قصة #قلوب_تنبض_بالحب٢ الجزء العاشر
الفصل التابع لقلوب يتيمه...... للكاتبة لينه سعد
..............
اتقربت من ابو عبدالله ابو الاستعلامات وكتلة
_بلا زحمة اريد فيروز اصيل
... باوع علية وهو متعجب
_بس فيروز اصيل صايرلة مدة ممتواجدة بالمشفى عدهة اجازة
.... بدت الابتسامه تختفي وبدت ملامحي تتغير واني مااستوعب الي حجاه
_شنووووو؟؟؟؟
...........................................................
دخلت للمحاظرة واني متوترة...
البارحة ممتواجد جان هذا الشي الي ريحني... بس لحد اشوكت اول وتالي راح اشوفه ويجي كبالي...
... بدت خطواتي تتقدم واني بالي مشغول ومتوترة
دخلت وكعدت واني كلبي يدك من الخوف... بس حاولت اشغل بالي وي شهلاء ورفل... على سوالفهم
.. بديت اقرة... لحد ماصار سكون بالقاعه..
بدت نبضات كلبي اتزيد..... جنت خايفة ارفع اعيوني واشوفه... بقيت راسي مدنكته...
وبلحظة سمعت كال...
_صباح الخير
... جان صوتة مثل الصاعقة الكهربائية.... مااعرف بس حسيت اني اتوقفت عن التنفس.. بدت نظراتي ترتفع
من سمعتهم.... يكولون اشبي لابس مناظر
... رفعت اعيوني واني انصدم واشوفة لابس مناظر شمسية بالقاعه...
معرفت بس حسيت بقت اعيوني اتركز بي
لحد ما شفتة نزع مناظرة وعيونة اجت بعيني
..... جان شي متخيلته.....
كانت كدمات جوة عينه..... معقولة فيروز هيج سوت
.. حسيت من نظراتة.. يعاتبني
نزلت عيني واني احس الحرارة بدت تتجمع بوجي
.... بدة يلقى المحاظرة... واني بالي مو يمه...
ومااكدر ارجع اباوع بعينه
.........................................................
جانت خطواتي الي اخطيهة علمود اوصل لقاعه المحاظرات بطيئة متوترة مو مثل قبل
جانت المناظر الي جذبت الكل واني لابسة... دليل على المشكلة الي واجهتني
.... اتذكر من لمحت هذيج البنية وبدت تهجم اول مااعرفت اني رشاد...
جانت قوية... وكهرباء متحركة ونار بنفس الوقت...
متخيلت ابد بيوم راح اصير بيهيج موقف وخاصتا من بنت وكدام اهلي واصدقائي
اول مانطقت اسم "نيروز".... عرفت كلشي
وبدت ضرباتة الي ناوشتهة لخشمي وجوة عيني واني مستسلم كانما اكول الهة زيدي.... اكثري منه
ياريت لو اتسامحني على الي سويته
.... دخلت القاعه واني اعرف هي موجودة....
سلمت وانتبهت مرفعت راسهة....
لحد ماشفتهة بدت اتباوع....
بديت انزل المناظر علمود اكول اله... اخذتي ثارج مني... كافي بعد... ارجعي مثل قبل
...........................................................
صفنت من حجة وكال فيروز مداوم صايرله مدة
_انت شتكول... اكلك فيروز اصيل
_اي اخوية.... صايرلله مدة ماخذة اجازة شنو متدرون
... معرفت شحجي
_لا بس اني مسافر جنت... والبارحة رجعت وماادري
.... طلعت واني الدنيا تفتر براسي
وين لعد هي.... فيروز... معقولة انتي هيج واني ماادري
يصير الدنيا غيرتج.. ونسيتي تربيتج
