#بقايا_امرأة
Princess shosho
البارت الثالث
،رفيف ،،،طبيت ومن الباب عمتي صاحتني هلا بريحة الغالي فدوة حياتي صايرة مرة وتخبلين اني ضحكت حتى ماباوعت بالوجوه ،،،كعدت يمها ،،،وباستني وكالت هاي جنتي بس يكون نفسه ماهر اخذه اله ماخليها تروح من ايدي،،،،بس حسيت ابنها الي جبتله الجكاير يباوع علية ،،، لان ماجنت اعرف شنو زواج وشنو حب مجرد اسمع واسكت بس كلتلها لا عمتي اني ماريد اتزوج اريد اكمل واصير محامية وادافع عن الناس ،،،طبعا قلبي كلش فطير جان بوقتها احب اساعد الناس بحيث اذا اشوف طفل بشارع يبجي ابدي ابجي ويا ،،،،ردت عمتي اي والله ياعيني شريد بعد جنتي محاميه وزوجها محامي الكل ضحك واني حتى ماعرف منو ماهر بيهم،عبالي مجرد كلام ،،،طفولتي جانت مسيطرة ع عقلي ،،،،بقو يحجون الى ان كالت عمتي ام ياسين ان شاء الله لارا ماعدها مانع وجمال وردة مال الله وشغيل وكسيب .واكيد راح يدللها وبالنسبة الي ما الكه احن واحسن من بنات الغالي ،،،،ردت امي ،،ان شاء الله خير ولا اني الكه مثلكم اني عرفت خطبوها بس ما اهتميت ،،رحت لغرفتنا كعدت حظرت واجباتي وتعبت وكلت بكلبي خلي انام ،،،
نمت ومافزيت الا ع صوت عمتي ها حبيبتي خيرج يمه ليش نايمة الدنيا مغرب وموزين ،،كتله عمة والله شو راسي يوجعني كلش وتعبانة بس شوية انام وارجع اكعد حبابة ،،،عمتي ،،خلص بنتي براحتج ،،،باستني براسي وعاطت بوجهي لج رفيف انتي حرارتج عالية بنتي كومي خلي ياخذوج للطبيب ،،،رفيف لاعمة فدوة الا الطبيب مابية وهسة راح اجي وراج ،،،دقايق بس اغسل وجهي ،،،بقت تنتظرني عمة الى كملت ،،،طبينا الكل كاعدة وجانو الولد جايين من الشغل ،،عمتي،،،ام ياسين خية جنتي الصغيرة مريضة جا ليش مديرون الها بال اني زعلت منكم ،،،ردت يمه شبيها بنيتي قبل ماتنام جانت مابيها شي ،،،ماهر ،،،طبعا تتمرض اذا بعز الظهر دا تنظف بالحديقة اكيد الشمس أثر ت عليها،،،،رفيف ،،مابية شي يمه بس راسي يوجعني وهياتني واكفه كدامج عين الله علية اخذتني عمتي وكعدنا كعدت كبال نفس الولد وطبعا ماعرف شنو مشكلته يباوع علية ومن يشوف احد يدير وجه حاولت افهم ،،،ماكدرت بس كالعادة فطيرة بهيج سوالف ،،،بقت يحجون ويكولون منروح الانقطع مهر لجمال ولارا لان الطريق طويل ومابين حيل كل يوم نروح ونرجع ،،،كالت امي الراي لاخوتها واني والبنية موافقين ،،ياسين،،،والله والنا الشرف وامي بعد كلامج مالنا حجي هذا هو الي تشوفو مناسب سووو ،،،،،،حددو موعد الخطوبة وكالت عمتي باجر ناخذ البنات يشترون النيشان والمستلزمات حتى ان شاء الله انكمل كلشي واخلي ماهر الصبح يوديهم ،،ماهر ،،،لايمه خليها للعصر مو رفيف عدها دوام الصبح ،،شلون نعوفها ونروح ،،ردت عمتي اي والله نسيت الغاليه خلص العصر نروح لاجل رفيف ،،ردت امي لايمعودة ماتروح شعدها ،،عمتي والله ماتعدى اذا موهي موجودة ،،جا شعندي هاي من ريحة الغالي ومدللته ،،،،،،،
صار وقت العشى والكل تعشى وكمت اني ولارا غسلنا المواعين ولملمنا البيت بقى اشطف المطبخ راحت لارا واني فتحت الباب رشيت الماي وبديت اسحب بي الى ان طلعته برة بشكل سريع بحيث مانتبهت احد واكف ،،،سمعت ع كيفج يمعودة دمرتي ملابسي هاي منو علمج هيج تسحبين الماي ،،رفعت راسي لكيت ابن عمتي كتله اسفة والله مادري بس ردت اكمل بسرعة واسد الباب لان ظلمة واخاف ،،،،،ماهر صحكت ع كلامها ،بحيث حسستني دا احجي ويا طفلة ،،،،رفيف صدك انت شسمك ،تعرف ماعرف الى حد الان ،،،كالي ماهر اسمي،،رفيف صفنت ،،،وحجيت يو هذا انت الي تكول عمتي عليك لااني عود ماريدك يمه انت ضخم واخاف منك اخاف تضربني وتموتني بضربة وحدة(،راح تستغربون من طريقة كلامي صدكوني بذيج الفترة ماعرف سوالف غير القراية والكتابة وسوالف البنات اللبس ولكشخة بس غيرها ابد اتجنب مواضيع الكبار لان امي ربت على هذا الشي )،،،ماهر ،،،اضحك عليها وع كلامها وربي ماشفت بفطارتها معقولة بنت بعمرها ماتعرف بسوالف الحب وغيرها،،،،الصراحة اول ماشفتها عجبتني شخصيتها ولسانها رغم هي ملامحها عادية بس تدخل القلب بسرعة
