علي..سمعت صوت شمس فجأة انقطع الاتصال رجعت اتصلت بالرقم نفسة
علي..الو
شمس ..الو علي وينك تعال اخذني منا😢
علي..لج وينج وين انتي
شمس..اني بالبساتين بمنطقة____تعال اخذني بسرعه
علي..ابقي مكانج جاي ماطول طلعت مثل المخبل عليها بس اريد اوصل
قبل ساعتين
شمس..اجا سعد وكلي كومي يلا خلال 5 دقايق رايحين لغير مكان اني كلت هاي فرصتي لازم اشرد
منا فجاه رن تليفونه طلع برة يحجي اسمعه يحجي وية شخص اسمه علوان ويكله انت غدرت بصديقك معقولة ماتغدر بيه لهنا تفاجأت كلت معقولة علوان هيج يسوي بعلي دخل عليه سعد
سعد..يلا كومي خل نروح
شمس..الجنت تحجي ويا علوان صديق علي مو
سعد..وشمدريج انتي
شمس..سمعتك تحجي
سعد..هذا علوان انسان حاقد ميريد الخير لاي بشر ومن ضمنهم خطيبج يريد ياخذ مكانه بالشغل وبكلشي يخص حياة علي حتى انتي
شمس..شنووو اني ليش
سعد..يابنت الناس هو اني المارف كلبي ع مرة رف كلبي عليج امشي امشي
شمس ..بقيت ساكته لازم ماانفعل حتى اشوف فرصة واشرد بيها صعدنا سيارة سعد يسوق واني بالصدر
سعد..حطي حزام الامان شمس اي خطوة تفكرين بيها مااتردد وافرغ السلاح براسج
شمس.._______
مشينا بطريق مابي سيطرات سويت نفسي نايمة
فجاه حسيت ع سعد نزل يشتري جكاير من كشن ع شارع وتارك تليفون زغير بالسيارة اخذت الموبايل وكمت اركض بين الاشجار عبالك بستان دامشي بي ماعرف وين اني شفت لافته كبالي مكتوب عليها منطقه______دكيت ع رقم علي فجاه انقطع الاتصال وهو همزين رجع اتصل بيه وانطيته العنوان
سعد..رجعت للسيارة مالكيتها تخبلت وين راحت هاي عفتها نايمة كمت اركض ادور عليهاا ماكو فص ملح وذاب
شمس..بقيت منتضرة علي بالمكان نفسه متحركت
فجاه حسيت شخص حط ايدة ع كتفي فرحت عبالي علي التفتت لكيته سعد
صرخت سعععععد
سعد..عبالج تهربين مني انسيها يلا كومي
شمس..يجرني من ايدي اني اصيح عووووفني عووفني حقير نذل عوووفني
سعد..لو تنكلب الدنيا امشييي
علي..وصلت المكان مالكيت شمس فجاه سمعت صياحها ركضت باتجاه الصوت لكيت رجال يسحب بيها وهيه تصرخ ركضت علي دفعته وطحتله دك بوكسيات كمنا نتلاوى اني ويا
شمس...علي وسعد يتلاوون كدامي واحد واني واكفة ابجي سمعنا صوت سيارات الشرطه اجتي اخذت سعد
سعد..شمس انتي اول مرة يرف كلبي الها لاتنسين هالشي
شمس..اني كمت ابجي واباوع ع علي علي فتحلي ايده ركضت علي وحضنته متت بجي ع صدرة
علي..حضنت شمس جنت مشتاقلها كلش وفرحان لان رجعتلي حمدت الله وشكرته لان وصلتلي سالمه
شمس..رجعني للبيت اريد اشوف امي
علي..صار حبيبتي
رجعنا للبيت ودكينا الباب فتحها موسى شافني كبالة حضني وكام يبجي
موسى..كسرتي ضهري ياخوية وين جنتي
شمس..اسفة حبيبي اسفة الله لاينطيهم ان شاء الله
دخلت للبيت لكيت الحجية تون
حجية شبيج تبجين متريدين تحضنين بنتج
امي..يمه شمس يابعد كل اهلي وناسي يمه وين رحتي وعفتيني هاي انتي لا لا مااصدك
حضنتني حيل وكمنا نبجي جنا مشتاقين حيل لبعضنا
موسى..شنو الصار شمس احجيلنا
شمس..حجيتلهم القصة كلها بالتفصيل
موسى..اسف خوية علي اعذرني غلطت بحقك من ضربتك
علي..لاخوية مسامح كلبك جان محترك ع اختك
امي..يمه جوعانه
شمس..ميته جوع اريد اكل من ايدج
امي..خزا الجوع بنيتي نص ساعه والاكل يمج
شمس..كمت سبحت وبدلت نزلت لكيت امي محضرا الاكل اكلت الحمدلله دخلت بالاستقبال لكيت علي كاعد ويباوعلي رحت يمه حضنته
علي...اوف شكد مشتاك لعطرج
شمس..اشتاقيتلك حيل حبيبي بعادك حيل صعب
علي..لج اني بقيت عليج مثل المخبل عبالي متي دزولي مقطع فيديوو يرمون عليج
شمس..لا جانت خطه هاي من علوان وسعد
علي..علوان؟؟
شمس..اي علوان وحجيتله كل السمعته
علي..هالكلب الحقير اذا مااخلص علي بايدي مارتاح وطلعت مثل المخبل بنيتي اروح لبيتي اجيب سلاح واروح لعلوان انهي عن الوجود
شمس..موسى الحك علي
موسى..شكو
شمس. امشي امشي بالسيارة احجيلك
امي...خير شكو
شمس..بعدين احجيلج يمة لايضل بالج
علي..وصلت للبيت اخذت سلاحي وكبل للعياده دخلت العياده صحت علووووووواااااان شفته كبالي
متحملت صوبت السلاح علي اجو الشرطه وشمس وموسى يكلولي لاتتهور
شمس ..تخبلت شفت علي لازم السلاح ع علوان كلت هاهيه راح علي من ايدي راح ينسجن توسلتله يترك السلاح جان مصمم يقتله فجاه سمعت صوت طلقة
صرخت لااااااا علييييي😭
...............يتبع
أنت تقرأ
دقات قلب بريئة
Roman d'amourفتاة شابة تقع بالحب وتخوض تجربه فاشلة واصبحت تكره جنس ادم وتخاف من كل مايسمى بالحب ولكن يضهر في حياتها فجأه شاب وسيم ويحاول بشتى الطرق كسب قلبها فهل ستقع في حبه ؟؟ وماشان المافيا بحكايتهم...
