دقات قلب بريئة

البارت الثاني

شمس🕳البيت ضلمه مااحس الة انفتحت الباب الخارجية واشوف شخص طويل وضخم فات للبيت ردت اصيح ملحكت حط ايدة ع حلكي خفت حيل اول مره أتعرض لهيج موقف
علي🕳دخلت للبيت بليل ماشوف اله شخص كبالي راد يصيح من شافني توقعتها الخدامه مالتنا سديت حلكها حتى متصيح وتكعد الناس..همستلها بهدوء اشششش اني علي خالة شبيج معرفتيني راح ابعد ايدي عن حلكج بس لصيحيين
شمس🕳ياعلي منو انت؟
علي🕳هذا الصوت غريب علية منو هاي..فتحت الضوا ..شفت بنيه سبحان الله تبارك الرحمن ياترى هي هاي البنيه التصير كرايب امي وال جانت تحجيلي عنها
شمس🕳من انفتح الضوا تذكرت هذا علي ابن الناس الكاعده يمهم اذكرت شكله لان خالتي شوفتني صورة حطيت ايدي ع حلكي لان تاذيت من سد حلكي
علي🕳اسف اذيتج مجنت اقصد
🕳حط ايده ع حلكي راد يشوفني خما تاذيت..بعدتها كتله عادي مصار شي الحمدلله ع سلامتك بس خاله وعمو نايمين هسه شنو مالهم علم بجيتك
🕳لاوالله حبيت اسويها الهم مفاجأه توقعت اوصل من وكت بس صارت مشاكل بالمطار وتاخرت
🕳اممم الحمدلله ع سلامتك مره ثانيه
محتاج شي اسويلك اكل خاف جوعان
🕳لا تسلمين ماكل بالمطار..شفتها تريد تصعد لغرفتها..كتلها لحظه انتي شمس  كرايب امي مو
🕳اي نعم اني شمس
🕳اهلا وسهلا تشرفت بيج اني علي
🕳اهلاوسهلا بيك  .. اذا ممحتاج شي اني رايحه انام
🕳لا ..تصبحين ع خير اخذي راحتج
🕳وانت بخير
صعدت نمت بس حلكي بقى يوجعني من كد ماايده قويه نمت واني افكر بي وبشكله كان احلى من الصور
🕳علي ..صعدت لغرفتي اخذت دوش مددت بفراشي اجت ع بالي شمس سبحان الله شكد حلوة شكد شايف بنات بحياتي بس مثلها ماشفت ماعرف حسيتها مختلفة عن البقيه بعدين تعوذت الشيطان واستغفرت ربي كولت هاي امانه يمنا وجايه تعتني بامي ميصير افكر بيها تفكير محلو..نمت
الصبح...كعدت اسمع صوت هوسه عرفت اهلي كعدو
نزلت ع كيف داافاجأهم لكيت بس شمس كاعده دتحضر السفرة وريحه الاكل اجنن وريحه الجاي شكت خشمي كد ماطيبه
🕳صباح  الخير
🕳صباح النور هلا بيك
🕳شنو اهلي ماكعدو
🕳لاهسه ينزلون اني كعدت قبلهم كولت خل اسوي ريوك
🕳امم عاشت ايدج من الريحه مبين الاكل كولش طيب
نزلو اهلي شافوني كدامهم خطيه امي حضنتني وكامت تبجي مشتاقتلي حيل وابويه كذلك صارلهم 3 شهور مشايفيني
بعدها كعدنا  ع سفرة كولنا الاكل جان كولش طيب
علي🕳اممم عاشت ايدج شموسه
شمس🕳بالعافيه ☺
خالتي🕳شموسه ماشاء الله طبخها كولش طيب عمره خساره الماماكل من ايدها
شمس🕳تسلمين خاله الف عافيه
بهالايام الاجا بيها علي يمنا تقرب مني هواي وصرنا اصدقاء مقربين كولش يلمحلي انو هو معجب بيه بس اني جنت اغلس دائما..
بيوم من الايام قررنا نطلع نتعشى برة بدلت لبست فستان طويل اسود وبي نقشه بلون بيجي وحطيت مكياج خفيف نزلت من الدرج لكيت علي واكف كبالي ضل صافن عليه كتله احم خلصت وين خاله وعمو
كلي صعدو بالسياره يلا منتضرج خل نطلع صعدنا بالسياره وعلي طول الطريق يباوع عليه بالمرايه ماال السياره واني مسويه نفسي مطنشه😅
وصلنا للمطعم نزلونا بيتزا وصاج وفنكر🍟🍕🌯
بعدها نزلنا الحلويات  خلصنا عشا طلعنا كالت خالتي خل نروح للمنتزه شويه خطيه شمس من اجت لحد هسه مطالعه اخذونة للمنتزه كولش حلو الاشجار ال بي والالعاب جان مكتض بالعوائل خاله وعمو كعدو ع مصطبه يسولفون
خالتي🕳يمه علي احنا عجايز منكدر نمشي اخذ شمس وافترو شويه
شمس🕳لاخالة بعد 5 دقايق موعد العلاج مالتج مااروح خليني يمج
خالتي🕳دروحي ياخاله اني هسه اشربه اخذها علي يلا
علي🕳تفضلي ست شمس كدامي السلطانه امرت اخذج وافرفرج يلا بلا نقاش
🕳ضحكت وكوتله اوكي
كمنا نتمشى ونباوع ع الناس احس نفسي فرحانه حيل دامشي وعثرت ردت اوكع ع وجهي لزمني علي
🕳الله الله شبيج غير اديرين بالج ع نفسج
🕳ههههه مادري مانتبهت يااالله دباوع ع ذاك الطفل شوفة علي شكد حلو
🕳اممم مبين تحبين الاطفال
🕳ايي عشق عشق😍
🕳هههههه ان شاء الله وهمست بصوت ناصي نزوج ونجيب احلى من هذا الطفل😌
🕳شنو ماسمعت زين..سمعت بس غلست سويت نفسي مسمعت
🕳لا لاهيج ماكو شي
تونسنا هواي ورجعنا للبيت الساعه ب 12 بليل تعبانين الكل للنوم اني قبل لااصعد
علي🕳شمس
شمس🕳ها
🕳حضري نفسج باجر عدنا سفره
🕳وين
🕳افرفرج مدينه العاب
🕳يالله صدوك😍لا لا شلون امك منو يبقى يمها يطيها علاج ماروح
🕳معليج دبرت كولشي وحاجيت اهلي حضري نفسج باجر نتريك بره
🕳هههههه اوكي تصبح ع خير لعد
🕳وانت بخير 😍
نمنا واحنا نفكر بشنو صار طول اليوم نمنا فرحانين ومشوقين لباجر وشلون ح نطلع سويه  .....
يتبع.....