دقات قلب بريئة

البارت الثالث عشر

جنا بالمحكمه
القاضي..حكمت المحكمه ع المتهم سعد بالسجن 25 سنه
فرحنا حيل بهالقرار وبعد نصف ساعه استدعو علوان وكذلك حكمو علي بالسجن 25 سنه لان عده جريمه خطف اخرى
طلعنا من المحكمه فرحانين تشكرنا المحامي
علي..يلا عازمكم ع غدة
حسين..لا هالمره ع حسابي
علي..لا شلون رهمتها امشي لازم نحتفل لان نجحت انت بالقضية ولان احنا ربحنا القضيه
حسين..ميصير والله
شمس..شنو رايكم اني أعزمكم بس لاتتعاركون☺
علي ..اخر عمرنا النسوان تعزمنا😂
حسين...ههههههه اي والله حجيك درر
حنين...شبيهم النسوان عيني😒
شمس..مدري مضغوطين😏
الكل..ههههههههه
طلعنا بسيارتنا وصلنا للمطهم طلبنا علي كباب وصاج وعصاير كملنا اكلنا الحلو وفرحانين ونسولف بعدها رجعنا للبيت ووعلي راح للعياده وحسين رجع لبيته
لليل دك عليه علي سمعني اخبار حلوة
علي.. باجر حسين صديقي حاب يجيب اهله عليكم
شمس..ها وليش يجون
علي..ع اساس يريد حنين  هو معجب بيها كولش ورايدها ع سنه الله ورسولة واعرفه هو خوش ولد فخل يجون وانتو بكيفكم
شمس..شوكت يجون
علي..باجر العصر هو كالي انطيهم خبر لان استحى يحجيلكم
شمس ..خير ان شاء الله
ضلينا نحجي ونسولف لحد مانمنا ع صوت بعض بدون منحس
ثاني يوم الصبح كعدت لكيت حنين كاعده وتنضف بالبيت
شمس..شنو هالنشاط اليوم😉
حنين..هيج ماكو شي ضجت كلت خل انضف
شمس..تنضفين من صبح مو😉
حنين..يعني منصير انضف😏
شمس..عجيب اول مره حنين يعجبها التنضيف🙄
امي..الله هاديها يمه خليها تنضف
حنين..اي ماما احجي عليها ترة ابطل تنضيف
امي..لا ع بختج كملي ولج شمس اسكتي😠
شمس..ههههههههه اكول يمه بعتيني مو
امي..انتي ح تزوجين وتعوفيني هاي المدللة غير اديربالي عليها
شمس..وشمدريج هيه مراح تزوج ويجوز قبلي هم🙄
حنين..😯______
شمس..غمزت لحنين..يمه اليوم العصر جايين عائله المحامي حسين حابين يتعرفون علينا ورايدين بنتج المدللة
امي..صدك يمه منيلج هالحجي
شمس..والله البارحه خابرني علي وكلي
امي..كلللللوووووووووش الف الحمد والشكر الك ياربي بناتي احسن قسمه اجتهن وكامت تبجي😭
شمس..هسه يايمه ع شنو البجي
حنين..كافي يمه لاتبجين
امي..دموع الفرح يمه خلوني
موسى..خير شنو هالهلاهل وصلت لراس الشارع
امي..هلا يمه شلونك
موسى.. بخير يالعزيزه ربحنا اليوم المباره 3-4 وتاهلنا للنهائي(نسيت اكلكم موسى لاعب كرة قدم يلعب ب نادي______)
امي..يا والله اله ادبج دبج الفرحين فرحتين و كلللووووووش
شمس..غمزت ال حنين ورحنا ع امي حضناها وكمنا نركص ونركصها
امي..ولجن كافي فحطتني
شمس وحنين..هههههههههه
موسى..فهموني فرحتين شنو😒
شمس..حطيت ايدي ع كتفه وكتله حبيبي جاين خطابه ع حنين
موسى..شنو منو
شمس..ههههه المحامي حسين اليوم العصر جايين علينا
موسى..لاصدك
شمس..اي والله 
موسى..باوعت ع حنين وكتلها..ودراستج ولج
حنين  ..ها____
موسى..دراستج صعبة شلون راح تحملين مسؤليه الدراسه والزواج
شمس..هسه بعد ماصاير شي خل يجون ونشوفهم والله كريم واذا ع دراسه بسيطه حنين تعرف شلون تصرف
موسى..ماعدنا نسوان للزواج قبل ميخلصن دراسه
حنين..😢
امي..هسه انت عاد المخلص دراسه😒
شمس..شبيك موسى هيه حياتها وحرة بيها😐
موسى ..اش كافي كلمتي كتلها ماعدنا نسوان للزواج قبل ميخلصن دراسه وهيه طب ومرحلة اولى لازم تشد حيلها يازواج يابطيخ
شمس..اني اختك الجبيره لتكول اش 😒
امي..احترم ولك😠
موسى..ماكو زواج واني شكلين مااحجي
____________يتبع
توقعاتكم للبارت القادم معقولة موسى راح يرفض حسين