وصلو للماطار ✨
محمد يتكسل :ااااخ... شن الجوو
علي : تمام وانت شكلك مقعمز جنب واحد نفاخ 😂
محمد :ههههههههه حرام والله شكله راجل طيب غير يفسر في الامور علي مزاجة
هاشم :هههههههه وانت تحب تسمع للشيابين 😂
محمد :ههههههه تعرف ياراجل كلامهم يريح فيا الحق
علي : هي نقولولهم نبو سيارة
رجع محمد للماطار وطلبولهم زوز تكسيات🚕🚕
ركب علي وشهد في سيارة وهاشم ومروة ومحمد في سيارة
ووصلو للفندق حجزو فيه وخشو كل واخد لغرفته 🚪
_______&
عند بيان
تغسل في الماعين هي ومها
بيان : تعرفي يامها نحس في غيابهم عليا صعب ومش حنقدر نتعود
مها : لالا عادي يوم عن يوم حتتعودي وصدقيني وانتم نعرفكم مش حيمشي يوم الا وتكلمو بعضكم😂
بيان :هههههههههه
ام مها : بيااان يابيان تليفونك يشرين
بيان بفرحة :اكيدة صحباتي😍😍
ومشت خدت تليفونها وخشت لدارها
بيان :وصلتو ياحبي ستاحشتكم
شهد :هههههه حتى اني
مروة تصيح جنب شهد :افتحي سكايب بنكلمومك فيديو
شهد :تسمعي فيها... هي افتحي سكايب
بيان :ههههههه به
___________
مقعمزين شهد ومروة لوطة في صالة الفندق
ويهدرزو علي بيان سكايب
شهد :هههههههههه
مروة : ااااه اني بنمشي نرقد.... وخليت هشومي بروحة
بيان :هههههههه بريله خير مايجيك
شهد :ههههههه
مروة :هي تصبحو على خير
بيان :هي باي برولهم خير مايديرو العار قدام الاجانب
شهد :ههههههه هي باي....
وسكرو من بيان وركبو فوق 🚪
___________&
عند محمد طالع
من الدوش وينشف في شعره
لبس تيشرته وشورته وقعمز علي حاشية السرير
جت في باله صورة بيان وهي تضحك ابتسم وقام راسه فوق وخدي تليفونه وبعتلها
اهلا
بيان :اهلين حمادي شن جو السفرة
محمد :تمام يابوبي شن دايرة
بيان عجبتها الكلمة منه مع انها متعودة عليها لكن منه هو حستها غير 💓💓
بيان :تموم شن جوكم غادي
محمد :والله هادي اول ليله وربي يستر علباقي 😂😂
بيان :علاش شن فيه املا 😂😂
محمد :حاس بالجفاف معاهم هادو 😒
بيان :😂😂
محمد : والله كل واحد قاعد مع مرته وهازين عليا 😒
بيان :هههههههه والله جو توا كيف كنت نهدرز عليهم
💓
محمد :اها كويس
بيان :برا ارقد وستريح غدوا اكيد بتنوض بكري
محمد :ايه تصبحي علي خير 💜
بيان:وانت من اهله 💛
سكر محمد من بيان وهو مستريح ومش عارف علاش هي بدات يحس بالراحة معاها..... ✨✨
.........
اما بيان حست كأنها بتطير من الفرحة بمجرد ماهدرزت معاه وكانت توزع في الابتسامات علي الماشي والجاي 😍😂😂😂
__________&
صباحا عند بيان ناضت وبدلت ونزلت فطرت مع اهلها ومشت للجامعة
_________
عند محمد ناض بدل وتوضى وصلى ولبس وقف عالمرايا ساوة شعره ودار عطر وفتح باب الغرفة وخدي شناطيه ومشى نزل لوطة لقى اصحابه يفطرو
محمد :اووو خيانة علاش مانوضتونيش ولاخلاص انت وياه من لقى احبابه نسى اصحابه 😒
شهد ومروة :ههههههههههه
علي :هههههه اول حاجة صباح النور تاني حاجة خبطنا علي الباب لين جونا الامن متع الفندق
محمد :😌😌
هاشم :والله انت مش عارف لما ترقد انحس فيك ميت
محمد :بسم الله عليا نوووض تززحزح من مكانك تفاول عليا سمالله 😱😒
كلهم :😂😂😂😂😂
هاشم :هي نوضو بيش نمشو نشبحو مكان السكن والشقة وبعدين نمشو للسفارة ونتمو الامور
علي :هي
......... يتبع..... 😘
