دقات قلب بريئة

البارت الثالث

صار الصبح ..
كعدت فرحانه سبحت بدلت ملابسي لبست بنطرون وفوكاه فستان قصير ولفيت حجابي وحطيت مكياج خفيف ونزلت ..لكيت خالتي وزوجها كاعدين صبحت عليهم بهالاثناء نزل علي لابس بنطرون كابوي وقميص ازرك وسترة سوده طالع كيوت كولش 😁
علي..صباح الخير
خالتي..صباح النور يمة شنو هالاناقة اثنينكم تخبلون طالعين.
ههههه يمه غير طالع عليج انيق واخبل
ههههه امشي لك لوتي يلا اخذ شموسه ودير بالك عليها
ان شاء الله مع سلامه
مع سلامه
طلعنا سويه فتحلي باب السياره
..تفضلي انسة
..هههه يسلمو استاذ
..اي وين حابه نروح
..ممم ماعرف انت الدليل السياحي مالتي وديني وين متحب
..ههههه اوكي راح اوديج لمكان ارجعلج بي طفولتج
...يلا خل نشوف
ورى شويه وصلنا لمدينة العاب
يااالله علي😍
يلا انزلي انزلي هههه هواي العاب كدامنا خل نلحك نشبع منهن
يييي يلا💃💃
نزلنا لعبنا هواي العاب تمشينا بين الاشجار
صار وكت الاذان رحنا لجامع قريب صلينا صلاه الضهر والعصر بعدها رجعنا لمطعم قريب تغدينا ورجعنا مره ثانيه نكمل لعب هواي العاب مصعدناها
صعدنا لعبه النفق المرعب
..يلا اذا طلعلج وحش جوا الزمي ايدي ولتخافين😌
..لا ع شنو اخاف ماخاف اني بطله
..هههههه يي خل نشوف
دخلنا النفق المرعب وكوله اصوات مرعبه وتخوف مااحس اله فد شي من بين الظلام صرخ بوجهي وشكله بشع اني خفت حيل

