للدار متع بيان وطلعو محمد
محمد بدموع وصراخ عالي :يااااااارب ماتخليني نفقدها ياارب علاش يارب مانقدر بلاااها ياارب نحبهااا ااااه مانقدر علي فراقها يااارب بعدها نموووت يارب لااا 😭😭😭😭💔💔
...........
في في غرفة بيان
الدكتور :عطيني الصدمات الكهربائية هياااا
الممرضة :خود يادكتور
الممرضة التانية : يادكتور المريضة ماتستجيب معنا
الدكتور مركز يدير في الصدمات لبيان
الممرضة بصوت خفيف :حنفقدو المريضة 😔
الدكتور بصوت عالي :زيدي قوي الصدمات هيااا 😣
والدكتور يزيد في الصدمات علي بيان وبيان نبضها واقف
الدكتور :اخر محاولة زيدي قوي علي الاخر 💔
الممرضة زادت الصدمات
فجأ شهقت بيان شهقة قوية
الدكتور ابتسم ومسح العرق من جبينه😀😊
الممرضات فرحو 😁😁
الممرضة :شوووف يادكتور المريضة فتحت عيونها 😨😁
الدكتور والممرضة التانية :😨😁😁
الدكتور :الحمد لله علي سلامتك بيان
بيان :ووين انا
الدكتور :انت في المستشفة ريحي روحك توا😀
وطلع لمحمد يلي كان مقعمز في الوطا ودموعة ماوقفوش من الحرقة والتفكير انه حيخسر بيان 💔
الدكتور حط يده علي كتف محمد
محمد :ماااتقولهاش يادكتور مااااتت ولاااا انا كنت عارف اااه ياقلبي مشيتي وخليتيني 😭
الدكتور طبس ووصل لمستوى محمد
الدكتور:بيان فاقت يامحمد
محمد : ههه علاش هكي تقول يادكتور تخلي فيا نزيد نتوهم
الدكتور :محمد نقولك بيان فاقت نوض شوفها
نط محمد وجي واقف وشاد في الدكتور
محمد يمسح في دموعة؛ بببججد يادكتور
وخش محمد لدار بيان
محمد مش مصدق ودموعة ينزلو وماحسش علي روحة الا وهو جنب سرير بيان ويبوس في يدها
ويقول بدموع فرحة : الحمدالله علي سلامتك يابيان ياحب حياتي ياعمري ياوتيني انتي كنت عارف ان مش حتخليني بروووحي والله كنت عارف الحمد الله يارب 😭😍😍😍😍
بيان تلفتت للجيهة التانية بابتسامة وقالت: يارب حتي واني في المستشفي ومريضة نفكر ونتخايل فيك يامحمد😔😊
محمد؛ بيان انتي ماتتخايليش هادا انا صح يابوبي هادا اني والله
بيان تلفتت جيهته ونزلت منها دمعة وقالت :مممحححمد 😍😔💔
محمد :ياعيون وقلب وحب محمد
بيان :مش مصدقة اني مش انت كنت مسافر شن جابك اهني واني شن حابني اهني لا اكيدة نحلم
محمد : انتي درتي حادت يابوبي وخشيتي في غيبوبة واني لما سمعت بيك ماقدرتش نتحمل نقعد غادي لان حسيت حياتي ولا شي لو انت غبتي عني يابوبي فجيتك اهني 💘
بيان بدموع مخلطات بابتسامة : قداش ليا في غيبوبة
محمد : ستة شهور ونص واربع ايام
بيان :محمد نححبك 💘💓
محمد :نموت فيك اني ياعمرب ياحياتي انتي
بيان :😭✨❤️
محمد :اسس علاش الدموع ياعمري عندك علم تهبلي وانت تبكي وتضحكي في نفس الوقت 😍❤️💘
بيان: هههه بارد
خش عليهم الدكتور
الدكتور :مش كأنك عطلت يامحمد
محمد :لو نقعد عمري كله معاها مش حنحس بالوقت يلي يفوت ❤️
بيان تشبحلة وهي مش مصدقة كيف هكي صار 💘
الدكتور :شفتي يابيان محمد علي الحال هادا من اول يوم جيتي فيه للمستشفي لمدة ستة شهور
محمد :ونص واربع ايام
بيان والدكتور :😂😂
الدكتور :يلا محمد بيان تبي الراحة وتوا خلينا نكشفو عليها ولو هي بخير غدوا نكتبولها خروج بأذن الله 😊
بيان بصوت تعبان :دكتور اهلي يجوني يزورو فيا اهني هما
محمد شاف للدكتور بمعني ماتقولش حاجة تزعج بيان
الدكتور :ايه كل يوم يجو اهني ويروحو من عندك في الليل
بيان ابتسمت براحة وشافت لعيون محمد يلي كان يشبحلها وسرحان فيها وعيونه يلمعو وواضح عليه الحب والاشتياق لسماع صوت بيان ولشوفت ضحكتها 💘❤️✨😍
بيان تحشمت ونحت يدها يلي كان محمد شادها ✨
الدكتور:يلا يامحمد خلي بيان ترتاح توا ونديرلها كشوفات يلا
محمد : ناض وعيونها في بيان يلي حطير من الفرحة وتموت من الحشمة في نفس الوقت
طلع محمد والدكتور قعد يدير في كشوفات ليبان.......
