حبيبي بالحشد

Bart 12

#حبيبي_بالحشد
جزء12
ثاني يوم من الصبح واني نايمه بابا دخل للغرفه اخذ موبايلي وضل يفتش بهدومي لزمني من ايدي لواها اليه كال اكسر ايدج وافرك حلكج اذا تحجين ويا وصعده فوك السطح ماكو بعد اموتج وراح اكل لعمج يستعجل بالزواج حتى ماتوطين راسي بابا فدوة نزلت على رجلي ابوس بيهن بابا انت حبيبي ومارفضتلي اي شي اطلبه بابا انت موتحبني ليش سوي بيه هيج بابا ماازوج ميخالف ماازوج ابقى يمك بس مااريد احمد دخيلك بابا دفرني كال اش لاصيحين جراني من شعري ودفعني ضليت ابجي واكو اه دخلت شيماء وشبكتني بابا معقوله يضربني لا هذا موبابا بابا بحياته ماضربني ليش هيج سوة بيه ياربي بعد مااكدر احاجي علاوي ولااصعد فوك شلون ثاني يوم بابا راح للدوام وامي للسوك راحت واجت شيماء كالت نسرين تعاي كلتلها عوفيني بحالي كالت تعاي وياي عدي شغله الج صعدتني وكفت على الدرج بابا ميقبل اصعد ولج محد موجود هاج حطي شال على راسج ليش علاوي واكف فوك مو احجي الصدك كالت اي صعدت اشر الملابس وكالي صيحيلي نسرين كلتلها لا مااريد اصعد مااكدر اباوع بعينه والله مااتحمل لج امشي خطيه الولد ميت من البجي عيب عليج اصعديله واني جوة اذا تجي امي اصيحلج انزلي بسرعه صعدت لكيته طافر على صطحنا وحاط ايده على وجهي وداير وجهة ركضت حطيت ايدي على ضهره اندار عيونه مليانه دموع حضني كال نسرين مااكدر اعوفج والله اتخبل اذا احد يلمسج علاوي بابا مصر يريدني انخطب بالجمعه علاوي اريد اموت واخلص هسسسس كافي لاتكولين هيج انتي الي بس كافي الله ويانه انشاء الله ميتخلى عنه كافي ضليت حاضنته وانوب كلتله خل انزل خاف يجون اهلي ودعته ونزلت ورة يوم اجت عمتي واحمد وابو واتفقو على الخطوبه وانطونا فلوس نشتري بيهن غراض العرس وراحو وامي كالت بدلي خل اخذج اشتريلج وبابا واكف ومكدرت احجي خاف يصير عصبي رحت بدلت وعيوني كلها دموع تعذروني بنات مااحجيلكم التفاصيل لان اكره احمد احجيلكم بس على علاوي طلعنا لكيت علاوي واكف قاومت مااريد اشوفه لان ابجي وعيب العالم شتكول عليه رحنا للسوك واشترينا كلشي ورجعنا وهم علاوي واكف اجت عيني بعينه وعيونه كلها دموع واحسه يريد يحضني بالشارع واني هم اريد احضنه وابجي كافي عذاب دخلنا للبيت ومرت اجراءات الخطوبة وضليت اطلع وي هذا الحيوان وبكل طلعه الكه علاوي وياي بمخيلتي وعلاوي التحق وبقيت بدون روح امشي وي ابن عمي وماادري بالدنيا شيسالني شيحاجيني ساكته حتى مرة من المرات امشي ماادري كدامنا شارع عبرت رادت تسحكني السيارة وجراني احمد كال شبيج وين بالج باوعت عليه مثل الثوله ومر شهرين واحنى مخطوبين رجع علاوي من الجبهة وماشفته ابد اخذتني امي للسوك والسوق قريب على بيتنا مسافه عشر دقايق تاجرلي بدلت العرس ضلينه ندور بالسوك امي كلشي ميعجبه كلشي الا اني اكلها اريد هاي مااعرف شلون انتبهت وشفت مرة بعيده حسيتها غريبه فتحت عبايتهة ياالله دخيلك هاي شايله حزام ناسف يممممممممممممه انبطحي وصار انفجار بالسوك كمت من الكاع ادور على امي لكيتهة مشمورة واني بالكوة اتحرك وراسي كله دم ضليت ازحف والجثث كلها مطشره والنار صاعده واريد اسمع كلشي مااسمع بس ونننننن باذني يمه اكعدي يمه والولد فوك راسنا اغمى عليه وماحسيت بشي والقران جنت حيل خايفه على امي وكعدت لكيت الدكتور فوك راسي بالمستشفى وعلاوي موجود فزيت علاوي جابك هنا وليش اني هنا امي وين حضني وضل يبجي جنت وراكم وماتركتكم ابد وامج بخير هاي شوفيها بالسديه الثانيه باوعت على امي نايمه بس مجرحه وباوعت على علاوي لافين راسه علاوي انته بخير اي بخير انتي شلونج اني زينه علاوي لو ميته احسلي ولاباقيه عايشه واتعذب لاااا تكولين هيج اموت وياج علاوي منو جابنا هنا اني جبتكم شكرا علاوي ضلينا تقريبا 3 ساعات وامي كعدت الحمد لله كلشي مابيها وعلاوي ماتركنا خطيه رغم مجروح راح جابلنا اكل من المطعم وكال ابقو لاتتحركون راح اخابر امي خل تعبر على ابوج يجيكم كلتله اي ____يتبع