اتفقو محمد وبيان انهم يديرو مفاجأة لصحابهم ويقعمزو مع بعض ويديرو جو ✌️💓
بيان مشت لصحباتها ومحمد لصحابه...
بيان :ااااه 😁😁😁
شهد :بيان
بيان :عيون بيان
مروة وشهد شبحو لبعض
بيان :العفو شن فيه 😁😋
مروة: لاشي سلامتك🤔
شهد : غريبة هالكائنة 😐😂
بيان :مبردكم نوضو شفت طاولة مليحة غادي
..........
محمد :ياولاد في طاولة مليحة غادي
علي :اياااه بنقعدو ندورو
محمد :😁😁 اسمع كلامي ومش حتندم
هاشم : محمد صاحبي خيرك شن شفت🤔
محمد ؛ تي هي انتم شن خاسرين نوضو
...........
ناضت بيان وصاحباتها ومشو للطاولة وكان الاولاد واقفين عالطاولة وعاطين البنات بالضهر
مروة :ياهمي مافيش طاولة فاصية
بيان :اوني طاولة
شهد :يابنتي هبلتي ولا شن ماتشوفيش في وحدين واقفين عليها
بيان بصوت عالي :😁😁 تلفت ياسمسم
محمد تلفت هو واصحابه وجي وقف بيناتهم هو وبيان وقالو :سوربرايس 😋😍😄
طبعا علي وهاشم ومروة وشهد قريب يموت من الضحك 😂😂علي هبال محمد وبيان والمطعم كله يشبحلهم 😂😂
علي :هههههه والله طلع عندك في جو المفاجئات يا حمادي 😊😋😉😉
محمد :نعجبك 😉
هاشم ؛ هههههههه مايطلع منكم ياودي
بيان :لالا احني مش متفقين...... تلاقينا بالصدفة اهني وقلنا نديرو مفاجأة ليكم
محمد :طبعا لان احني ماعندنا حاجة غير انه نخلوكم سعداء 😁
مروة :ههههههههه ياويخيتي عالهاصدفة
شهد :ههههههه ايه...(. شافت لعلي لقاته يضحكلها خشت في بعضها من الحشمة😅😆)
(ونفس الشي مروة اول ما شافت هاشم بدي يضحكلها وهي تحشمت)
😊😊
محمد :يا الوو نبو نقعمزو جعنا
بيان :ايه هي ياسركم شبحات الهيام هادي😍😂😂
وقعمزو وهدرزو وضحكو وكلو وماخلو شي ماطلبوه وهما في قمة سعادتهم 💓💓
&___________&
وفاتو الايام وجي العرس طبعا داروه في فندق كبير
ومشو للمزين وبعدين للصالة ودارو جو مع العيلة ورقصو وبعدين روحو....... وطبعا كان من غدويتها طيارتهم 💔
وطبعا نسيت نقوللكم ان نادية وسالم تزوجو وهي توا حامل ومحمد طلعها من راسه مرة وحدة وكان سالم فرحان بيها لين خلاص.......
----------------
في الليل لما العرسان مروحين.........
عند شهد وعلي في السيارة
علي شاد يد شهد ويبوس عليها ومايبيش يطلقها 😘
شهد :يدي ياعلوش🙈
علي :ههههههه تي اليوم انسي روحك كلها مش يدك بس 😍😍😍
شهد : غير بالشوية ياسخيف 😆
............
وعند هاشم ومرو❤️
هاشم يشبح لمروة وناسي الطريق 😍
شوي ووقف السيارة 😳
مروة :خيرك 😐
هاشم طبس عليها وباسها 😘😂
مروة :حي عالسخيف رانا في الشارع 😐😳
هاشم :معاش قدرت شن هادا 😂😍😍
وولع السيارة وكمل يسوق
..........
اما محمد كان واقف قدام الفندق متع العرس ويشطب في الامور لان خلاص ليل وكلهم روحو
وبيان كانت قاعدة في الصالة تستنى في مروان يلي نفلقت بيه القومة في الطريق
.........
بيان :ياربي قعدت اني والخدامات بس 😔
مشت وقفت قدام المرايا وقعدت تشوف في روحها كانت طالعة ايه من الجمال
--
محمد :اااه كملت خن نخش نشبح مدير الفندق ونقوله خلاص كملنا وكان عنده حاجة يقوله
خش محمد لان يحساب معاش في حد في المدخل متع الفندق... لكن كان فيه بيان واقفة ومنحية عبايتها وتصور قدام المرايا 😍
خش محمد وشاف بيان يلي كانت لابسة قفطانها يلي خداته هي وصحباتها
محمد :😍😍😍😍😍😍😍😍
وقعد يشبح
بيان لمحت حد في المرايا تلفتت.... تلقاه محمد
معاش عرفت شن ادير من الحشمة وعباتها بعيدة عليها ماتقدرش تجيبها 😳😳😳
محمد في داخله يا سبحان الله 😍😍💓
بيان :ااحم لو سمحت 😳
محمد ستاقض علي روحة ولف للجيهة التانية
محمد :ااااسسف نحساب معاش في حد 😳
وطلع وهو مش مصدق انه هادي بيان
بيان :ووااااااك اففف توا بياخد عليا فكره غلط بيقول هادي واقفة عالباب بيش يلي خاش ويلي طالع يشبحها 🙈😭😭
محمد قعد سرحان ومقعمز ويستنى فيها تطلع ونسى السبب يلي كان بيخش علي خاطره 💓😂
بيان كلمها مروان وقالها اطلعي اني برا
طلعت بيان وهي تدعي لربها ان محمد يكون روح
ولما طلعت شافاته في سيارته وهو سرحان ويضحك لما طلعت شافلها وهي وجها بدي احمر وتخشمت وركبت مع خوها 😣
بيان :اااووووف خيرك عطلت شن هادا
مروان :شنو هو بي يدي القومة نفلقت
بيان :اييه واني نقعد اخر الناس باهي مع الخدامات 😡
مروان : سكري فمك مش وقتك
وقعدو ساكتين لين وصلو....... نزلت بيان وهي تدكر في اللقطة يلي صارت وتلعن وتسب في روحها 😪👊👊
اما محمد روح وهو مش مصدق ان يلي كانت قدامه بيان وكل شوي تحي صورتها بين عيونه 😍
____________ يتبع ❤️
