محمد :هي برو انتو شوي ونلحقكم نكلم امي 😍
علي :هادا وين بتكلمهم
محمد :أأ ه😄
هاشم :هههههههه هي احني مشينا
طلعو هما برا وقعدو يستنو في محمد يلي كلم امه وطلعو مشو لمكان السكن وكان عبارة عن نضام عمارة قريبة من الجامعة يلي بيقرو فيها وكانت حلوة وهي في وسط المدينة وكانو مروة وهاشم في شقة وعلي وشهد في شقة ومحمد معاه واحد عراقي في شقة 💜🚪
شافوها وحطو جاحاتهم وطلعو يتسوقو ويتدهورو بيش غدوا بيبدو يحضرو محاضرات في الجامعة 💓💔
___________&
في الليل كلمت بيان صحباتها مكالمة فيديو
بيان :الو💓
مروة وشهد :اهليين ❤️
بيان :الله هادا هو الحوش
مروة :ايه هادا حوش شهد
شهد:ياحليلي ايه حوشي 😍
مروة وبيان :😂😂👊👊
وقعدو يهدرزو
ومشو هاشم وعلي ومحمد للمطعم عشان يجيبو🍽️🍴 عشاء
_________&
عند محمد في الليل مقعمز يهدرز ويتعرف علي حازم
محمد :اها بالجودة بيك حازم
حازم :تسلم بس... شومعناته
محمد :هههههههه معناها انا نتشرف بيك
حازم :ههههههههه ليا الشرف
حازم : محمد انت مرتبط
محمد :خاطري نعرف علاش كل من يشوفني يسألني هالسؤال 😂😂
حازم :ههههه بس يعني انا شفتك سارح وايد واكتر من مرة
محمد : لا مو مرتبط والحمد الله...... وانت؟
حازم :ايه انيٍ احب وحدة واموتج فيها
محمد :ربي يعقد عسلكم
حازم :تسلم... بس
محمد :ههههههه معناها ربي يجمعكم بالحلال مزال قدامك هلبا كلام بتتعلمه بالليبي 😋😂😂
حازم :معناته تمام وانا بعلمك العراقي 😎😂😂
محمد :اني جعانا ره انت بتاكل ولا لا
حازم :لك شلون ماأكل... اصلا انا يلي بأكل 😂😂
محمد :ههههه وطلعلي هاشم تاني 😂
قعمزو يتعشو ويدردشو ويضحكو مع بعض 💓
____________&
صباحا ناضت بيان وهي حاسة روحها متضايقة ومش عارفة علاش
ناضت لقت مها راقدة باست علي جبينها وغطتها ومشت لدار خوها فتحت الباب وشافتله وضحكت
نزلت لامها وهدرزو شوي هي وامها وبوها وبعدين طلعت مشت للسيارة ومشت للجامعة
بيان :اااووف خيرني اليوم متضايقة ولا مش عارفة شن حاسة ياربي
فجأ 😱😱 بووووووووووووم طاااف
خشت فيها سيارة قاصة بسرعة وهي ماشافتهاش
الناس تلمو علي السيارة
الراجل يلي ضربها :لاحول ولا قوة الا بالله لاحول ولا قوة الا بالله ياناس اطلبو الاسعاف
وطبس علي بيان لقاها مزال فيها نبض
الراجل : الحمدالله الحمد لله ياناس هيا الاسعاف
وصلت الاسعاف ورفعت بيان للمستشفى وكلمو امها وخوها وبوها بماان هوا راجل كبير فقعد في البيت ويصلي ويدعي ان بنته تكون بخير
بيان دخلوها لحجرة العمليات لان كان المرش خاش في راسها 🤕 وعندها هلبا كدمات وكسور في جسمها
بعد ساعتين ونص
الدكتور :عفوا وين اهل المريضة
ناضو مروان وام بيان
ام بيان : اه يادكتور قولي انا امها ياناعليا بنيتي
الدكتور :هدي يامدام المريضة عندها كسور شوي والحمد الله انها قاعدة عايشة وادعولها وهي توا ختقعد في العناية واحمال اتخش في غيبوبة
امها :😭😭 يانا عليا بنتي المسكينة ماعمرها فرحت وديمة منكوبة ااااااا اااااااه 😭
الدكتور :معليشي يامدام ادعيلها بالشفاء.... معليش من حضرتك
مروان بدموع :خوها يادكتور
الدكتور : معليشي تعالي للمكتب
مشي الدكتور ولحقه مروان
الدكتور :نبي نقولك حاجة وخليك قوي
مروان حابس الدموع في عيونه
الدكتور :المريضة درنالها عملية ونجحت والمرش خاش في راسها فهادا يمكن يخليه تخش في غيبوبة ويمكن..
مروان :شن يادكتور 😭
الدكتور :يمكن تعيش مقعدة بسب الكسور والضرر يلي صار للحوض
مروان :....
الدكتور :ان شاءالله بالشفاء وخليك قوي
مروان :بس دكتور نقدر نشوفها
الدكتور :الوقت اهوا لا بعدين في الليل احتمال يخلوك تشوفها
_______________&
عند محمد ناض وهو حاس حاجة غامة علي قلبة بدل حوايجة وكمل ونزل مشي للجامعة هو وهاشم وعلي وشافو لو يقدرو حتي مروة وشهد يكملو وسجلوهم حتي هما ورفعو اوراقهم للسفارة وحترد عليهم بعد اسبوع
_________&
في الليل محمد يبي يكلم بيان ملقاهاش في النت ليها يومين
استغرب وقال خن نمشي نسأل صحباتها
________
في شقة علي وشهد
شهد :علوشي اليوم ماكلمتناش بوبي ولامتصلة في النت انحس خاطري مش مهنيني
علي وهو عيونا في اللاب توب :نهههههه والله انت جو يعني لو هي مش في النت ولاكلماتك لمدة يوم خاطرك مايهنيكش
شهد :ياسر مبردك انحس في روحي متضايقة مش من عوايدها
علي :به بري شوفي مروة وكلموها مكالمة عادية
شهد :به هي نلبس
وهي وطالعة تلاقت مع محمد
محمد :اهلا متقولش قاعدين في نفس العمارة
شهد :هههههه وووه منك كلمتك ديمة واتية شن الجو
محمد :تمام... ش شهد بنسألك
شهد :نعم
محمد :كلمتي بيان اليوم
شهد :لا وتوا بنمشي لمروة بنسألها لان حاسة في حاجة من امس الليل مادورتناش ولا قاعدة في النت
محمد تضايق :غريبة ولا... باهي قوليلي لو مروة قتلك حاجة وطمنيني
شهد حست ان محمد انشغل علي بيان وقعدت شادة صحكتها : ببه تمام
محمد بفرحة :صحيتي تلقيني عالدروج اهني
شهد :هههههههههههه هي نستأذن
وخشت شهد لمروة 💜
....... يتبع
