دقات قلب بريئة

البارت السابع

علي...المسجات هاي من شخص ديهددني
شمس..شنووو يهددك شنو منو وليش
علي..اهداي شمس لااحد ينتبه
شمس..اوووف احجي هديت
علي..البارحه اجاني شخص للمستشفى طلب مني اروح ويا حتى اسوي عمليه لشخص مقرب منه ماعرف شيصير منه كتله ماطلع خارج المستشفى جان مسلج جبرني اروح ويا رحت وسويت عمليه للشخص المطلوب وكتله مااجي بعد عرفتهم من جماعه المافيا اليوم الصبح خابرني اسمه سعد
سعد ..اليوم عدنا عمليه واكيد هواي راح يصاوبون حضر  نفسك
علي..لااحضر نفسي ولاشي شنو ساعدتك مره ابتليت اني مااخدم المافيا كطنه وشيلها من اذانك
سعد ...هههه لا لا بداعت شمس صدك تحجي
علي..كلب حقير منين تعرف شمس انت
سعد...اششش ولاتتجاوز واطول لسان كلشي نعرف عنك احنة اذا ماتجاوبت ويانة او خبرت الشرطه قسما عظما امحيلك عأئلتك كلهم وأولهم شموسه
وقطع الاتصال🚫
علي...صدكيني شمس هذا كل الي صار
شمس..لاتسمحلهم يهددوك كول للشرطة
علي..خايف عليج شمش
شمس..الله الحافظ ذولي اذا بقيتلهم ساكت ح يتمادون وياك
علي..الله كريم اني عندي معارف بالشرطه والمخابرات اشوف شلون ارهمها
شمس..اوعدني علي متسكت عن السالفه
علي..خلص اوعدج
مرت الكعده بسالفة وهلهوله واتفقو الخميس الجاي تلبيس الحلقات والمحابس وحفلة الخطوبه رحنا يوم الاحد اشترينا ذهب علي وخالتي ام علي ماقصرو اشترولي كومه ذهب تخم كلاده وتراجي ومحبسين وحلقة واربع سوارات وطلب علي من الصايغ يكتبون أسماءنا ع حلقاات مالتنا جنا طايرين من الفرح بطريقنا اشترينا فستان الحفله جان لونه اوف وايت يجنن وبي شغل بسيط رجعنا للبيت وخلال هالايام علي اتصل بمعارفه بالشرطه وخبرهم عن القضيه بقى يتلقى تهديدات من المافيا بس مجان يكولي حتى لايضل بالي بيوم الاربعاء بليل اندكت الباب فتحها اخويه موسى
موسى. ياهلا ياهلا تفضل
علي..ياهلا موسى زاد فضلك خويه جبت العصاير والكيك وتجهيزات باجر
موسى...كواك الله خويه تفضل
شالو الصناديك سويه اني جنت واكفة بالمطبخ مادري بعلي جاي جنت لابسه برمودة ورديه وفاتحه شعري ع طولة فات علي
علي..احم احم ☻
شمس..تفاجأت بجيته ضليت متجمده امكاني
موسى..سلام عليكم😐
علي..عيب من اخوها درت وجهي للباب صح عاقد عليها بس عيب خل احط الحلقة بيدها يلا اخذ راحتي
شمس..حسيت ع اخويه كبل طفرت ورة ميز الطعام وجريت الشال جان ع ميز حطيته ع راسي
علي..سلام عليكم
شمس..وعليكم السلام علي شنو مكلتلي راح اجي
علي..لازم متريدن خطيبج يجي خوش طرده اسمع اختك اسمعها
موسى...ههههه لا يمعود البيت الك والعتبه النا
علي...ماتقصر خويه رحم الله والديك
شمس..تفضلو للاستقبال بين مااحضر الجاي واجيبه الكم
علي ..لاوالله مستعجل عدي هواي شغل
بهالاثناء طلعت امي
امي..شنو ابني وين رايح
علي..تقدمت عليها وبست راسها وكتلها شلونج يمه
امي..هلا  ابني شلونك حبيبي
علي..الحمدلله يمه ع الله
امي..شنو وين طالع يمه بهالليل
علي ..والله يايمه جبت غراض باجر ورايح عدي هواي شغل
امي..اي ياابني بات اليوم وروح باجر
علي..بيتكم عامر يمه بس والله عدي شغل
امي..ع راحتك حبيبي يمه
مع السلامه
مع السلامه
ثاني يوم الخميس رتبت نفسي لبست الفستان وحطيت مكياج هادىء وفتحت شعري وسويته كيرلي وبف صغير من كدام ونزلت كذله بالجهتين ع وجهي ولبست عدسات رصاصي طلعت اجنن عبالك مو اني اجو المعازيم واجو عمامي من شفت عمو الصغير اتذكرت ابويه صارت ادموعي بعيني تمنيته موجود وياي حتى يوكفلي وهو يقدمني للعريس الف رحمه ونور ع روحه
دخل علي فدوة لقلبه شلون هيبه كل البنات الجانن حاضرات فكن عيونهن كد موحلو غرت علي الصراحه هههههه
علي. ..اول مدخلت وشفت شمس طار عقلي ياالله شكد حلوة كل يوم داتحلى اكثر من قبل طار عقلي بيها كعدت بصفها جانت خجلانه ومدنكه كتلها
شلونك ياحلو لك شطالع اليوم
شمس...هههه الحمد لله انت شلونك 🙊
علي..بشوفة القمر هذا شلون اصير اويلي يابا شوكت نزوج😍
شمس ..ياااا شبيك كافي ليسمعونا
علي...ههههه اوكي
كعدنا لحضات ولبسني الذهب الكلاده والتراجي والمحابس والحلقات والاساور
