وينهم جماعه الجزء قليل.... هاكم زيدتة الكم😌
قصة #قلوب_تنبض_بالحب٢ الجزء الرابع
الفصل التابع لقلوب يتيمه....... للكاتبة لينه سعد
................
... ابتسم واقترب اكثر... وحظن وجي بايدة وهو يباوع علية بكل نظرة حنينة وكال
_اني دومي اخاف عليج.... حتى من نفسي
.. ابتسمت وكمشت ايدة الي جانت على وجي وكلت اله
_ليضل ابالك.... ترة امك تعرف كل كلمة انطقهة مجرد ضحكة فليروح ابالك لبعيد
... بهاي اللحظة انفتح باب غرفتي..... وتطلع نيروز
...................................................
جنت كاعدة على جربايتي واني ادرس...
بدة نبضات كلبي تنبض بسرعه....
عرفت هو هنا....
ابتسمت.... اعرف هاي النبضات بس تنبض اله..... اله وحدة
فزيت من جربايتي.. ورحت خليت الشال على شعري
بديت اقترب من الباب... سمعت صوتة...
بدت ايدي ترجف...
ونبضي يزيد
فتحت باب غرفتي... واشوفه واكف كلش قريب من فيروز....
بدت تختفي الابتسامه اشوية اشوية
ارتبكت ماعرفت شنو الي اسوي
ابقى واني اشوف قربة الزايد منه.... لو ادخل واعوفهم سوه...
جنت اتكطع من داخلي واني اشوف اهتمامة الزايد اله
جنت اتمنى يعاملني مثل مايعاملة
ظليت واكفة متسمرة لحد ما حجت فيروز
_اشلونج حبيبتي... وابتعدت عن رائد....
_زززينه.... جانت كلمتي مهزوزة
بدت كلماتي تطلع وكلت
اشلونك رائد
_هلو نيروز.... يلة اروح لان ميت من الجوع
.. بدة يمشي واني واكفة اراقب مشيته وهو يبتعد
دخلت فيروز
.. دخلت وراهه وسديت ااباب واني اباوع على فيروز وهي اتبدل ملابسهة
جنت اعرف هي متحبة...... بس اعرف هو يحبهة
واني مااعرف شنو دوووري
جانت الصرخات الي بكلبي تكتلني....
صح معروفة بهدوئي... وجبني... من ابسط الاشياء
مو مثل فيروز واثقته بنفسهة
بس الصرخات الي بكلبي تكدر اتهد كلشي بساعه طيش
جنت احاول اقلدهة بكل شي.... بس مااكدر اني اختلف عنهة بهواي اشياء
اني المي وهي النار
اني نسمه الهوى وهي اعصار
مااعرف اشلون ابعد الحب الي بكلبي اله... الحب الي يمكن بيوم يدمرني
_هاااا اشبيج صافنة
... فزيت على صوت فيروز
_لا مابية شي...
.... بديت اقترب منه وكلت
انتي هواي اشوفج لازكه برائد يعني لازم اتخلين احدود بينكم لان حرام تصرفج هو مو اخوج
.... ابتسمت على كلام نيروز....
اني اعرف بكل مشاعرهة... اعرف كمية الحب الي اتحبة لرائد... حبت اكثر واحد راح ياذينة بيوم
يوم الي اهد هذا البيت واكشف كلشي
.... اقتربت منه وحظنتة حيييل وكتلة
_ماشي حبيبتي.... بس اني اعتبرة اخوية الجبير
اخوية الي ماحظيت بي وحتى هو يشوفني اختة يعني مستحيل تتحول هاي المشاعر لشي ثاني
... ظليت صافنة واني شابكة فيروز....
ومااعرف هي تتغابى هذا الشي....
يعني معقولة ممنتبة لرائد وشلون يباوع الهة....
يباوع الهة بنظرات مثل مااني انظر اله
اني اشوف اللمعه الي بعيونه بس من يشوفهه هي بس
معقولة هي ممنتبهة لكل هذا؟؟؟
