حبيبي بالحشد

Bart 2

#حبيبي بالحشد
جزء2

كلتلها انتي بتهم كالت لا جنتهم انعصر قلبي كلت لا بس لا مرت هذا الي بالباب ياالله هو كلشي بالقسمه وشعليه اصلا بي اوي كالت اني مرت ابنهم الجبير وهسه هوة ملتحق باوعت عليهة الله يرجعة بالسلامة بس فرحت يعني مو مرت علاوي اندك الباب اجو اهلي طلعت ورحنا للبيت ورة فترة رجعت من المدرسه واشوف سيارة مال العصائب واكفه بالباب كلت هاي المن السيارة يمكن مال جيرانه تقربت طلع علاوي وماخذ غراضه يريد يلتحق بس مشفت وجهة ابد يمه قلبي لا ياربي والله خايفه بس لا يصير شي عليه لا يمه يارب دخيلك كون ميروح وضليت ادعي اذا يروح كون الله يحفضه ويرجع بالسلامه دخلت للبيت محد اكو بس اختي وكفت بالحوش كلت يارب دخيلك خليني اشوفه بس ثانيه وحده قبل لايروح دخيلك ربي يارب دخيلك ساعدني ياالله تقربت من الباب هواي شباب واكفين برة لا يمه ماافتح الباب خل اثكل شويه ابتعدت اريد ادخل للمطبخ سمعت الباب اندك طفرت لبست الشال وصحت منو كال اني يمه قلبي ضل يدك بسرعه علاوي هذا وشعنده شيريد الف سوال اجه باله معرفت شحجي بس كلت اهلي مو هنا مااكدر افتح الباب كال بس اريد انطيج المفاتيح افتحي الباب يربي اريد افتح الباب واحضنه واكله لاتروح خايفه عليك فتحت الباب صرت ورة الباب مد ايده كال هذن المفاتيح ممكن من تجي امي تطيها الها لان رايح اني وجماعتي للرمادي ومرت اخوي عد اهلها كلتله صار كال رحمه الله على والديج وسديت الباب طبكته وكفت ورة الباب ضليت ابجي ياربي ليش اني ماباوعت عليه شلون اريد اشوفه يارب احمي هو واهله وكل جماعته ورجعهم بالسلامه دخلت للمطبخ سويت العشاء المغربيه اندك الباب امي فتحت الباب طلعت ام علاوي اهلا وسهلا خيه تفضلي زارتنه البركه كالت لا رحمه الله على والديج بس اريد المفاتيح كالت امي يامفاتيح كالت علاوي كلتله من تروح خليلي المفاتيح عد بيت جيرانه كالت ها بس هو مجابهن سمعت طلعتلها كلتلهة خاله هذن المفاتيح كالت اوي من فدوة لطولج شكرا امي مخلتها تروح الا تتعشه ويانا ضلت اتلح امي عادتها من يفوت احد للبيت حي على الصلاة ياكل او يكعد يمنا مستحيل من الباب ويطلع كعدت ام علاوي كالت بس جاي واروح خاف يجي ابو علاوي وممسويتله عشاء شربت جاي ودك سوالف وطلعت امه وجان تستلمني امي منو اطاج المفاتيح وشلون تفتحين الباب اني مو وصيتج متفتحين الباب لاحد بعدني محاجيه وشيماء كالتلها يمه مو هي فاحت الباب اني اجيت دوامي ضهري وهو انطاني المفاتيح سكتت امي وكلتلهة شومه شكرا كالت احنا اخوات انتي ذاك اليوم نقذتيني واني هم رديتلجياه لاتكولين هيج انتي عيوني فدوة لكلبها اختي الحلوة دخلنا للغرفه اذكرت من مد ايده وانطاني المفتاح ومن وكعدت وضحكته الي ترد الروح ضحكت ههههه اجت اختي ها شكو ترة ضايجه هواي ضحكيني وياج كلتلها لا هيج كالت هااا ولج صارت بيها هيج ابتسمت ودنكت كالت احجيلي كلتلها ولج والله ماكو شي سكتت نمت على فراشي وغطيت روحي بالحاف وضليت ابجي ياربي ليش دااحس هيج شعور يارب دخيلك كون ميصيرله شي علاوي يارب رجعه بالسلامه ___ يتبع