حبيبي بالحشد

Bart 4

#حبيبي_بالحشد
جزء 4
يوم السبت كعدتني امي كالت يمه كومي تريكي اريد اشتريلج ملابس للحنه مالت خالج كلتلهة اي يمه طلعت بالحوش سمعت صوت علاوي بره بالباب ياالله شوكت انكمل ونطلع اريد اشوفه غسلت وجهي وتريكت بسرعه
امي 🔘يمه على كيفج شبيج اكلي على كيف راح تغصين
اني🔘يمه مو اريد اروح بسرعه وارجع بسرعه وراي تحاضير هواي
امي🔘لعد ماقريتي من الخميس وعدج جمعه
اني 🔘يمه غير قريت بس بقتلي كم ماده همست بداخلي يمه قلبي يم علاوي
شيماء-خل اروح وياكم حبابة
امي🔘لا اكعدي ونجبي مو شتريتلج الملابس بالخميس بقت بس اختج
شيماء🔘حبابة اريد اشوف شتشترين لنسرين
اني -ي يام خطيه خل تجي حبابه هم نتونس صار هواي مطالعين
امي 🔘ياله لعد خلصن وبدلن
اني طفرت بلمحه بصر وراي اختي بدلت كدامهم وحضرت روحي وطلعنا لكيت علاوي يغسل بسيارته اجت عيني بعينه باوعلي دنكت امشي وقلبي يمه ضليت جسم بدون روح ماادري بالدنيا شبيها مابيه اول مرة يصير هيج وياي وصلنا للسوك شتريت فستان طويل ومنفوش منجوة ومنفوك مخصر كدرته يخبل وقياسي رجعنا بعدنا مواصلين للفرع مالتنا ضليت ادعي ياربي كون اشوفه يارب خليني لو بس اعرف هو يحبني لو لا اني مااكدر اكله عيب وحرام لان اذا احجي واكول راح باخذ نضره موزينه عليه وصلنا للفرع جان تتلاكه ويانا ام علاوي سلمت علبها وضلت امي وامه يسولفن امي فتحت جنطتها واطتني المفاتيح كالت روحي كدامي افتحي الباب مشيت بيتنا بنص الدربونه تقريبا وصلت هو موجود شفته من بعيد دخل شو وصلت للباب اني طبيعتي امشي بصف البيوت ماامشي بنص الدربونه وصلت لىبيت مالهم طلع صار بوجهة نقطع نفسي وهو ضل يباوع عليه دنكت وخرت منه وكف بالباب واني المفاتيح بيدي المفتاح عبالك طار منيدي ادور من بين المفاتيح اريد الباب ينفتح ماكو مااعرف كل مااشوفه يصير شي لو اوكع لو انثول انفتح الباب واخيرا دخلت محبوس نفسي وقلبي يدك حيل دخلت ىكض للغرفه وطايره من الفرح ماارعرف ليش مرت ايام وصارت علاقتنا كلش حلوة وياهم وحايط على حايط وابنهم الجبير من يروح يلتحق احنا نعبر يم المرة لان تبقى لوحدها وبرمضان تجي يمنا الضهريات تكعد تسولف وي امي واني اروح يم جنتها حبيتها كلش وهي هم حبتني دخلت لغرفتها ماشاء الله تخبل كعدنا وضلينا نسولف كالت اوكفي بس اشوف الاكل على النار واجيج اني مااكدر ابقى بالغرفه مالتها اخاف يروح شي وتكول هي باكته شلي بهالاذيه كلتلها اجي وياج كالت تعاي رحنا مسويه مركه مال لحم بس شنو ياالله عاشت هالادين يخبل طعمها كالت بس اشوف موبايلي انشحن واجيبلجيا وشوفي اخواتي كلتلها اوك كعدت بالاستقبال جان يدخل علاوي لابس فانيله سوده نص ردن وبجامه مال حشد تخبل عليه شافني اتفاجئ ردت اكوم اروح لورود كال لا ضلي على راحتج بس اخذ موبايلي علشحن باوعت موبايله بصفي مااكدر اتحرك كل مااشوفه اتجمد بمكاني اتقرب شاف موبايله شو ضل ساعه هو كال اخذه واروح شو ضل هواي باوعت عليه خل اشبع منه بعد يومين ويلتحق هو هم باوعلي بتسم تقرب راد يلزم ايدي كمزت وكمت على حيلي كال اوكفي نسرين اريد احجي وياج بداخلي شيريد استحي اوكف يمه لا مااسمع كلشي خل اروح كال بداعت الحسين تقربلي كال اوكفي خل اشوف ورود لا خوش بعدها مجايه اتقربلي شهكت كال اشش لاتفضحينه بس احاجيج واروح حطيت الكلنسه على حلكي وخر ايدي جريتها مااريده يلمسني صح احبه بس ماامن باي شخص اخاف واساسا حرام يلمسني وهو اصلا مصاير زوجي.....يتبع 
تفاعلوووو