روحت بيان وقلبها مكسور ومضايقة لكن تعودت لانها مش من اليوم تحبه او امس ليها سنين.. وتعرف ناديةكويس فهي تخوض في معركة كل يوم بين قلبها وعقلها...
بيان :ماما
امها :اهلين.. هي بدلي حوايجك بنيتي
مروان:خيره وجهك مقلوب
بيان:تي نفخ محاضرتين لدكاترة يدرهو الكبد 💔
مروان : اها عادي يمشي يادرية
بيان:قداش مرة نقولك مانحبهاش الكلمة اني (لان محمد ديمة يقول فيها ليها 💔)
مروان:باهي تقول ابصر شن قلت
امها :تي ياسركم زي المفرخ الصغار 😡
بيان ركبت لدارها وهي مش على بعضها
بيان خشت لقت مها
مها:احني اهني لا احم لاتستور خاشة هكي وخلاص
بيان :مها مش رايقتلك بكل ره
مها :بسم الله... وجت طالعة من الدار
بيان :قولي لماما مانبيش نتغدى كليت في الجامعة
مها:به
بدلت بيان حوايجها وتوضت وصلت وفتحت شعرها ورقدت
_____
عند محمد
محمد : السلام عليكم
بوه :وعليكم السلام ياوليدي خش خش
محمد :اوووه جداي كيف الحال
باس على راس جداه وبوه وقعمز بحدى جداه
جداه :كيف حالك ياوليدي
محمد :ماشية ياجديدة شن حالك انت
جداه :نشكر الله ونحمده
بوه :الحمد الله... خليك بحده جداك واني نمشي نشبح امك وشن صار في الغدى
محمد :تمام به
طلع بو محمد ومحمد قعد مقعمز بحدا جداه
محمد:صار هكي ياجديدة
جداه:ااااه ياوليدي.... حسيتك مش طبيعي خيرك
محمد :والله انتي يلي فاهمتني
جداه :احكي ياوليدي احكي
محمد :جديدة شن ندير لما تبدا تحب شخص هو مش مدورك
جداه:ااااه ياوليدي... تعرف ان ربي مخلقش حد بروحة لازم معاه حد يحبه ويخاف عليه وانت دور هالشخص ويمكن يكون قدامك وانت مش شايفة... وصدقني نصيبك عمره ماياخده غيرك ..
محمد :به ياجداي كيف الحل
جداه :ياولدي ربي انعم علينا بنعمة النسيان... انسى ياوليدي بيش تعيش انسى يلي جرحك ودور يلي يستحق انك تحزن وانك تفرح وانك تحب علي خاطره
محمد:ااااه ياجديدة ياريت
جداه :هي نوض سلم وليدي الغدي قريب
محمد ناض باس علي راسها وطلع
مشي توضى وصلى وبدل وقعد يفكر في كلام جداه لين رقد....
______
ناضت بيان وحست انه جوها بدي حلو مشت للكوجينة وملقت حد في الحوش كلهم مشو لحوش جدها
بيان :اففف شن ناكل توا 🍕🍟
دورت شن تاكل لين في الاخير طلعت خبزة ومربى
بيان :اخرتك يا بيان هههههه تستاهلي
كلت وغسلت حوستها ومشت لدارها
تسمع في تليفونها يشرين
بيان اكيدة مروة
بيان :الو حبي
مروة :يا هلا شنج
بيان :تموم وانتي
مروة :اهوو
بيان :شن اديري
مروة:ناكل ونقرا علي اساس
بيان :بالله سعدودك اني مزال مابديت
مروة :عادي عادي هو مش غدوا
بيان :ايييه
وقعدو يهدرزو شوي وبعدي بدت بيان تقرا وتفكر
______
ناض محمد علي صوت تليفونه يشرين
محمد :الوو
علي :هااا نووض شكلك راقد
محمد:خييرك الزح لازم تفسد
علي :اسمع ماعنديش رصيد تعالى لي *** اني وهاشم غادي كان بتكسد
محمد :به هي ربع ساعة
علي سكر الخط
محمد :كلب من يومك ياصاحبي
ناض دوش وبدل ومشالهم.....
يتبع.....
نبي تفاعل بيش يحفزني نزلكم ❤️
