فتحت المسج لكيت رقم غريب دازلي
..مشتاقلج
..شمس جاوبي فدوة
..اني احمد
...تفاجأت حيل بوقتها وكلت هذا شذكره بيه هسه مااريد ارجع للماضي خليت وحضرتة راسا وغلقت فوني
انتبهلي علي
..شنو شبيج شو عركانه شمس
..ها لا ماكو شي بس راسي ياذيني صاعده انام ورانا سفر باجر تصبحون على خير
تصبحين ع خير
■علي..ضليت متفاجا من رده فعل شمس ضل بالي يمها لشوي ترخصت من اهلي كتلهم رايح انام صعدت دكيت الباب ع شمس مجاوبت كلت يجوز نامت دخلت لغرفتي نمت
■شمس ..صعدت لغرفتي غلقت فوني ونمت ماريد اعكر مزاجي بشخص ميسوى
■علي..كعدت بنص الليل وسمعت صياح طالع من غرفة شمس تخبلت راسن فتحت غرفتها عبالي صار عليها شي تالي شايفة كابوس وتصيح كعدتها ع كيفي
علي..شمس حبيبي اكعدي اكعدي كلبي
شمس..حسيت ع نفسي شفت علي كبالي شفت كابوس يخوف انو علي كاعد بصفي وكاعدين نسولف وفجاه اختفى واصيح علي علي وابجي وهو ماكو لحد ماكعدت لكيته كبالي حضنته وكمت ابجي متحملت
علي..اششش حبيبي مجرد كابوس ماكو شي اني يمج
شمس..شفت منام يخوف انت عفتني ورحت مدري وين
علي..كل عقلج اعوفج اني ماصدكت لكيتج ..
بعدت شعرها ع وجها ومسحت دموعها
اشش حبيبي خلص ماكو شي اني يمج وبستها من رأسها ..يلانامي وراج كعده من الصبح
شمس..اوك
علي..غطيتها وردت اطلع برة جانت لازمه ايدي
انتضرتها بين متنام قريت عليها المعوذات وسورة الحمد وايه الكرسي بعدين طلعت
صار الصبح
نزلنا تريكنا خلصنا ..طلعنا مباشره متوجهين لبغداد جنت مشتاقة لاهلي وبالاخص امي اشتاقيتلها حيل طول الطريق افكر بيها صح جنت كل يوم اتصل بيها بس مو بيدي اشتاقيتلها اول موصلنا للبيت دكيت الباب طلع اخويه موسى حضنته وبوسته مشتاقتله حيل استقبلتنا امي حضنتها وكمت ابجي كد مو مشتاقتلها عبالك دهر غايبه عنها وسلمو اهلي ع بيت خاله ام علي ودخلنا جوة جان وكت اذان الضهر صلينا وخلصنا والوالده جانت محضره الغدة تغدينا وخلصنا بعدها كعدنا بغرفة الضيوف نشرب جاي
خالتي..ام موسى اني حجيتلج بخصوص علي وشمس وانتي مرديتيلي جواب
امي..والله ياخاله اكيد منلكى احسن منكم بس هيه هم عدها عمام نسالهم واالله يقدم ال بي الخير
شمس..جنت خجلانه كلش وعلي يباوعلي ويبتسم
ابو علي..والله ياام موسى عاشت ايدج ع هالتربيه ونعم التربيه عاشت شمس ويانا كم يوم بسرعه عودتنا عليها الله شاهد اعزها بمعزه ولدي
امي...الله يحفظك عمو ويحفظلك الولد كلهم
ابوعلي...انطي خبر لعمامهة وردولنة خبر وشتريدون احنا حاضرين
امي..ان شاء الله ان شاء الله
ام علي ..هسه احنا نترخص
امي..وين وين
ام علي..هاهيه شفناكم وتغدينا يمكم نروح لبيتنا ال بالكراده نكعد بي بين مااتردولنا خبر
امي..ياخاله صدك جذب قابل انتو غربه وهذا هم البييت بيتكم
ابوعلي..ماتقصرين ام موسى
ام علي..ماتقصرين بس اروح اجهزه واكول للخدم يحضرو لان ورانا خطبه هههههه
الكل....ههههههههه الله يقدم ال بي الخير
راحو بيت خالتي واني صعدت لغرفتي داابدل فرحانه كلش دخلت عليه امي
امي..شمس تعالي احجيلي شنو رايج بالكلام الكالته خالتج
شمس..ماما همه خوش ناس واني عشت وياهم وخالتي فدوة لكلبها ابد ماحسستني اني غريبه دللتني دلال
امي..وعلي🙄
شمس..شبي علي
امي..شبي علي مووو عبالج ماشفته شلون يباوعلج وانتي تباوعيله وتبتسمين
شمس..خجلت حيل مامااا خلص
امي..هههه الله يسعدج بنيتي قابل شريد اني راح اطي خبر لعمامج حتى تصير الكعده نامي واخذي راحتج
شمس..اوكي ماما
ستوني دااحط راسي ع مخده دك علي
علي..الو
شمس..الوات عيني شلونك
...تايه من دونج لج اشتاقيتلج
...هههه شدعواك قبل ساعه اني يمك
..لج شنو يعني ماشتاقيتيلي😯
...اممممممممم
..ايي اممم شنو اممم
...اشتاقيت🙈
..اويلي اويلي رحت فدوة للهالصوت
...هههههه
...يربي انوب تضحك افقد ع ضحكه هاي يربببييي
...هههه خلص علي
...يعيون علي
...علوش اريد احجيلك شي
...كولي حبيبي
...شي يخص الماضي
...شمس ماريد اسمع شي يخص ماضيج اليهمني حاضرج ومستقبلج
...بس هالشي مهم لازم تسمعه(ردت احجيله عم علاقتي باحمد بس هو ماقبل لذلك سكتت ماحجيت)
...ميهمني شي والله لو مهما يكون
..سكتت ماحجيت شي
ضلينا نحجي بعدها نمت شوي للمغرب نزلت امي كالت حاجيت عمامج وكالو حيسالون عنهم
شمس..وليش يسألون قابل همه غريبين حتى يسألون عنهم
امي..اني هم كلتلهم هيج كالو انتي تعرفين شكل واحنا نعرف شكل يمعوده خل يسألون خسرانين شي احنا الناس درة مال الله
شمس الله كريم
..بقينا يومين عمامي مارادين خبر وعلي كل يتصل ها ماردو خبر واكولة لا ماردو.