اتصلو الممرضات بأهل بيان بأمر من محمد وقاللولهم انها فاقت وفرحو لكن قالو غدوا نجوها نروحو بيها توا مايقدروش يجوها 💜__________&&
صباحا 🌞☀️
عند علي وشهد وهاشم ومروة
كان عندهم عطلة 💜
مروة :هشوم نوض ياحبيبي مش كان عطلة تخليني بروحي
هاشم : يا مريوتي ياحبي شن بيجيك لو قعدتي بروحك
مروة :باهي ياسي هاشم كمل نومك واني بنمشي نطلع اني وشهد 😒
هاشم تغطي باورغان وقال :جيبو معاكم غدانا اني وعلي المسكين
مروة خدت المخدة وحدفتها عليه :ارقد مرقد جدي 😒
هاشم من تحت الورغان :نبي بوستي والا ماكش طالعة
مروة :اوووف ها 😘😒
هاشم : 😂😂 حبي انتي
مروة :😒😒😂
ناضت مروة كلمت شهد
مروة :شهدودتي نوضي هيا
شهد بصوت ناعس :ههاه ننعم حبي
مروة :حتي انت راقدة نوضي بلا رقاد زايد ياه نبي نطلعو اني وياك بس ونخلو هالخماير راقدين..... شافت لهاشم بنص عين 😒
هاشم ميت ضحك تحت الورغان 😂
شهد :هي به نبدل ونتلاقو في الدروج
مروة :هي باي
.......
شهد :علوشي
علي :ههمم نعم
شهد :كلمتني مروة قتلي بنطلع اطلعي معايا
علي :باهي وخلي تليفونك مفتوح
شهد باست خدة؛ تسلملي ❤️
وناضت بدلت وطلعت لمروة
وسلمو علي بعض وطلعو مشو للسوق خدو حاجاتهم وتسوقو وغيرو جوهم
شهد :ااه تعبت
مروة :هههههه
شهد :اهيا قهوة خن نخشو ناكلو حاجة
_______&
عند محمد مقعمز مع بيان يستنو في الدكتور يكتبلها خروج ويزيد يكشف عل حالتها اليوم
بيان :محمد
محمد؛ عيونه
بيان :وين مروة وشهد
محمد :في استراليا قاعدين
بيان :هما عارفين ولا
محمد :ايه وكل يوم يبكو يبو يجوك لكن هاشم وعلي ماخلوهمش لان عندهم محاضرات وحقا عن قريب حيزيد عليهم بيبي هما الزوز 😍
بيان بفرحة :الله ياحليلي اكيدة فرحانين
محمد :هههههه ايه.... تحبي الصغار يابوبي 😍
بيان تحشمت وقالت :ايه لكن نحبهم هما صغار لما يكبرو نكرهم
محمد :هههههههخخ كاله انتي غريبة
بيان :ههههه خزو
محمد :ان شاء الله انا وياك حنملو الخوش صغار 😍😍
بيان :احم ترا خن نكلمهم
محمد :به هي..... ناض جاب اللاب توب متعة
محمد :خن نشوف من فيهم في النت..... اااا علي وهاشم مسكرين الكلاب
بيان:شوف مروة وشهد اكيدة فاتحين
محمد :به
وبالفعل كانو فاتحين نت الكافي
شهد جاها اتصال من محمد
شهد:حي محمد يشرين مش من عوايدة ولا سكايب تاني
مروة :ردي شوفي خيرة
اول مافتحت الكاميرا جتهم صورة بيان
مروة وشهد :ااااااااااااااااااا بوووووبيييي
وبدو يبكو هما الزوز
بيان بدموع :ياكلبات ستاحشتكم اني هلبا
مروة: حبي والله اني بالاكتر نحبك وستاحشتك ياعمري
شهد : مش قادرة اااه بوبي حبي ستاحشتك هلبا غبتي علينا... ووه نحس روحي بنولد
بيان :ااا لالاا شديه البيبي خليه يقعد مش وقتك توا بعدين علي يعدمني 😂
كلهم :😂😂😂
هدرزت بيان عليهم شوي وسكرت منهم لان بيان حيجوها اهلها يروخو بيها ومحمد خايف يشبحوه معاها وبيان خايفة اكتر منه 😂😂💔
________&
في الليل
بيان :اااخ نحس راسي صداع ياماما
مها :ههههههههه من صراخات صغار عمامك وخوالك
بيان؛ ههههههه اسكتي ساكتة بكل حالتهم
شوي وشرين تليفون بيان وكان محمد مها مشت وسيبت بيان تاخد راحتها في الهدرزة وطلعت وهي تضحك وغمزت لبيان
بيان :الو و
محمد :ياااااه قداش مرايف علي هالصوت
بيان :هههههه محمد بلا بياخة
محمد :ههههه غير اسمعي راهو امي بعد غدوا جايتكم بيش تخطبك لولدها يلي هوا اني 😊😂
بيان :هييي كيف هكي بسرعة
محمد بعصبية :اما بسرعة انت شن تقولي
بيان؛.....
