حبيبي بالحشد

Bart. 7

#حبيبي_بالحشد
جزء 7
نزلت دخلت للغرفه مالتي حضنت المخده وابجي خايفه عليه شو كل اشويه يحجي بالموت ياربي احمي اليه اذكرت شي خرب ليش ماانطيته اله شلون اشوفه طلعت دعاء التاج يحمي كل من يحمله بس شلون انطي رحت صعدت فوك كلت بلكي بعده منازل وصدك صعدت لكيته يريد يشغل المولده همست علاوي هلا بكبدي شصعدج مرة ثانيه علاوي اريد انطيك شي كال شنو هاك هذا الدعاء حطه وياك وين ماتروح اخذه وياك حطه بسترتك مال العسكريه صار تدللين من عيوني بعد تسلم عيونك ردت اروح كال نسرين شو باوعي بعيوني باوعت بعيونة ودنكت مااكدر اقوم عيونه الحلوة كال انتي صدك حبيتيني علاوي يعني اجذب عليك والقران احبك نزلن دموعه ليش تبجي شكو علاوي لاتبجي والله تبجيني وياك لا اهم شي دموعج ماينزلن مسح دموعي كال انزلي يله روحي الله وياج نزلت لكيت ماما بالمطبخ جاي سوي اكل كالت وين جنتي ارتبكت كلتلها جنت فوك شسوين فوك مااسوي شي صعدت لان حارة هااا يمه بس شصار بيه مكطوع نفسي من الخوف من ماما دخلت لغرفتي ياالله شسويت بروحي وليش هيج سويت وليش حبيته وتعديت الحدود ثاني يوم من الصبح كلها نايمه وكفت بالحوش لان راح يلتحق وياخذ قلبي ويا ياربي شلون سمعت بابهم انفتح بس ماطلع صوت شغل السيارة وراح ضليت ادعيله كون يوصل بالسلامه ويرجع بالسلامه مرت ايام واجت ام علاوي دكت الباب
🔘امي منوووو
🔘خيه اني جيرانكم ام علي
🔘ياهلا اهلا وسهلا تفضلي شلونج ابو علي ورود عمار علاوي شلونهم
🔘الحمد لله خيه شلونج البنات شلونهم
🔘امي- الحمد لله زينين وين هلغيبه شو ماكو
🔘والله رجليه توجعني وجنت متمدده بالفراش ومااتحرك صارلي سبوع وخطيه ورود حامل وشايله البيت على راسها بس هسه شوي احسن
🔘مابيج الا العافيه والف مبروك لورود والله لو ادري جان دزيت نسرين تساعدكم وتساعد نسرين
🔘ياخيه رحمه الله والديج بس صرت احسن واني راح اشتغل خيه نسرين وين شيماء وين
🔘امي -شيماء عد اهلي ونسرين جاي تمشط بشعرها جانت تسبح ها خيه اني جايتج بموضوع واتمنى يصير خير
🔘اتفضلي ام علاوي
🔘والله اني انعجبت بنسرين وباخلاقها وعلاوي التحق صارله اسبوع واني كلت من يجي اريد اخطبله نسرين اذا ماعندج مانع والله دخلت بقلبي من اول مدخلت لبيتنا فدوة لا ترديني والله تعلقت بيها وحبينهة كلش وحتى ورود الي ماعدها اخت كالت نسرين اعتبرتها اختي من كد محبيناها والبارحه اني وابو علاوي نسولف وفتحتله الموضوع كيف كال منلكى مثلكم
🔘امي- ياخيه والله اكيف وانتو خوش ناس واذا قبل ابو نسرين والله بعيني واني احاجي اليوم ويصير خير انشاء الله واني مااكيف هي بصفي ومو بعيده عليه وعلاوي خوش ولد ومانلكه مثلكم
🔘 يابعد عمري خيه بس صيحيلي نسرين اريد اشوفها
🔘امي -نسرررررررررين تعاي يمه ام علاوي تريد تشوفج
🔘اني سمعت حجيهم كله وعيوني جاي دمع وفرحانه حيل ومامصدكه واتمنى صدك تصير القسمه
........تابع
تفاعلووو