..صادف يوم خميس عمامي اتصلو وردولنا خبر باجر الكعده وهمه سالين عليهم وطالعين خوش ناس مايتعيبون خابرت امي خالتي وكلتلها واتفقو الجمعه الكعدة
..اتصلت بعلي 📲📲
شمس ..الو علي وافقو عمامي باجر الكعده
علي..لج صدك تحجين
شمس..ايي والله حبيبي هسه خابرو ماما وجيت ركض خابرتك
علي..فدوة لكلبج واخيرا حتصيرين حلالي احبببببببببببببببببج
شمس...هههه كافي فضحتنا لصيح
علي.. ههههه تدرين اني هسه بطريقي للمستشفى داسوق والناس كلها كامت تباوع
شمس...هههه يلا سوق روح سوق لاتسوي حادث يمعود
علي..احبج
شمس..واني هم
باي
باي
فرحت حيل بالخبر هذا بس احتاريت شلبس باجر كلت باجر الصبح اروح للسوك واجيب شي مناسب بضرف ساعة اندكت الباب فتحت الباب وكان مندوب مبيعات جايبلي فستان يجنن وياه ضرف فتحت الدازه الي علي حيل فرحت واتصلت بي واتشكرته
ثاني يوم الجمعه بدلت وحطيت مكياج خفيف وفاتحه شعري ع طوله نازل ع ضهري وكتافي طالعه اجنن اجو عمامي نزلت استقبلتهم باسوني من راسي يحبوني حيل لان فارضه شخصيتي بين كرايبي عمري مجبت الهم مشاكل ابد ورة دقايق اجو بيت خالتي صارت الكعده الزلم يم الزلم والنسوان يم النسوان جان علي جايب مشييه حيل جبيره هواي زلم وهواي نسوان وكل النسوان تعجبو عليه كد ماطالعه حلوه
خالتي..ماشاء الله ما شاء الله عيني بارده عليج بنتي هنياله علي عليج
شمس تسلمين خالة الله ميحرمنا منج
خالتي..اعرفج بنتي هاي جيهان بنتي المزوجه
شمس..اهلا وسهلا جيهان اتشرفت بيج
جيهان..الي الشرف شموسه ماشاء الله اخويه يعرف يختار هالاجكم 😂
خالتي...ههههه لج لاتحجين ع اخوج متقبل مرته
جيهان...ايي عيني ليش لا يمه الحب يمه😉😍
شمس...هههههه خجلت حيل
كعدنا لشوي سمعنا عمامي انطو الموافقة هلهن النسوان كلبو البيت هلاهل
جابو السيد حتى يعقدلنا وحطو مقدم 20 مليون ومؤخر 25 مليون
عقدلنا السيد وتم الزواج رجعن النسوان هلهن مره ثانيه
جنت فرحانه حيل واحس كلبي يريد يطلع من مكانه
لشوي فات علي يمي من شافني ظل فاتح عينه كعد بصفي حتى ياخذولنا صور
علي..همست لج شطالعه اليوم ماتحمل كل هالجمال تريدني تموتيني
شمس.. خجلت حيل .وكتلة علي ليسمعونا شبيك
علي..واذا سمعوا مرتي حلالي❤
شمس..هههه🙊
كاعدين دناخذ صور وكل شي فون علي يرن وعلي يطي رفض اخر شي خلا صامت وحطه كبالي ع طبلة ضليت محتاره منو ديتصل ع علي وره دقايق اجا اشعار مسج
✉علي اني اعلمك هيج تسوي بيه انت فرحان مو ثق بالله الة اكلب حياتك مثل ماكلبت حياتي
✉لاتتفاخر بالعندك ترة اني بلمح البصر اخرب عليك كلشي
ضليت متفاجاه حاجيت علي كتلة علي شنو هالرسائل ومنين علي انكلب وجهه اصفر وكام يتعرق
شمس.. علي لحد هسه اثق بيك احجيلي شنو السالفة
علي ..راح احجيلج
شمس ..اسمعك
علي..الرسائل هاي من____________
...........
توقعاتكم منين الرسائل
معقوله علي ديخونها او اكو سبب آخر
أنت تقرأ
دقات قلب بريئة
Lãng mạnفتاة شابة تقع بالحب وتخوض تجربه فاشلة واصبحت تكره جنس ادم وتخاف من كل مايسمى بالحب ولكن يضهر في حياتها فجأه شاب وسيم ويحاول بشتى الطرق كسب قلبها فهل ستقع في حبه ؟؟ وماشان المافيا بحكايتهم...
