قصة #قلوب_تنبض_بالحب٢ الجزء الاول
الفصل التابع قلوب يتيمه....... للكاتبة لينه سعد
..................................
بعد مادخلت فيرروز.... لمدير المستشفى ''دكتور ناجي ''
_اتصور عرفتي الي راح اتسوينة
.... باوعت علية بحقد.... وهزيت راسي
سديت الباب وراية بقوة
وظليت واكفة... واني اتنفس ابقوة.....
غمضت عيني واني احاول اسيطر على نفسي
_دائما يطلع واحد يحاول يذلني.....واحد ياذيني بس صدكني راح اتشوف الي مشفتة مني دكتور ناجي
.... مشيت واني احس الكاع جواية تلهب من كثر الحركة الي بكلبي
... اني طبعي مااحب واحد يكسرني بشي... مااحب واحد يكول سوي ولا تسوين...
اني سميرة كسرتة... ومخليتة تتحكم بية
وهسة يجي دكتور ناجي.....
..... جانت تمشي بحركتة الي تجذب كل شخص يمر بقربة... جانت خصلاتهة الي تتطاير لكثرة السرعه الي تمشيهة
مشيت..... واني اريد اوصل للمصعد علمود اصعد للطابق العاشر... الي موجودة بي المريضة...
.... بدت خطواتي تتسارع وانفاسي تلهب ....
اتقربت من المصعد.... ودست على السهم الموجود بالمصعد
وكفت انتظر... واكيد وياي مراجعين
... الي نظراتهم... متنشال من علية
... بس اني ممهمتة.... جنت واكفة ومخلية ايدي بجيب روب الخاص بيه
... وعيوني مركزة على باب المصعد
... وبلحظة....
بدو. ناس تطلع من المصعد.... وفجئة... اتبين صورتة الي
و بدة يتقدم بخطواتة.... ونظراتة الي جانت متركزة علية
بديت اني اتقدم واني ضايجة.... كانما من شفتة رجعت الضوجة
جانت نظراتة هادئة... وهو امركز علية
.... اتقدمت ودخلت للمصعد..... والتفتت بسرعه واني اريد اشوفه شنو ردت فعلة...... بس لكيته واكف وظهرة مقابلي
جان على وضعيتة... متحرك....
بدة باب المصعد ينسد....واني عيوني بعدة تتفحصة..... لمحتة اندار وبدة يباوع علية وبدت ابتسامه خفيفة على وجة
...
.... انسد باب المصعد..... اما اني.. جنت مذهولة...
عود شنو يقصد..
شنو نوع هاي الابتسامه..... معقولة هو الي وصة المدير اعالج امه
....بدة المصعد يصعد... اما اني جان كلبي بي نار تشتعل
... اشوكت تلتفت الية الدنيا...
واتخلص من كل شي يذكرني بهاي ايامي
اشوكت اصعد واخلي الكل اتهابني... ومحد يكدر يحجي وياي اي كلمه
.. جان عندي طموح..... وطموحي مشروع... لان الي شفتة مو قليل بحياتي
.............................................................
_اكلج هاي مو نيروز
_اي هي.... هاي اشبيهة مثولة وين رايحة
_امشي خلي انشوف اشبيهة
(جانت شهلاء ورفل منتظرين نيروز بعد ما راحت لدكتور رشاد)
...... جنت امشي واني محاسة على نفسي....
اتذكر اشلون جان قريب مني...
جانت نظرتة تختلف...... مو مثل الي جنت اشوفه وهو يدرسنه
