فاتو ايمام وشهور وخليني نقوللكم شن صار فيهم ✨
عند بيان ومحمد
بيان قاعدة علي نفس حالها والكل فقد الامل منها وقلت زياراتهم ليها الا شخص واحد يلي هو محمد كان مش مخليها ولا يوم كل يوم يجي وبعض الايام يبات ويقعد يهدرز ويحكي معاها وكأنها تسمع فيه ويدعي لربي انها تنوض وكل يوم يزيد يتعلق بيها وعلي قد حبه ليها علي قد امله بربي ان حتنوض من اول وجديد ويسمع صوتها،،،،، طبعا محمد اهمل روحة لدرجة انه ضعف ولحيته كبرت معاش اهتم بيها بككل ولامدور اهله ولاقرايته همه الوحيد بيان بيان يلي اكتشف متأخر انه يحبها 💔💔
(صعب فراق الحب وخاصة في مؤقف محمد مش معروف خل حيقدر يسمع صوتها ويهدرز معاها من اول وجديد والالا 💔)
________&
عند شهد ومروة وعلي وهاشم
شهد حامل في الشهر الخامس والدكتورة قالت انها بنوتة وعلي قريب يطير من الفرحة ومش مصدق انه حتجيه نسخة شهد مصغرة
ومروة طلعت حامل وهي في الشهر التالت وهاشم خايف عليها ومايخليش فيها ترفع الرزين ولا يخلي فيها تنظف الحوش (خلاها بايرة 😂)
ومروة ماصدقت عاشت الدور وعاجبها اهتمام هاشم
😂😍
________&
عند عيلة بيان
قلت زيارتهم لبيان لانهم فقدو الامل من انها تعيش
😔
مها :ياماما مش لاحظتي انه لينا اسبوع معاش مشينا شفنا بيان 😔
امها :بالله يابنيتي اختك ادعيلها لان حتي الدكاترة فقدو منها الامل
مها بضيق :يعني معقولة ننسوها ياماما
امها بدموع :يابنتي ربي يشبح فيها وخيتك واحنا ماسيبناها كل يوم ندعو وهي قاعدة في قلوبنا يابنتي مالنا الا الدعاء 💔
مها تدكرت كل لحظة مع بيان وبدت تبكي وزادت تبكي لان وجعتها بيان كيف هما معاش زاروها يعني لو تنوض بيان في اي لحظة وماتلقاهمش جنبها حتزعل وتاخط علي خاطرها 💔
_____________&
شهد؛ علوشي
علي :عيونه
شهد دمعت عينها :والله استاحشت بوبي
علي تنهد....
شهد :والله ياعلي كل يوم نفكر فيها وكل يوم نبكي وندعي لربي انها تنوض بخير ياعلي لو كانت واعية لكانت اكتر وحدة فرحت بموضوع حملي وخاصة بوبي تحب البنوتات ااااااااااااااه ياعلي استاحشتها
وبدت تبكي بحرقة علي فراق صاحبتها (وهادا اصعب من موقف محمد فراق شخص كان يعنيلك كل شي يعني من صغركم وانتم مع بعض وكل اسرارك وفضايحك عنده وكل ماتضيق عليك الدنيا تمشيله وانت واتق انه مش حيخدلك وحترجع منه مرتاح 💔😭)
علي خدا شهد في حضنه وبدي يمسح علي رأسها بحب ويهدي فيها 💓
________
مروة :هاشم كلمت محمد
هاشم :اخر مرة كلمته امس اني وعلي
مروةبنبرة حزن :ماقال شي علي بوبي 💔
هاشم بضيق :لا هو بروحة متضايق وكان تشوفيه كيف هامل روحة وضاعف هلبا ولما كلمناه اني وعلي وقلناله ان يهتم بيروحة وعلي الاقل ياكل ضحك وقال تبوني ناكل وهي عايشة علي التغدية والاجهزة 💔
مروة بدت تبكي وارتمت في حضن هاشم
مروة :ياهاشم مش قادرة نشيل فكرة ان بيان حتبعد عليا انت عارف معنى ان معاش حنشوفها َلا حنسمع صوتها 😭
هاشم :اسسسس خلاص ياعمري مش كويس الزعل ليك انت حامل
مروة :اااااااااااه كان تعرف بيان حتفرح من كل قلبها اااه يابوبي ياريتك معانا 😭😭
(صعب انك تتعود علي شخص كان يعنيلك كل شي ولكن هو مافارقش الحياة هو في المرحلة الاصعب هو مش عايش ومش ميت مش معاكم ولكن معاكم وانت مش قادر تشيل فكرة انك حتفقدة من راسك 💔)
__________&
صباح يوم جديد
محمد كان راقد مع بيان في المستشفى
ناض محمد عاي صوت الدكتور
الدكتور :محمد يامحمد
محمد ناض مخلوع :نعم شن فيها بيان
الدكتور ضحك بضيق :لا بيان مافيها شي
محمد :💔
الدكتور :محمد هادا يلي تدير فيه مش كويس لصحتك يامحمد لا انت ولا بيان مستفيدين من قعدتك هنا
محمد ضحك بضيق ودموع محبوسات : يادكتور املي بالله كبير واني مش حنفقد الامل زي ماالناس فقدو الامل منها واني عطيت نفسي وعد انه مستحيب نخلي بيان بروحها مادام فيها نفس 💔
الدكتور :براحتك بس بيان لو شافاتك باشكل اهوا حتزعل منك يامحمد شوف انت كيف اهملت روحك معاش تاكل ومسيب دراستك علي حسب علمي يعني لو بيان كانت واعية لكانت زغلت ومش شوي لاهلبا حتزعل
محمد :.......
الدكتور :باهي بس اهتم بصحتك علي خاطر بيان 😊
محمد ابتسم
الدكتور :هي نمشو ناكلو حاجة اني وياك لوطة مادام ان مزال ماعنديش حالات
محمد :به
طلع الدكتور يستني في محمد برا
محمد شاف لبيان بابتسامة : شوي ونجي ياعمري مش حنسيبك مهما صار 💔
....... يتبع
طولتلكم الحلقة شوي اليوم سامحوني يااحلي ماابعين 😘😘💘