ام علي..رفعي رجلج خاله خل يلبسج الحجول
جانو جايبيلي حجول من غير الذهب الاشترينا
دنك علي ولبسنياهن والكل كامو يتهامسون بيناتهم واسمعهم يكولون هنيالها بين وبين كلبي كلت ضربونا بعين ههههههه كمت اصلي ع محمد وال محد وارتل المعوذات
علي..نهضت بعد مالبستها الذهب كله وبستها من كصتها وكتلها احبج
شمس..الله يخليك الي وميحرمني منك...دمعت عيني
علي ..شبيج حبيبي
شمس. ..تذكرت ابويه ياريت لوجان هسه موجود يمنا اشتاقيتله حيل
علي...اششش لاتبجين حبيبي ادعيله بالرحمه وعد اخذج ونروح لقبره نزوره بس اخذ اذن من امج
شمس ...ان شاء الله حبيبي
ام علي وابوه واخته واخوه كلبو الحفلة دك وركص
وهاي الرادها وهاي التمناها بت الشيخ لابن الشيخ جبناها💃كلللللوووووش
واشكال الهوسه هوسووو متت ضحك عليهم خلصت الحفلة وبالكوة جرو علي من يمي ميريد يكوم ابد هههههه
مر اسبوع ع خطوبتنا احنا  عايشين احلا اللحظات بيوم 2017 شهر 2 يوم 20 بالشهر طلعت داريد اروح للسوك اجيب شوي ملابس الي اثناء ماجاي امشي وكفت 3 سيارات مضللة كبالي  نزلو منها زلم ملثمين ردت اشرد ماخلوني لزموني وحطو شي ع خشمي بعد ماحسيت ع نفسي اله واني بغرفة ضواها خفيف وكدامي كلاص مي ستيل لااكثر حست ع نفسي الغرفة مابيها منفذ ضوة غير الباب ركضت ع باب واصيح طلعوني طلعووووووني وين اني ودموعي يصبن وخايفة واصيح علييي وينك تعال انقذني
سعد...المساعدين مالتي جانو يجيبولي معلومات عن علي وعن عائلته ردت انتقم منه لان خبر الشرطه عني وعن جماعتي طبعا ماكدرو يثبتون عليه شي وخليت واحد من زلمتي يتحملها سمعت خطيبته  تصيح كتلهم فتحو الباب
دخلت عليها  جان كاعده بالزاويه وحاطه راسها بين رجلها
سعد  ....هييي انتي ليش تصيحين
شمس. .رفعت راسي اترجاك طلعني اني ماسببتلكم اذى ومامسببه اذى لاي شخص طلعني😭
سعد ..ردت ارفع ايدي  عليها وازوركها وادز صورها لخطيبها بس مانطاني كلبي حلوة حيل حلوة..
اششش اسكتي ولج ماعدي شي وياج منتضرين علي يجي ونتركج بحال سبيلج
شمس...شنوووو علي لا الله يخليك لاتسووله شي شتريدون منه اكتلوني بس لا تتقربون علي
سعد..هيج تحبس
شمس..اترجاك اتركو
سعد..📲📲📲📲📲
علي..الو منو
سعد...ياهلا بابو حسين شلونك
علي...هذا انت يانذل شنو من بشر انت شرايد متكلي
سعد...حاليا ماعدي شي منك انت العندك شي عندي تعال برجليك احسلك
شمس...علي لاتجججججيييي يكتلوووك تره
سعد..فقدت اعصابي لزمت حلكها سديته
علي...لك كلب حقير شمس شمس الووو وينج والله اذا سويتلها شي ياسعد الحقير ثق بالله امحيك عن وجه الكره الارضيه
سعد  ...لايابه خوفتني هههههه اليوم الساعه 8 بليل تجي ل........... تلكى بالفرع..... تلكى بيت رقم الدار....والزقاق..... والا اقرى ع روح خطيبتك السلام
وسديت الخط
علي...الو الووو ياحقير عااااااااااااااااااا كمت اصيح فقدت أعصابي خفت لايسوي شي لشمس قررت اروحلها بس انطيب خبر لصديقي علوان وحلفته ميحجي لاحد بس كتله اذا مطلعو شمس خلال ساعه اتصل بالشرطه
صارت الساعه 4:30
سعد ..دخلت ع شمس ماماكلة شي من الاكل الجابو الها..شنو لازم معجبج الاكل
شمس  ..ابتعد عني
سعد..كليلي اشفتي بعلي وقبلتي بي
سعد اشرف منك ياحرامي ياحقير الله ياخذك
كمت دااريد اشرد من الباب جانت مفتوحه ركض ولزمني كمت ادفر بي حتى يعوفني واصرخ عوفنييييييييي
سعد  ...شفتها تريد تشرد ركضت عليها جريتها كامت تصرخ عوفني ردت اسد حلكها دفعتها حيل وكعنا ثنية بالغلط صرت فوكاها ردت ابوسها دفعتني حيل وكامت تبجي بعدت عنها
اوكي اوكي اسف
شمس كعدت بالزاويه وكمت ابجي
صارت الساعه 7:30
سعد..📲📲📲📲📲📲رن تلفوني جاوبت
شنوووووو لانعل ابو لابو الينطي خطيبته يحلم يشوفها بعد كلوله ماتت
شمس..متت خوف ياالله شراح يسوون بيه راح اموت اي راح اموت😭تشاهدت ع نفسي استذكرت ايامي ويه علي وأهلي وكل حبايبي
دخل عليه شخص شايل بايده سلاح غمضت عيني تشاهدت سمعت طلقة السلاح طلعت🔫🔫🔫
كلت هاهيه لاحكه ابويه اتشاهدت بيباي حبيبي علي بيباي يمه بيباي ياكل حبيايبي احبكم..........
يتبع.........