حبيبي بالحشد

Bart 8

#حبيبي_بالحشد
جزء 8
🔘دخلت للاستقبال حاله شعري ولابسه تراكسود ها خاله شلونج شلون صحتج ورود شلونها بس اول مرة يصير هيج بيه رجلي مشايلتني وارجف ومرتبكه
🔘يابعد روحي خاله انتي شلونج ورود تسال عليج تكول ليش ماتسال عليه
🔘خاله سلميلي عليها والله مشتاقتلها
🔘امي يمه روحي سوي جاي لخالتج ام علي وجيبيله الكليجه الي سويتها قبل شوي مدامها حارة
🔘ي يمه هسه
🔘لا خية دايمه والله عدنا شغل هواي واريد اروح
🔘لا ام علاوي الا تاكلين وشربين الجاي ياله اخليج ترحين
🔘خيه بغير مرة انشاء الله فدوة مثل ماكلتلج رديلي خبر مو تنسيني
🔘لا ام علاوي شلون انسى بعيوني
طلعت ام علاوي وراحت واني خجلت ردت اروح للمطبخ وامي كالت تعاي اكعدي يمي
🔘ي يمه اجيت كعدت يمها يمه هاي الدنيا ماتتامن واخاف عليج منها والزواج ستر واذا خوش قسمه مابيها شي وهاي سنة الحياة وبعدين عاشرناهم وعرفناهم خوش ناس واني اكل لابوج اليوم وانتي شيحاجيج ابوج كليلي صار اني مدنكه ها يمه
🔘يمه بكيفج
يابعد قلبي وروحي يمه شوفي الاكل على النار صار يمه
بيني وبين نفسي علاوي صار سبوع ومدك عليه ليش والله خايفه عليه لا ياربي كون مصايرله شي يارب دخيلك ضليت ادور على رقمه كاتب على رقمه شريك حياتي يمه فدوة لعمره والله احبه يارب لتحرمني منه شفت الرقم اريد اتصل وشوف ليش ميذكرني مو كال كل شوي ادك عليج صار سبوع منتضرة وكل شوي اباوع على الموبايل بلكي يدك وماكو دكيت مغلق ليش ياستار ياربي ليش ميرد يارب يارب دخيلك احمي اليه ركضت للغرفه وقفلتها وضليت ابجي ليش ميرد ياررررب اجه بابا بليل وفتحت ماما ويا الموضوع اسمع ابوي يحجي رحت وكفت على الدرج يكل لامي انتي من كل عقلج انطي نسرين لناس مااعرف اصلهم ولا فصلهم يمعود كول ياالله صارلنا شكد من كعدنا هنا مشفنا شي منهم ونسال عليهم وبلكي خوش ناس اسكتي اني مو كايلج من زمان نسرين لاحمد (احمد ابن عمي انسان متكبر بشكل مو طبيعي ودمه حيل ثكيل وعصبي لدرجه ) كالت امي والله لو مدري شيصير نسرين ماانطيها لاحمد بكيفج انتي اني ابوها واني مسؤل عليها عفتهم يتحاجون وركضت لغرفتي وسديت الباب وضليت ابجي لا ياربي دخيلك خلي بابا يقبل والله مااكدر اترك علاوي ومستحيل اخذ احمد لو اموت مااريده هذا الحقير احمد وابجي حيل واعض بالمخده