محمد؛ ااه ياحبي يابيان قداش مرة نقولك معاش فيها ره معاش نقدر اكتر من هكي لازم نرجع لاستراليا لان مستحيل نرجع بلاك
بيان : اممم باهي به ساهل
محمد :والعرس بعد اسبوعين
بيان :ااااه مبردك يامحمد
محمد :😂😂 علاش
بيان :شي شي خلاص... وراهو حتي اني بنكمل قرايتي ايواه
محمد؛ ياحليلي حتى وهي زعميتها معصبة تهبل فيا
بيان؛ ممححمد
وقعدو يهدرزو
________________&
نادية رجعت لسالم بعد ماسالم عرف غلطته وعاشو حياة جميلة مع بعض......
_&&&&&&&&&&&&&&&&&&&
بعد مرور سنة ✨
بيان :حمادي حطلي لحمة في فمي
محمد؛ ياناعليا منك موليا مفجوعة وتاكلي هلبا 😂
بيان :خلاص معاش نبي ره عندك علم ناكل عليا وعلي ولدك
محمد :هههههه من قالك ولد مرات بنت
بيات؛ 😒😒
محمد؛ هههههه يلي هو يجي خلي يجي المهم نبيه بشبهلك
جتهم شهد وهي حالتها حالة 😂
شهد :ااااه ياحليلي منه اني بيهبلني هالولد
محمد :خيرة هالشيطان 😂😂
بيان :يهبل مهاب حبيب خالته 😍
شهد : ههههههه بيهبلني
جاهم علي وهو شاد مهاب
علي : هااع هي قعمز بحدا ماما
مهاب :اباابا ابا برر (كلام مش مفهوم
بيان ومحمد :😂😂😂
علي :شن طاب الشوا
محمد :ايه خلاص
بيان :وين مشو مروة وهاشم
شهد :خليتهم يلعبو في اسيل في حوض السباحة
محمد :مش كأن بكري علي خوض السباحة 😂😂
علي؛ هاشم ومروة وانت تعرفهم علي الصحة والفوائد وتعليم السباحة مند الصغر 😂😂😂
كلهم؛ 😂😂😂😂
مهاب : مماما
شهد؛ ياروح ماما حبيبي انت..... وبدت تلعب في مهاب😍
جوهم مروة وهاشم يلي كانو جاين وهما يضحكو
هاشم شاد اسيل بنته في حضنه
هاشم :ها ياسيد محمد شن صار نحس في روحي ميت جوع
محمد :هي وتو الصفرة المشوي جاهز
بيان قعدت مقعمزة جنب مهاب واسيل يلي بيهبلو وخاصة مهاب يبي ياخد كل العاب اسيل وشهد ومروة بدو يوتو في الصفرة ومحمد يحط في المشوي ويهدرز هو وعلي وهاشم ✨
بيان :هيا اشبحو اهني وقولو تشييييييز 💜
كلهم :تشيييييييييز
وخدو سلفي جماعي مع بعض 💘💘
وانتهت روايتنا ✨
في هادي الرواية القدر والنصيب لعبو لعبتهم يعني لو تلاحظو ان لما بيان كانت تحب محمد محمد كان يحب وحدة تانية ولكن حس بمكان بيان لما غابت عليه لما حس روحة حيفقدها
وان هو الوحيد يلي وقف معاها وجنبها في الوقت يلي الكل فيه تخلو عنها هو الوحيد يلي كان جنبها وماخدلهاش
ونصيحة مني ليكم عمركم ماتفقدو الامل بالله ✨
لم اندم عندما احببتك لانك كنت الوحيد الدي بجابي عندما تخلى الجميع عني✨💘
#bushra Alshibani