صرخت علللليييي وحطيت راسي ع كتفة
هو حط ايده ورى ضهري لتخافين ماكو شي مجرد لعبه
ما ما يخوف اني شفته شكله حيل بشع😥
ههههه لج هو مجرد تمثال اهدأي
ما ما اريد اطلع طلعنيييي😢
هههههه يلا وصلنا انزلي وصلنا
نزلت واني كلبي يدوك سريع من الخوف
ههههه ها مو كتلج هسه تخافين لزمي ايدي دمرتي قميصي بدموعج
اااا..اسفة مو قصدي بس خفت كولش 😤
بعد لو اموت ماافوت النفق صدوك مرعب
كضاها علي طول الطريق يضحك عليه و ع خوفي واني اسكت بي ميسكت زعلت علي كام يركض وراي يريد يراضيني
...شمس شموسه
...ما ما ماحاجيك روح
...اخ الله الحلو زعلان شلون يرضى
...معليك بيه يلا رجعني للبيت
واكفة ومكتفه ايدي ودايره ضهري علي ماحس اله هو  واكف كبالي وبيده شعر بنات
..ماكدر ع زعل شموسه😉
اني افقد ع شعربنات😍
..ادري  بيج تحبي يلا لتبيعين ثكل تره اكلهم اثنينهم🙄
..لا لا اطيني هههههه
كمنا نتمشى وناكل شعر بنات اثنينا
وكفنا كبال شجره عاليه ويمها كراسي كعدنا سويه
..شموس جنج طفلة ع خدج شعر بنات
..ها وينه لزمت خدي وينه ووينه
......مديت ايدي دامسح خدها حسيت عليها خجلت وخدودها صارت حمر ياالله شكد حلوة حلوة بعصبيتها وبخجلها وبجرأتها وبسوالفها وبكلشي حلوة
ضليت صافن بيها بعدين حسيتها صدت نضر عني كد ما خجلانه غيرت الموضوع
...ياالله تدرين خايف النتائج باجر تطلع
...لاتخاف ان شاء الله ناجح متفائله بيك
.....كضيناها نسولف لحد صار الليل تعشينا ورجعنا للبيت سهرنا ويه خاله وعمو ع تلفزيون ورى شويه صعدو خالتي وعمو نامو بقينا اني وعلي نباوع ع تلفزيون  دك تلفون علي اسمعه يكوله لا يمعود صدوك تحجي اشوفة ركض ع لابتوب بسرعه ووالخوف مبين علي
كلناله خير شبيك
..النتائج طلعت داشوف
اني لازمه قلبي وادعي هو يباوع عليه
..هههه اني مخايف مثلج شبيج اهدأي مو عدج احساس انجح
..اي غير دادعيلك من كل كلبي شبيك
..اي هذااسمي ناجح ناجح وبامتياز
..اني ضحكت وفرحتله حيل مااحس اله هو حضني من كد الفرحه وصيح شمس ناجح ناجح 😍
..اني ضليت صافنه لااكدر ابعده ولااكدر احضنه
علي...حسيت ع نفسي حاضن شمس ياالله ريحتها اجنن مابودي ابعد عنها بعدين بعدت كتلها اسف بس كد الفرحه ماحسيت ع نفسي
..لاعادي الف  مبروك
مامصدك شوكت يجي الصبح حتى ابشر اهلي
ههههه مظل شي يلا خل نروح انام وراك كعده
صعدنا نمنا كل واحد بغرفته ضليت اتخايل شلون من حضني ريحته بعدهة عالكه بملابسي
علي..ضليت اذكر من حضنتها شلون حسيتها ترجف بيدي ناعمه وزغيره ضاعت بحضني عطرهة خبلني بالكوة تلازمت نفسي مابستها خلص قررت اصارحهة بمشاعري تجاهها بعد حفلة تخرجي خلص اريدها تصير شريكه حياتي
صار الصبح
بشرت اهلي بنجاحي فرحولي حيل خابروني زملائي الحفلة باامريكا اتفقنا عليها
حاجيت امي كتلها كالت اكيد يجون
..يمه وشمس تجي
..يي يمه تجي اني احاجي امها واخذ اذن منها
..يي بعد كلبي يمة شمس صديقتي واريدها تشاركني فرحتي
..بس بس صديقتك🙄
..هههههه يمه شبيج ان بعض الضن اثم
..يي دروح روح ابو الضن
خابرت ام شمس واخذت اذن منها شمس فرحت حيل باجر من صبح طالعين لامريكا
..بليل اندكت باب غرفتي كمت فتحت الباب لكيت صندوك بالكاع باوعت منا ومنا ماكو احد شلت الصندوك فتحته لكيت بي فستان وشال وجنطه وحذاء لحفلة باجر ابتسمت اكيد هاي من علي لكيت كارت بيها مكتوب اتمنى يعجبج ذوقي ..بكلبي شلون ميعجبني يابعد ذوقي ذوقك☺
صار الصبح تشكرته ع هديه طلعنا بالطياره كعدت بصف علي وخالتي وعمو كبالنا
وصلنا للفندق غرفتي جانت بصف غرفه علي فتت ارتاحيت بليل الحفلة لازم ارتاح شويه
اما علي ضل يخطط ويفكر شلون راح يصارح شمس بعد حفلة التخرج
صار الليل كعدت لبست الفستان الجابلياه علي وحطيت مكياج خفيف طلعت اجنن😍 صح راح يكونن بنات ممحجبات بالحفله وبنات اجانب بس اني مقاصره حلوة فديتني 😌
علي...بدلت لبست القاط مالتي والرباط طلعت صااك اكيد شمس مراح ترفض كل هالجمال اليوم ههههه والله عمي كلها بجفة وشلون راح اصارح شمس بجفة
طلعت لكيت شمس كبالي واكفة تفاجات بيها كد مو حلوة
...لك لك فديت هالجمال بطلت ماخذج للحفلة وين اضمج من عيون الناس
...ههههه وانت هم مراح اخليك تروح للحفله وين اضمك من عيون البنات ح ياكلنك اكل بعيونهن
...لايمعوده ميهمني هيه وحده بهالكلب .واشر ع كلبه
...يي عيني اي ليش لا واحنا اخر من نعلم منو هاي بلة
..معليج ح عرفج عليها بنهايه الحفلة اليوم😉
..اي خل نشوف
بداخلي ضجت كلت معقولة يحب وحده من زميلاته 😤
وصلنا القاعه جانو كل اثنين بنيه ولد لازم يطبون سوه ويصوروهم
هواي بنات رادن يفوتن ويه علي وهو مطنشهن ماحس اله لزم ايدي حطها بايده وغمزلي كلي يلا يااميرتي خل نفوت ابتسمتله وكتله ليش مفتت ويه وحده من زميلاتك او حبيبتك الحجيتلي عنها
..ضحك وكالي كولشي بوقته حلو
..ياالله هذا شبي يلعب باعصابي😤
الحفلة جانت كولش حلوة ركص واغاني والبنات جانن يتوددن لعلي وهو مغلس ولا اباله طول السهره يباوعلي
امه وابوه اترخصو منه كالوله منكدر نبقى صارت الاصوات صاخبه
بقينا بس اني وياه طلعت هديتي اطيتها جنت جايبتله ساعه كولش حلوة
شافها كال كولش حلوة بس مجان اكو داعي اتكلفين نفسج
بالعكس ماكو تكلفه ☺
نزع الساعه اللابسها ولبس الساعه الجبتها اله
...حلوة 😉
...ههههه اجنن ع ايدك
..يلا كومي كومي
..وين
...معليج كومي خل اعرفج ع حبيبتي😉
...ها😕
..كمنا صعدنا بالسياره واني طول الطريق افكر منو وشلون ح يكون شكلها حبيبته
وصلنا لمكان كولش حلو اشجار وكدامه البحر نزلنا
كتله وينها ماكو احد هنا
كالي باوعي ع يمينج
اباوع اتفاجات بكلبي صحت لا ياالله
........
.........يتبع