قصة #قلوب_تنبض_بالحب٢ الجزء الثالث عشر والاخير
الفصل التابع لقلوب يتيمه..... للكاتبة لينه سعد
...............
جانت نظراتة الي تتحدى كلشي وهو يحاول يكول
كلشي بايدي.. بدة يتحرك ويركب سيارتة وينطلق
.... جنت صافنة علية.... يعني هو مبي شي... هو عايش لعد منو الي اتصوب
...................................................
جنة كاعدين على نار انريد نعرف شراح يصير...
بدت سميرة تتعارك وي فيروز بعد مااخذو رائد... وبيبيتي متكدر تحجي لان كبر سنهة وتعبهة من سميرة خلاهه تستسلم وتسكت
اما اني الي جانت النار ابكلبي وماتنطفي
جانت يوم بعد يوم تكبر.... والمفروض مني ابقى على هدوئي الي اتعودو علية
جنت بحالة مو طبيعية ومتناقضة وي نفسي.... مااعرف شنو موقفي ازعل على فيروز... لو ابجي على رائد وهو ديضيع مني
.... بقينة للظهرية وسمعنة الباب انفتح رحت ركض واني متشوقة اشوفه كبالي
بس كل تخيالتي راحت.. واني اشوف نائل وهو ينزل من السيارة وبوحدة بدة يقترب...
دخل واني اخاف اسئلة شصار... ضليت بس اباوع بعيونه...
اجتي تركض فيروز
_ها نائل.... اشصار
_انحبس
جانت كلمتة وهو بحجيهة ومخذول لان مكدر يطلعه
مثل صاعقة على مسامعي
.... جانت صدمة للكل ممتوقعيه...
اني مااحس على نفسي... رحت ركض لغرفتي مااريد احد يشوف ادموعي وانهياري كدامهم.....
بعد ماسمعت ثورة سميرة وهي اتلوم ووتتهجم على فيروز..
متحملت ابقى
... دخلت غرفتي واني اشهك بالبجي...
جانت ادموعي تنزل بقوة.... ذبيت الشال الي جان على راسي حسيت نفسي اختنكت
... بس اني اعرف هاي المجموعه من الدموع مو لاجل هاي اللحظة
هاي الدموع المكبوتة من سنين وخاصتا... بعد ماسمعت كلام البارحة
.... جنت احظر الصينية لفيروز.... واني مقهورة علية
وسميرة تغلط وتسب بيهة وتدعي علية بالموت
... اني طبعي يختلف اختلاف تام عن فيروز
جنت دائما ابتعد عن المناقشات... الي مثل هاي. مااتجادل دائما اسكت حتى لو اتكلمو علية بالسوء لان ماعندي قوة وسند ادافع عن نفسي
عكس فيروز الي اتواجة الكل وتتحلى بالشجاعه حتى لو تاذت تبقى على موقفهه
... وبلحظة سمعت اصراخ رائد... الي جان يطلع من غرفة المخزن
... طلعت بالممر اني وبيبيتي وسمير ة
_حل.... بعد ايدي كون يادبة... عمي نافشة ريشهه علية.. ومتنعرف صايرة
_الله يهديك يارائد.... كون على كيفة وياهه متستاهل اني اعرف فيروز... مستحيل تغلط..... حجتة بيبي وهي اتسبح وتستغفر الله
... اني جنت اباوع على باب الغرفه... اني متاكدة مراح ياذيهة ولا راح يضربه...
اعرف رائد ميكدر يسوي هيج شي وياه...
... بديت اسمع الغراض توكع.... وتنشمر.. اسمع كل شي هيجانة وغضبة
... ليش.... شنو سببة... رائد بعمرة ما خوف فيروز ولا سمعهة كلمه... شنو الي خلاه هيج يتصرف
رحت اخذ الصينية واني الفضول والغيرة الي بكلبي ماليني
صعدت واني اوهم نفسي اني صاعدة علمودهه
اتقربت من الباب... وبديت اسمع كلامهم
... جانت كلماتة الي تطلع مثل الرصاصة وتدخل بكلبي
كلشي حجة.... كال الكلمة الي اتمنيتة بيوم يحجيهه الية...
تلكلمة الي جنت احلم واني اسمعهه منة بالاحلام وبس
"احبج"
