محمد :سلام💔
وبيان روحت وقعدت تبكي في السيارة لانها حتفقد اغلى انسان حباته من كل قلبها
اما محمد مشى لي اصحابه وقعمز معاهم وهما يهدرزو ويضحكو وهو مش على بعضة
على :هههههههه......... محمد هييي محممد
محمد :نعم
هاشم : خيرك
محمد :شي
علي :كداب من لما مشت بيان وانت تغيرت
محمد :يااودي ماخيييرني شي😣
ومشى وخلاهم
علي :اني مفهمتاش هالولد
هاشم :اني شاك في امره الصراحة
وقعدو يهدرزو هما والبنات روحو
_____________
عند مروة :-
مروة :السلام عليكم
امها :وعليكم السلام بنيتي خشي خشي
مروة :شن الجو
امها :الحمد لله... تعالي خنحكيلك
مروة شادة ضحةتها بالسيف
مروة : نعم خيركم
امها يابنيتي جونا امالي هاشم وحددو العرس واحني وافقنا لان قالو هاشم عنده بعته لبرا
مروة زعميتها مصدومه :كيف ماقاالييش
امها :والله هادا هو يا بنتي
مروة :اهو بنمشي بنكلمه اني وتو نزيد نتأكد
وناضت على اساس معصبة 😂👊
امها :ربي يهديك يابنيتي
___________
اما عند شهد :-
شهد خشت بدون ولا صوت على اساس ماتندري علي ششيي
بوها :جيتي يابنتي
شهد🙈😳:ايه يابابا
بوها :تعالي تعالي سلم بنتي
شهد : نعم بابا
ومشت قعمزت بحداه
بوها :اسمعي يابنتي راهو نساباتك جو وحددو العرس والصراحة اني وافقت لان تحشمت الحق وهما ناس ماشاءالله عليهم..... ها شن قلتي
طبعا شهد وجها تلون من الحشمة وقاعدة تسب في علي في داخلها 😂😂
شهد:يلي تقوله اني فيه يابابا 😐
بوها :هي معناها بعد شهر العرس يابنتي
شهد :به
وناضت مشت لادارها وهي في قمة السعادة والخوف والدهشة ("ديمة هكي صايرلها مش عارفة اما شعور يمشي مع حالتها 😂😂")
_____________
امابيان 💔
بيان :خشت ومشت طول لدارها بيش ماحدش يشبحها بالمنظر اهوا وخشت للدار مالقتش مها شكرت ربها لان مها اكبر قصقاصة 😂
خشت خدت حوايجها ومشت للحمام خدت دوش ساخن وقعدت تبكي تحت المية
وبعد ماطلعت جتها امها
امها :بيان خيرك يابنيتي
بيان :ماخيرني شي غير تعب بس 😊
امها :اهاا... قتلك
بيان :نعم
امها :نزبطي محمد ولد فاطمة يلي يسكنو ورانا
بيان حست بنغزة في قلبهاوقالت :ايه
امها :تعرفي جاته بعته لبرا مشاءالله عليه
بيان حست انها حتبكي قدام امها لكن شدت روحها وقالت : به مشاء الله ربي يكتبله الخير.... اني بنمشي نلبس حوايجي ونجفف شعري
امها : به بري يابنتي
ومشت بيان وهي قلبها متقطع وتكلم في روحها وتقول: اااه طلع جديات الموضوع يا محمد يعني انت تدير فيا هكي بلعاني ولا... ايه لما حبيتك كنت تحب وحدة تانية ولما حسيتك بتبدا ليا بتمشي وبتسيبني توا علاش هكي يامحمد علاااش 😭😭💔
__________
اما محمد:-"
روح وهو معصب ويكلم في روحه ويقول
خيرني اللززفت توا.... باهي علاش هي تبكي... توا علاش هكي صار فيا لما شبحت دمعتها.... اصلا انا شن دخلي.. وهي اصلا ماتبكيش عليا...... ياسرك يامحمد تخيل لو حبيتها تطلع زي نادية......
ومشى قعمز جنب البحر وماعنداش نية يمشي للحوش
_______________
في الليل 🌚🌛
...... يتبع 💙
تفااعل بلييز 💓
