حبيبي بالحشد

Bart 11

#حبيبي_بالحشد
جزء 11
نزلت ابجي واشهك بس فرحانه لان واخيرا وصل وحضنته وشتميت ريحته صار شكد مشتاقتله حيل رحت كملت الشغل مال البيت وطبيت للحمام حطيت قناع لوجهي لان ذبل حيل وسبحت وطلعت بدلت وتعطرت لان اليوم يجي هو وامه ياربي دخيلك كون بابا يقبل اليوم ياربي بقت 6 ايام للخطبه مالت هذا الحقير ابن عمي صارت المغربيه وصليت ودعيت اليوم يغير قراره بابا يارب دخيلك ساعه 8 ونص دك الباب واجت ام علاوي وعلاوي هم وكفت اباوع من الجامه مضلله وميشوفوني اباوع على علاوي يفرك بايده وجها احمر وامه حالها يبجي حجو وي ابوي وبابا كالهم لا بنتي ابن عمها رايده والجمعه خطبتهم 🔘علاوي اترجاك عمو اني مااكه مثلكم وماالكه مثل اخلاق نسرين فدوة عمي اترجاك انطينياها على سنه الله ورسوله بس كافي ابني كلمتي وحده وماصير ثنين انت ولد محترم وكل وحده تتمناك بس مال نسرين مستحيل انطيها الك لان ابن عمها رايدهة من جانت صغيره بس اذا تريد شيماء اخذها لا عمي اريد نسرين عمي اني احبه واريدهة ومااتخيل حياتي بدونها
ابوي غضب شنووو لك شلون حبيتها اليوم اطيح حضها اذا هي هم تحبك عمي اترجاك لاتحاجيها اني الي احبها وهي متدري ابوس ايدك عمي اريدها لاتحرمني منها كافي لاترخص نفسك كدامي خليك رجال كلتلك ماانطيها الك وخلص وروح رجاءا اطلع من البيت وبعد لاتجي واذا تريد ترجع اخذ شيماء مو نسرين طلع علاوي يبجي وامه ورا واني دخلت للغرفه قفلتا وضليت ابجي لحكني بابا افتحي الباب لااكسر الباب على راسج امي تهدي بابا وشيماء تبجي ضل يدفع باباب بابا وخفت كال تفتحينه لو اكسره صحت بابا راح افتحه فتحتت الباب حراني من شعري اكو شي بينج وبين هذا النذل لا بابا ماكو شي بينا احجي الصدك لا اموتج بابا مابينا شي ومصار شي ولا راح يصير دفعني تزوجين احمد وغصبا ماعليج فهمتي موبايلج وين خفت وراد يغمى عليه موبايلي بي سيمكارت علاوي شلون انطي لبابا يموتني والله عاط اطيني موبايلج طلعت موبايلي من جوة المخده شافا بي سيمكارت خنكني ردت اموت الا شوي وماما دفعت بابا وطلع ضليت اشهك وامي حضنتني انتي حبيتي مو سوده عليه حضنت امي وابجي يمه والله احبه مااريد ازوج احمد اريد غلاوي امي نومتني بخضنها وضلت تبجي وياي....يتبع